المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 148:
ياسمين تحكي...
رجعت اليوم بعد ماخديت هدوك الايام... جاتني صعيبة سكنة وحدي ... اما احسن من كل شيء... راني ندور على مرضى تاعي نفرح وقت يستقبلوني فرحانين... وسام مانحكيش عليها باعتني خلاص من جاء اسامة وهي ضاربة عشقا هههه... مانعرف وش لهدوء الي راهو فيه... من وقت غابت سلمى وهو حتى لهدرة مايهدرهاش معانا... ماشيا في لكلوار حتى نشوف فيها جاية من بعيد... مشيتها ضحك مافهمتش علاه تتلاح تلبس في طالون وهي مش قدو...
ياسمين: زارتنا براكة كفاه عرفتي طريق لسبيطار...
سلمى: ارواحي نبوسك صح... جابوني رجليا وزيد مانيش جاية نخدم نسحق ورقة قاعدة نوجد في وراق لفيزا...
ياسمين: يعني رايحة صح؟..
سلمى: شهر ونرجع مش راح نبقى لتم...
ياسمين: هيا ربي يسهل على خير...
سلمى: إن شاءالله.. قوليلي عجباتك سكنة؟...
ياسمين: مليحة وش خصها... مزال مانع، ف حتى واحد...
سلمى : مع الوقت إن شاءالله... وحكاية خوك وش عملتي فيها...
صونا تلفون ياسمين قصعلى هدرتهم... شافت معاه ووراتهولها... خلات سلمى تنطق
سلمى: أذكر صيد يهذف...
ياسمين: هههه وشمن صيد اكيد وصلو استدعاءاصبري نهز عليه ...
ياسمين: وي
الياس: اهبطي اني لتحت نسحقك...
ياسمين: ماتسحقني مانسحقك...
الياس: تجي ولا انا الي نجيك خير وانت ادرى بغشي..
طلعت عينيها لسماء تنفخ كارهة: اني جاية...
سلمى: وشبيه ثاني...
ياسمين: اني هابطة نشوف وش يستحق ماتروحيش قبل لا نحكو اوكي...
سلمى: هيا اوكي...
تمشات هابطة خرجت من باب نتع سبيطار... قابلها واقف متكي على طموبيل يتكيف... اول ما شافها عدل وقفتو ومن كارو نتع طموبيل جبد الورقة الي جاتو صباح... اول ما وقفت قدامو حطهالها في يديها وجبد من لقارو رماه وعفسو تحت رجليه يحكي...
الياس: وش هذا الالة...
قلبت عينيها: كما قريت بضبط...
قربلها حكملها فكها يرص عليه يحكي والي يفوت عليهم يبقى يشوف: انا تحطيني في شرع هبلتي ولا كفاه...
هبطتلو يدو بنطرة تعيط: وانت كما سرقتي حقي علاه ما حاسبتيش روحك اسيدي جاي تسترجل عليا درك... مع اخر كلمة ويجيها كف لا يقرا ولا يحسب عوجلها بيه وجها...
الياس: عدت تعلي في صوتك اااه... عدي قداني نحب اليوم تتنازلي على زبل الي رفعتيه...
ياسمين: مانتنازلش هذاك حقي ومانفرطش فيه.. وانت تحب تبلط لبحر هاو قدامك...
عينيه حمارو وعروق رقبتو تنفخو جبدها من شعرها حتى عيطت...ناس بدات تتلم وهو ماهمو في شيء... يجبد فيه ويعاود... حتى سمعت صوت من وراها تعرفو مليح... وقتها دمعتها طاحت وقت قرب لخوها وعطاه بونية خلاه يبعد عليها... راجع خطوات لوراء... وهي جبدها حطها وراه يحكي بجدية...
حمزة: رجلة هذي تمد يدك على مرأة...
قربلو الياس جبد من تريكو تاعو يحكي ولاخر بكل برودت دم قاعد يتصرف...
الياس: وانت وش دخلك في لوسط بيني بين اختي### روح توله بعمرك وانت داخل بينا ..
حمزة: وقت نشوف مرأة تتضربوالي يضرب فيها ### كيفك ندخل... ومانحبسش لهنا تحب نوصلوها وين توصل...
ضربو على صدرو يبعد فيه يحب يجبدها من وراه اما يا حسرة... طاح مع شكون... زاد جبد معاه بدماغ ودخلو في بعضاهم هذا يضرب ولاخر يرجع وهي تعيط في وسطهم تبعد فيهم...كل واحد حاكمينو من جيهة...واحد لا حب يبرد...حتى بعدو الياس من امن نتع سبيطار ركبو في طموبيل...ومزالو يسب ويتوعد في اختو...
مسح خشمو الي ساح من دم... ودار شاف معاها وهي ترجف كما الفلوس...
حمزة: حكيمة ارجعي خدمتك خلي لحكاية خلاص فاتت ...
ياسمين وهي تبكي: لا اطلع معايا حمزة... شوف خشمك كفاه زراق ودم لا حب يحبس...
شاف مع ناس المتلمية: يالا كل واحد لشغلو وفى الفيلم... وعاود دارلها يحكي...
حمزة: روحي انت ودوك نلحقك...
