Unicode
.
.
.
.
.
" ခေတ်နဲ့ ကိုယ်နဲ့ လောင်းကြေးစားကြေးလုပ်ကြမလား... "
" မလုပ်ဘူး... "
" ဟာ ဘေဘီလေးကလည်း နားထောင်မကြည့်ရသေးပဲ အဲ့လိုမငြင်းလိုက်ရဘူးလေ... "
" အဲ့တာဆို အရင်ပြောကြည့်ပြီးမှ လောင်းမလားမေးလေ... "
Meetingမှာ ဘေးချင်းကပ်ပြီး တီးတိုးစကားပြောနေတာကြောင့် တခြားလူတွေကတော့ အလုပ်ကိစ္စ ဆွေးနွေးကြတယ် ထင်ကောင်းထင်မည်။
မသော်က ပြောတဲ့အတိုင်း ကတိမတည်ပဲ ရိုက်ကူးရေးကို ၀င်စွက်ဖက်ဖို့ ကြိုးစား၏။ Meetingခန်းထဲအထိ ရောက်ပြီးကာမှ ကိုထိုက်ကြောင့် ပြန်ထွက်သွားရလေသည်။
" ကိုယ်တို့ သိပ်မကြာခင် အချိန်အတွင်း အန်တီနဲ့အန်ကယ်လ် ဖြစ်မလားဆိုတာကိုလေ... "
" မသော်.. Pregnant?... "
" အွန်း... "
" ဖြစ်နိုင်ပါတယ်.. ဘာလို့ဆို မသော်က အခုရက်ပိုင်း အရမ်းသဘောကောင်းနေတယ်.. စိတ်ရှည်တက်လာတယ်.. အပြစ်လည်း သိပ်မပြောတော့ဘူး... "
သက်ရှိဘာဘီရုပ်လေးဟာ စက္ကန့်အနည်းငယ် စဉ်းစားပြီးနောက် ဟက်ခနဲ ရယ်သည်။ ဘေးနားမှာ မန်နေဂျာအစ်မ ရှိနေတာကြောင့် သူ့ဘက်ကို ခေါင်းလေးငဲ့စောင်းကာ ပါးစပ်ကို လက်နဲ့ကာလိုက်ပြီး နား'နားကို တိုးတိုးလေး ကပ်ပြောသည်။
" ပြီးတော့.. သူတို့ အချိန်ကောင်းလေးတွေ ပိုင်ဆိုင်ခဲ့တယ် ထင်တယ်... "
ခေတ်လင်းတာရာရဲ့ မျက်နှာက မချိုမချဉ်မျက်နှာပင်။ လျှာထုတ်ပြီး အပေါ်နှုတ်ခမ်းနဲ့ထိထားသေး၏။ တာရာလေးကြောင့် Conceptအတွက် ဆွေးနွေးနေကြတုန်း ကြားတချက်မကြားတချက်နဲ့ သူ့အာရုံတွေ ပျံ့လွင့်ကုန်ရပြီ။
" ကိုယ့် ရုံးခန်းထဲကနေ စောင့်နေပေးနော်.. ဖေဖေနဲ့ သွားတွေ့ပြီး ပြန်လာခဲ့မယ်..."
" အွန်း.. အတူတူပြန်မယ်မလား... "
" မင်းအဆင်ပြေရင်... "
" ပြန်မယ်ဆိုရင် ရပြီ... "
တာရာလေးက မလိုအပ်တဲ့ အပိုစကားတွေ ပြောတာမျိုး လုံး၀မကြိုက်...။
VOCÊ ESTÁ LENDO
Searching For Happiness
Romanceထင်းရှူးတော။ ကြယ်ရောင်စုံတဲ့ည။ အနွေးဓာတ်ပေးနေတဲ့ မီးပုံနဲ့ Tentတလုံး။ ဖုံးကွယ်ထားလို့ မရနိုင်တဲ့ အချစ်မျက်၀န်းတွေ။ " ကိုကို.. Parallel Universeရှိမယ်ဆိုတာကို ယုံလား... " " ယုံတယ်.. Parallel Universe မှာ ကိုကိုနဲ့ဘေဘီနဲ့ ရှိနေမယ်ဆိုတာကိုလည်း ယုံတယ...
