Unicode
.
.
.
Recommend Song
GOT7 - Not By The Moon
.
.
.
ကိုကိုဟာ ဒီခရီးစဉ်မှာ ခေတ်ရဲ့လက်ဆောင်ဖြစ်တဲ့ နာရီကို ၀တ်ဆင်မလာပါ။ ခေတ် ပေးထားတဲ့ Brandမဟုတ်ပဲ၊ တခြားBrandကို ညာဘက်လက်မှာ ၀တ်ဆင်ထားပြီး ဘယ်ဘက်လက်မှာ ခေတ်နဲ့ဆင်တူဖြစ်တဲ့ Knot Bangleက နေရာယူထားသည်။
" နာရီဘယ်မှာလဲ... "
အဓိပ္ပာယ်ဖွင့်ဆိုချက်ကတော့ ဘာလို့ ၀တ်မထားတာလဲ၊ တန်ဖိုးမထားတာလား၊ ပေးတဲ့သူကို အလေးအနက် မထားတာလား။
" ဖြေလေ... "
" ကိုယ် ယူမလာခဲ့ဘူး... "
လေးတိလေးကန် အသံနဲ့ ပြန်ဖြေလာ၏။
" အကြောင်းပြချက်... "
" မင်းဆီက လက်ဆောင်ရထားတာမို့ ထုတ်၀တ်ရမှာ နှမျောတယ်... မတော်တဆ ခြစ်ရာလေးတခုတောင် ကိုယ်မလိုချင်ဘူး... "
အဖြေကို စိတ်တိုင်းမကျသေးပါ။
နေ့လည်စာစားပြီး အခန်းထဲ ပြန်ရောက်ချိန်ထဲက စကားပြောရတာ အဆင်မပြေ။ သုံးနာရီ... သုံးနာရီတိတိ စကားပြောနေခဲ့ကြတာ။
" မနက်ဖြန် ဘယ်သွားမှာလဲ... "
ဒီမေးခွန်းကို စိတ်ကျဉ်းကျပ်စွာနဲ့ မေးလိုက်သည်။ ဘာအတွက်ကြောင့် မေးလိုက်မိမှန်းတော့ သေချာမသိ။ သေချာသိတာကတော့ ဒီလိုအခြေအနေနဲ့ အိမ်မပြန်ချင်ဘူး။
" မြစ်ဆုံ... "
" ဒီနေ့အတွက်ကရော... "
" နတ်ကျွန်း... "
" ခုနက မေးတော့ မနက်ဖြန်မှဆို... "
မျက်စောင်းမထိုးမိသွားအောင် တော်တော်လေး ကြိုးစားယူလိုက်ရသည်။
" အခုမှ ထက်အောင်က ပြောလာလို့... "
ခုနတုန်းက ခဏဆိုပြီး အပြင်ထွက် ဖုန်းပြောနေတုန်း စိတ်တည်ငြိမ်အောင် မနည်းကြိုးစားထားရတာ...။
" အ၀တ်အစားလဲမလို့ ခဏအပြင်ထွက်ပေး... "
ခုတင်တခုထဲပေါ်မှာ ထိုင်ရင်း စကားပြောနေကြပေမယ့် ခေတ်က ပြတင်းပေါက်ရှိရာကို မျက်နှာမူထားပြီး ကိုကိုကတော့ ခေတ်ကို မျက်နှာမူထားသည်။ ကိုကို့မျက်နှာကို ကြည့်မိရင် အလျော့ပေးမိမှာ စိုးရိမ်တာကြောင့် တချက်မှ လှည့်မကြည့်ပါ။
ESTÁS LEYENDO
Searching For Happiness
Romanceထင်းရှူးတော။ ကြယ်ရောင်စုံတဲ့ည။ အနွေးဓာတ်ပေးနေတဲ့ မီးပုံနဲ့ Tentတလုံး။ ဖုံးကွယ်ထားလို့ မရနိုင်တဲ့ အချစ်မျက်၀န်းတွေ။ " ကိုကို.. Parallel Universeရှိမယ်ဆိုတာကို ယုံလား... " " ယုံတယ်.. Parallel Universe မှာ ကိုကိုနဲ့ဘေဘီနဲ့ ရှိနေမယ်ဆိုတာကိုလည်း ယုံတယ...
