ခေတ် စားချင်ပါတယ်ဆိုလို့ ကိုကိုကိုယ်တိုင် သွား၀ယ်ပေးထားတဲ့ ဆန်ခေါက်ဆွဲ။
ရုံးကနေ စောစောပြန်လာခဲ့မယ်၊ စားချင်တာ ချက်ကျွေးပါမယ်ဆိုပြီး အခုတော့ အချိုးတွေ ပြောင်းနေပြီ။
" စိတ်မကောက်ရဘူး.. ကိုကို မနက်ဖြန် ခေတ် စားချင်တာ ချက်ကျွေးမယ်.. တကယ်.. နော်... "
" မနက်ဖြန်.. အမေရိကန်ထမင်းကြော်... "
" အိုကေ.. ဟာ မနက်ဖြန်မရဘူးလေ.. ကိုကိုတို့ မနက်ဖြန် ထင်းရှူးတောသွားမှာကို... "
" စားပြီးမှ သွားမှာပေါ့... "
အိမ်မှာ ဟင်းချက်စရာ ၀ယ်ထားတာ အဆင်သင့်မရှိ။ ကိုကိုက ဒီထက်ပို ငြင်းဆန်ခြင်းမရှိပဲ ချက်ချင်း ကိုထက်အောင်ကို ဖုန်းဆက်ပြီး လိုအပ်တာတွေ ၀ယ်လာဖို့ ပြောနေသည်။
" သွား၀ယ်မယ်.. ကိုကိုနဲ့ခေတ်နဲ့... "
" ခုနှစ်နာရီကျော်နေပြီ... "
" သွားချင်တာ... "
ကုန်စင်သွားတဲ့ ဆန်ခေါက်ဆွဲပန်းကန်ကို ကြည့်ပြီး သက်ပြင်းချမိသည်။ ငါးနာရီကျော်က ကိုကို့မေမေနဲ့ ထမင်းအတူတူစားပြီးမှ အိမ်ပြန်ရောက်လာတာကို။
" လမ်းလေးပဲဖြစ်ဖြစ် လျှောက်ရအောင်ပါ.. နော်... "
" မနက်ဖြန် ခရီးသွားစရာရှိတယ်လေကွာ... "
" ကိုကိုက ကလေးကိုပဲ ပိုချစ်၊ ပိုဂရုစိုက်နေမှန်း.. သိပါတယ်.. ဒါပေမယ့် ခေတ်ကိုလဲ နည်းနည်းလောက် ဟန်ဆောင်ဂရုစိုက်ပေးပါဦးလား.. ဘာလို့ ခေတ်က ကလေးနဲ့ လိုက်ပြိုင်နေရမှာလဲ.. ကိုကိုက ဒီလိုပဲ စိတ်မကောင်းဖြစ်အောင် လုပ်တော့မှာလား... "
သနားစရာကောင်းအောင် ပြောနေပေမယ့် ကိုကိုက ပြုံးပြီးကြည့်နေသည်။ အကြည့်တွေက Ultra Soundဓာတ်ပုံထဲက အစက်သေးသေးလေးကို ကြည်ကြည်နူးနူးနဲ့ ကြည့်နေတဲ့အကြည့်နဲ့ အတူတူပဲ။
" လမ်းလျှောက်ချင်ရင် မနက်ကျမှ လျှောက်မယ်.. ရာသီဥတုကလဲ အေးတယ်.. မိုးလဲချုပ်နေပြီ.. ကိုကိုလဲ လုပ်စရာရှိသေးတယ်.. လိမ္မာတယ်... "
အဲ့လိုတွေ ပြတ်ပြတ်သားသား ငြင်းတက်တဲ့ အကျင့်ကို မကြိုက်ဘူး။ တခြားလူတွေကိုတင်မကဘူး ခေတ်ကိုပါ မဖြစ်နိုင်ရင် မဖြစ်နိုင်ကြောင်း စာနာထောက်ထားမှုမရှိပဲ ငြင်းတက်တာ။
BINABASA MO ANG
Searching For Happiness
Romanceထင်းရှူးတော။ ကြယ်ရောင်စုံတဲ့ည။ အနွေးဓာတ်ပေးနေတဲ့ မီးပုံနဲ့ Tentတလုံး။ ဖုံးကွယ်ထားလို့ မရနိုင်တဲ့ အချစ်မျက်၀န်းတွေ။ " ကိုကို.. Parallel Universeရှိမယ်ဆိုတာကို ယုံလား... " " ယုံတယ်.. Parallel Universe မှာ ကိုကိုနဲ့ဘေဘီနဲ့ ရှိနေမယ်ဆိုတာကိုလည်း ယုံတယ...
