المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 194:
نفض ستيلو على بيرو ينفخ... كاره من كثر لخدمة... خلاه تتخلع من قلبتو...
معتز: ماحبتش تخلاص لورق برك... عميت وسطهم...
ملاك: هههه هذا وين قلت بإسم الله خلاص غلبت بعد...
حط ستيلو وراء وذنيه رجع مال على لكرسي: اوااه مش هك بعد...
ملاك: هههه الله غالب جيت وقت لخر نتع العام تعرف تزيد لحسابات... ودرك كمل قبل لايجي بابا يسحتني ويسحتك راك ماتعرفوش في لخدمة...
معتز: عمي يوسف ناس ملاح مسكين...
ملاك: اممم تبانلك ابابا... وقت يترون ماتفهم والو...
معتز: نعرف نريڨلو ماتخميش عليا... قوليلي انت من وقتاه لهنا...
ملاك: راني غير سطاج برك... عندي شهر من جيت...
معتز: اممم يعني قداه سطاج...
ملاك: 3 شهر ونروح
معتز: بالك عمي يوسف يشوفلك بلاصة معانا...
ملاك: نن طموحي ابعد من انو نبقى لهنا...
رجع كالة يديه على بيرو يشوف معاها: وين حابة تروح الاميرة ملاك...
ملاك: ههههه لبلاصة ابعد من هنا...
معتز: مليح العبد يحلم إن شاءالله تصدقلك... وقتها تفكريني معاك...
ملاك: اممم نخمم
معتز: ابابا عليك شر... حتى انا قاعد في بلادي خير...
ملاك: اقعد شكون حكمك...
معتز: بصح يهون عليك تخلي زين هذا وتروحي وتخليه...
ملاك: ههههههه والله قريب امنتك انو طحتي فيا...
معتز: علاه لا ولا ماعندكش كونفيونس في روحك...
ملاك: عندي غير هي كونك مهني...
معتز: وانا يعجبوني الي مدينها في رواحهم...
ملاك: هههههه محسوب انت قليل...
معتز: بصح برجولية عشقت في شعرك... يابنت زايد فيك زين...
وقفت حطت دوسي في الارشيف ورجعت بلاصتها: نعرف الكل يقلوهالي... ودرك قولي طفلة الي كانت معاك حبيبتك ؟ دايما لاسقة فيك
معتز: شكون جعفر ههههه حرام عليك هذيك صحبة ورجولية...
ملاك: اممم زين هذاك الكل وتقلها جعفر...
معتز: يابنت هذاك الكود الي بينا... بصح طفلة ماشاء الله...
وقفت هزت دوسي الي في يدو: ربي يهنيكم بعضكم...
معتز: أمين يارب... ايمعي نهبط نجيب قهوة ونجي... تحبي نجيبلك معايا...
ملاك: وكون يجي بابا وش نقلو انا درك...
معتز: شوفيلك كذبة وخلاص...
ملاك: ربي يسترك معاك باينة نسحتو لزوج...
معتز: خوافة مانطولش متهنية...
ملاك: عندك برك تروح عند جعفر تاعك وتنسى روحك...
معتز: هههه متهنية مانروحش لجعفر...
خرج قفل وراه الباب هبط للفواي جاب قهوة ليه وكاس حليب بشكولا ليها... ورجع طالع
معتز يحكي...
من اول يوم شافتها عجباتني طفلة صغيرة وحلوة اكثر شيء فيها يجدب هو لون شعرها... وهذوك طاشات الي في وجها مزينينها صوتها رقيق ضحكتها...عينيها لحشيش... عندي معاها قريب سمانة والفتها صح... عديت على جعفر لقيتها حاكمة اسامة تتبهلل كما العادة ... غمزتها شافت معايا تبسمت وكملت تحكي معاه طلعت بخفة حليت الباب بمرفقي نحكي...
معتز: سلااااام ماطولتش صح؟...
ملاك: يعطيك صحة انت اهرب والخدمة طيشها عليا... انا نحصل في جدها...
معتز: وشبيها برتقالتي متغشة... وانا عملت حسابها في حليب بشكولاطة...
ملاك: اممم شفعتلك شكولاطة والا نقول لبابا يشوفلك حل... اني غير سطاج نرمالمون انتي الي تعاوني مش لعكس
حطلها كاس بحداها: ماحطيتكش قوادة كما هك... بصح انت عندك شهر قبلي...
هزت كاس وسط يديها زوج ترشفت منو: إممممم سخون يدفي في لبرد تع سعدي...
معتز: باه تشكريني الالة... مش تبهدليني على 5 دقيق خارج فيهم
كمشت عينيها ملاك: من غير مزيتك اسيدي... ماتنساش بقيت نخدملك في خدمتك...
معتز: راح نتحاسبو بعد... ايا خلينا حباب خير...
هزت راسها فيه: حباب خلاص...
معتز: حباب وي ولا ماعجبكش الحال...
ملاك: امممم...
معتز: وش معناها اممم...
هزت كتافها: افهم كما تحب وتبسمت تنفخ على الكاس نتع لحليب وتشرب منو...
