Unicode
.
.
.
.
.
လိမ်းထားမှန်း မသိသာအောင် ပြင်ဆင်ထားရတဲ့ Makeup lookကို သဘောတကျနဲ့ ကြည့်နေမိသည်။ ဒီလိုလေး ဖြစ်ဖို့ မနက်အစောကြီးထပြီး အပင်ပန်းခံထားရတာ။
မျှော်နေရတဲ့ ဘဲလ်သံကြားရတာနဲ့ ဆံပင်ကို လက်နဲ့သပ်လိုက်ပြီး ချောင်းတချက်ဟန့်ကာ တံခါးဖွင့်ဖို့ ထွက်လာခဲ့သည်။
တံခါးပေါက်က မြင်ကွင်းက သိပ်ကိုစိတ်ချမ်းသာစရာကောင်း၏။ Suitနဲ့ လိုက်ဖက်နေတဲ့လူကို ကြည့်နေရင်း ဒီလူပြောခဲ့တဲ့ စကားတွေ ပြန်ကြားယောင်လာမိတော့ ကြည်နူးစိတ်တို့ ဖြစ်ပေါ်လာရသည်။
" မနက်စာမစားပဲ မနေနဲ့နော်... "
" ရှင်ရော... "
" သွားရင်း ကားပေါ်မှာပဲ စားလိုက်မယ်... "
" မဟုတ်ပါဘူး.. အတူတူစားရအောင်လို့ ပြောနေတာကို... "
" မင်းက ကိုယ့်အတွက် အချိန်မရှိဘူးဆိုတော့.. ကိုယ်က မင်းရဲတန်ဖိုးရှိလှတဲ့ အချိန်တွေကို၀ယ်ဖို့ အလုပ်ကြိုးစားရမယ်လေ... "
မုန်းစရာကြီး။
ခေတ်က သူ့လက်ထဲက မုန့်ထည့်ထားတဲ့အိတ်ကို ယူဖို့ လက်လှမ်းလိုက်ပေမယ့် ပေးဖို့လုပ်ပြီးမှ မပေးပဲ လက်နောက်ပစ်လိုက်သည်။
" ကိုယ့်မှာ အစည်းအဝေးက အရေးကြီးနေတယ်.. မဟုတ်ရင်တောင် သွားဖို့ သိပ်စိတ်မပါဘူး.. ကိုယ့်ကို သွားခွင့်ပြုနော်... "
" သွားပါ.. Breakfastအတွက် ကျေးဇူးတင်ပါတယ်... "
သူက သံယောဇဉ်မပြတ်စွာ ငေးကြည့်နေမိပြီးမှ အိမ်တံခါးကို လှမ်းပိတ်ပေးသည်။
သူပေးလာတဲ့ အိတ်ထဲမှာ ဘူးနှစ်ဘူးပါရှ်ိသည်။ လှလှပပ လှီးစိတ်ထားတဲ့ ရာသီပေါ် အသီးအနှံ့တချို့ ထည့်ထားတဲ့ဘူးနဲ့ နောက်တဘူးမှာတော့ ကောက်ညှင်းပေါင်းနဲ့အကြော်စုံပင်။ မုန့်ပျစ်သလက်သေးသေးလေးတွေလဲ ပါသေး၏။
နှပ်ကော်ဖီနံ့မွှေးမွှေးက ဘူးထဲကနေ ဖန်ခွက်ထဲ ပြောင်းထည့်ဖို့ အချိန်ခဏလေးကို မစောင့်နိုင်ပဲ ဖြစ်နေရသည်။
ESTÁS LEYENDO
Searching For Happiness
Romanceထင်းရှူးတော။ ကြယ်ရောင်စုံတဲ့ည။ အနွေးဓာတ်ပေးနေတဲ့ မီးပုံနဲ့ Tentတလုံး။ ဖုံးကွယ်ထားလို့ မရနိုင်တဲ့ အချစ်မျက်၀န်းတွေ။ " ကိုကို.. Parallel Universeရှိမယ်ဆိုတာကို ယုံလား... " " ယုံတယ်.. Parallel Universe မှာ ကိုကိုနဲ့ဘေဘီနဲ့ ရှိနေမယ်ဆိုတာကိုလည်း ယုံတယ...
