Unicode
.
.
.
.
.
ဒီနေ့က ကိုကို့အစ်ကိုတို့ ဇနီးမောင်နှံရဲ့ ပထမဆုံးရင်သွေးလေး Gender Reveal Party ပွဲနေ့ပင်ဖြစ်သည်။
Planetarium Entertainmentရဲ့ CEOဟာ ကိုကို့ရဲ့အစ်ကိုအရင်း ဖြစ်နေမယ်လို့ ခေတ် ဘယ်တုန်းကမှ မတွေးခဲ့ဘူးပါဘူး။ မသော်ပြောစကားအရ ကိုကိုက သူ့အစ်ကိုကို အသိအမှတ်မပြုဘူးတဲ့... ။
" ကိုကို အသိအမှတ်မပြုလည်း CEOက ကိုကို့ထက် အရင်မွေးတာပဲလေ.. ရယ်ရတယ်... "
" ဘာပဲဖြစ်ဖြစ် ကိုယ်မသွားဘူး.. ခေတ်လည်း မသွားရဘူး... "
" အဲ့လိုတော့ မရဘူးလေ.. ကိုကိုပဲ လိုက်ပို့ပေးမယ်လို့ ပြောထားပြီးမှ... "
" အဲဒီသွားမယ်မှန်းသိရင် လိုက်မပို့ဘူး... "
ကားတံခါးကို အသံမြည်အောင် ဆောင့်ပိတ်လိုက်တာကြောင့် ကားထဲမှာ ရှိနေဆဲ ဖြစ်တဲ့ ခေတ်မှာ တကိုယ်လုံး တုန်သွားရ၏။ ကိုကိုကတော့ အပြင်ဘက်မှာ ကျောပေးရင်း ခါးထောက်ထားလေသည်။
" ကိုကို့ "
" . . . "
" သွားမှာလား မသွားဘူးလားပဲ သိချင်တာ.. မသွားဘူးဆိုရင် ကားခဏငှားလိုက်တော့... "
Lover Seatကနေ တဖက်ကို ကူးပြောင်းဖို့အလုပ်မှာပဲ မျက်နှာကြီးသုန်မှုန်ထားရက်နဲ့ ကားတံခါးဆွဲဖွင့်တော့သည်။
" ခဏပဲ.. ခဏလေးပဲ မျက်နှာသွားပြမယ်.. ချက်ချင်းပြန်လာကြမယ်လေနော်.. နော်.. ကိုကို.. ခေတ်က မသွားလို့မကောင်းဘူးလေ.. CEOလည်း ဖြစ်သေးတယ်.. ကိုကို့ရဲ့ အစ်ကိုလည်း ဖြစ်သေးတာကို... "
" . . . "
" ဟုတ်ပြီ.. မသွားတော့ဘူး... "
" သွားမယ်... "
သေချာစိတ်ပိုင်းဖြတ်လိုက်ပုံနဲ့ ခေါင်းညိတ်သည်။ ကိုကိုက လိုက်မပို့ဘူးဆိုရင် အတင်းအကြပ်ပူဆာမိမှာ မဟုတ်ပါဘူး။ ချစ်မိလာတော့လည်း အကုန်အလျော့ပေးချင်နေမိတာပဲ။ ကိုကိုလည်း ခေတ်လိုပဲ ထင်ပါတယ်...။
ခေတ်တို့ရောက်သွားချိန်ဟာ ပွဲအချိန်ထက် တော်တော်လေး နောက်ကျနေပြီ။ Countdownရေတွက်နေပြီး ရောင်စုံမီးရောင်တို့က ပွဲအတွင်းမှာ ရှိနေတဲ့ လူတိုင်းအပေါ် ဖြန့်ကျက်ထား၏။
DU LIEST GERADE
Searching For Happiness
Romantikထင်းရှူးတော။ ကြယ်ရောင်စုံတဲ့ည။ အနွေးဓာတ်ပေးနေတဲ့ မီးပုံနဲ့ Tentတလုံး။ ဖုံးကွယ်ထားလို့ မရနိုင်တဲ့ အချစ်မျက်၀န်းတွေ။ " ကိုကို.. Parallel Universeရှိမယ်ဆိုတာကို ယုံလား... " " ယုံတယ်.. Parallel Universe မှာ ကိုကိုနဲ့ဘေဘီနဲ့ ရှိနေမယ်ဆိုတာကိုလည်း ယုံတယ...
