လေးနက်တဲ့ စကားတွေ ပြောအပြီးမှာပဲ ငြိမ်ငြိမ်သက်သက်လေး ထိုင်နေဖြစ်ကြပြီး ပြတင်းပေါက်ကတဆင့် မြင်နေရတဲ့ မိုးရေစက်တို့ကို ကြည့်နေမိသည်။ ချစ်ရတဲ့သူနဲ့ ရှိနေရပြီး ချစ်တဲ့စိတ်နဲ့ဆိုတော့ အရာရာတိုင်းဟာ လှပနေတော့သည်။
" အာ.. နောက်ထပ် မွေးနေ့လက်ဆောင်ရှိသေးတယ်..."
ကိုကိုက ပြောပြောဆိုဆိုပဲ စားပွဲပေါ်က ဂျပ်ပုံးတခုကို ယူလိုက်သည်။ ခုနကထဲ ရှိနေပေမယ့် သိပ်အာရုံမထားမိ။
စာအုပ်တွေ...။ နှစ်သက်သဘောကျရတဲ့ စာရေးဆရာအချို့ရဲ့ စာအုပ်တွေပဲ။ ဘာသာပြန်စာအုပ်တချို့လဲ ပါရှိသေးသည်။ စုစုပေါင်း နှစ်ဆယ့်ခြောက်အုပ်တိတိ။
" ကျေးဇူးတင်ပါတယ်... "
ကျေးဇူးတင်စကားဆိုပြီး အခန်းထဲ ၀င်ဖို့ စိတ်ကူးလိုက်သည်။ ခြောက်သွေ့နေပြီဖြစ်တဲ့ မျက်ရည်စတို့နဲ့ မျက်နှာကို ဆေးကြောရမည်။
" ကိုယ်တို့ကြားမှာ ကျေးဇူးတင်စကားကို ဒီလိုပြောရတယ်... "
ငိုထားရလို့ အနည်းငယ်မောဟိုက်နေတာကြောင့် ကိုကို့ကို အမှီမလိုက်နိုင်ပါ။ လျှာဖျားတင်မကပဲ ခံတွင်းတခုလုံးကိုပါ စိတ်တိုင်းကျ ခြယ်လှယ်နေသည်။
ကိုကို့ကို ထိန်းချုပ်လို့ မရတော့ဘူး။ ဒီရက်ပိုင်းမှ အရမ်းဆိုးလာတယ်။ အရင်နဲ့ တခြားစီပဲ။ ဒီလိုအချိန်တိုင်း ဘေးချင်းကပ်ထိုင်နေရက်ကနေ ဘာလို့ ကိုကိုက ခေတ်အပေါ်ကို ရောက်ရောက်သွားသလဲ စဉ်းစားလို့ကို မရဘူး။
မကြိုက်တာ မဟုတ်ပေမယ့် လည်ပင်းကို စုပ်ယူနေတဲ့ ကိုကို့ကို အားနဲ့တွန်းဖယ်လိုက်သည်။
" မျက်နှာသွားသစ်ပြီး အိပ်တော့မယ်... "
" အင်း.. စောစောအိပ်ရမယ်.. နောက်ရက်ကစပြီး Gymပြန်ဆော့ရမယ်နော်.. Trainerအသစ်ခေါ်ပေးမယ်.. အရင်ကကောင်ရဲ့ မျက်လုံးတွေကို မကြိုက်ဘူး... "
" ကိုကိုကပဲ ခေတ်ရဲ့ trainerလုပ်လိုက်လေ... "
" ကိုယ်က ပိုဆိုးမယ်... "
ခေတ်အပေါ် အုပ်မိုးထားရက်ကနေ ခပ်တည်တည်နဲ့ ပြန်ဖြေလာတဲ့ စကားကြောင့် မျက်စောင်းထိုးလိုက်ပြီး တွန်းဖယ်လိုက်သည်။
ESTÁS LEYENDO
Searching For Happiness
Romanceထင်းရှူးတော။ ကြယ်ရောင်စုံတဲ့ည။ အနွေးဓာတ်ပေးနေတဲ့ မီးပုံနဲ့ Tentတလုံး။ ဖုံးကွယ်ထားလို့ မရနိုင်တဲ့ အချစ်မျက်၀န်းတွေ။ " ကိုကို.. Parallel Universeရှိမယ်ဆိုတာကို ယုံလား... " " ယုံတယ်.. Parallel Universe မှာ ကိုကိုနဲ့ဘေဘီနဲ့ ရှိနေမယ်ဆိုတာကိုလည်း ယုံတယ...
