Unicode
.
.
.
.
.
မြင်နေရတဲ့ ခေတ်ရဲ့ မျက်နှာလေးဟာ အနည်းငယ် ရီဝေနေသည်။ နီရဲနေတာ မဟုတ်ပဲ ပန်းသွေးရောင်မျက်နှာလေး။
ရှန်ပိန်ကို အရသာခံသောက်နေရင်း တစုံတရာကို အပြင်းအထန် စဉ်းစားနေပုံလဲ ပေါ်သည်။
" တာရာ... "
" အဲ့လိုမခေါ်နဲ့..."
ချက်ချင်းပဲ ဘေးနားမှာ ထိုင်နေတဲ့ သူ့ကို ငဲ့စောင်းကာ စူးစူးစိုက်စိုက်ကြည့်လာသည်။ သူနဲ့အကြည့်ချင်း ဆုံချိန်မှာတော့ မျက်လွှာချပြီး ထိုင်ရာက ထလိုက်ကာ ရှန်ပိန်ခွက် ကိုင်ထားရင်းပဲ သူ့အပေါ်ရောက်လာ၏။
ခေတ်ကို သူ့အပေါ်မှာ သက်တောင့်သက်သာဖြစ်အောင် သေချာနေရာချပေးလိုက်သည်။
" ဘာလို့အဲ့လိုခေါ်တာ မကြိုက်တာလဲ... "
" မသိဘူး.. မကြိုက်ဘူး မခေါ်နဲ့... "
" ကိုယ်က ဘေဘီ့ကို ခေါ်တာ မဟုတ်ပါဘူး... ကြယ်တာရာတွေ အကြောင်း ပြောမလို့ကို... "
" လူလိမ်... "
လက်မောင်းသားလေးကို မချင့်မရဲ နမ်းရှိုက်လိုက်သည်။
" Baby... "
" ဟင်... "
" ကိုကိုလို့ ပြန်ထူး... "
" ကို ကို ထင် သန့်... "
ပျားရည်လို ချိုမြတဲ့ အသံလေးနဲ့ ဆွဲဆွဲငင်ငင်ခေါ်လိုက်တဲ့ အချိန်မှာတော့...။
" Babyကကွာ... "
" ဘာလဲ အင့်... "
သူ့ရဲ့ ကြမ်းတမ်းမှုကြောင့်ပဲ ခေတ်ရဲ့ လက်ထဲက ရှန်ပိန်တို့ သူ့ရင်ဘက်ပေါ်ကို ဖိတ်စင်ကုန်၏။ ဖန်ခွက်ကို ယူလိုက်ပြီး အောက်ကြမ်းပြင်ကို ချလိုက်သည်။
ချစ်မြတ်နိုးရတဲ့ မိန်းကလေးရဲ့ ညှို့ယူမှုကို သည်းမခံနိုင်တော့တဲ့ အဆုံး... နမ်းရှိုက်နေခဲ့မိတာ ဘေဘီလေး သူ့ကို ကြောက်လန့်သွားမလား တွေးမိမှပဲ ရပ်တန့်နိုင်သည်။
" ကိုကို့... "
" ဆောရီး ကိုယ်... "
ခေတ်က သူ့အပေါ်မှာ ဘေးတစောင်းထိုင်နေတာဖြစ်ပြီး သူ့ကို ဖက်တွယ်ထားတဲ့ လက်တွေပင် အားမရှိတော့သလိုနဲ့...။
YOU ARE READING
Searching For Happiness
Romanceထင်းရှူးတော။ ကြယ်ရောင်စုံတဲ့ည။ အနွေးဓာတ်ပေးနေတဲ့ မီးပုံနဲ့ Tentတလုံး။ ဖုံးကွယ်ထားလို့ မရနိုင်တဲ့ အချစ်မျက်၀န်းတွေ။ " ကိုကို.. Parallel Universeရှိမယ်ဆိုတာကို ယုံလား... " " ယုံတယ်.. Parallel Universe မှာ ကိုကိုနဲ့ဘေဘီနဲ့ ရှိနေမယ်ဆိုတာကိုလည်း ယုံတယ...
