Unicode
" မနိုင်တော့ဘူးဆို အရှုံးပေးပြီလို့
ချက်ချင်းအော်လိုက်နော် "
" ..... "
" အရမ်းနာလာပြီဆိုလည်း
အရှုံးပေးလိုက်တော့ ကြားလား .... "
" ...... "
" ရှုံးလည်း ဘာမှမဖြစ်ဘူးသိလား ....
ငါရှိတယ် "
" ...... "
" အနာမခံနဲ့နော် သိလား ..... ကျစ် !!
မဖြစ်သေးပါဘူး "
" ..... "
" ဒါကို လုံးဝမလုပ်ဖို့
အကိုကြီးကို သွားပြောလိုက်မယ် .... "
တတွတ်တွတ်ရွတ်ရင်း ထွက်သွားဖို့ပြင်နေတဲ့
သူဌေးပွစိကို မြတ်သူ လက်မောင်းရင်းကနေ
ဖမ်းဆွဲထားလိုက်သည်။
" ဘာဖြစ်လို့လဲ "
ပြူးကြောင်ကြောင်နဲ့ပြန်မေးလာပုံက
အရင်တိုင်း စိတ်လေစရာ ....
" ခင်ဗျား ကျုပ်ကိုအရှက်ခွဲမလို့လား "
" ဟမ် ..... ဘာကို "
" ခင်ဗျားသွားပြောလိုက်ရင်
ကျုပ်က ပြိုင်ဘက်ကိုကြောက်နေလို့ဆိုတဲ့
ပုံစံမျိုးသက်ရောက်သွားမှာပေါ့ "
" အဲ့လို မဟုတ် ... ငါ မင်းကို "
" ကျုပ်အတွက်မျက်နှာငယ်မခံနဲ့ !! "
" ...... "
" ခင်ဗျားအကိုရဲ့မျက်လုံးထဲမှာ
ကျုပ်ကို အထင်သေးတဲ့အကြည့်တွေပါတယ် ...
ဒါကြောင့် ဒီပြိုင်ပွဲကို ကျုပ်ပြိုင်မှာ ....
ရှုံးရင်တောင် သိက္ခာရှိရှိရှုံးချင်တယ် "
မြတ်သူရဲ့ပြတ်သားလှတဲ့စကားကြောင့်
လျှန်ချိုးမျက်တောင်ခပ်ဖို့ပင်
မေ့လျော့နေခဲ့သည်။
ဒီကောင်လေး မာနကြီးတာသိပေမယ့်
ခေါင်းမာတတ်တာကိုတော့ သူမသိခဲ့ဘူး .....
အခုဟာက ကောင်လေးက မာနကြီးပြီးခေါင်းမာရုံသာမက
ရဲရင့်ပြတ်သားလွန်းနေသေးပြန်သည်။
သူ့အတွက် ကံကောင်းလား ?
ကံဆိုးခြင်းလား ?
မရေရာတဲ့အတွေးတွေကြောင့်
ပင့်သက်ရှိုက်ရင်း ကွင်းထဲဝင်သွားတဲ့
ကောင်လေးကို
လေးလံစွာကြည့်လိုက်မိသည်။
