لمكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 224:
قاعدة قدامها على لفراش... تمسح على شعرها غايضتها ماعملتش حسابها يصرالها هك... دموعها ماحبسوش خشمها احمر ولحمها بكلو طراس نتع سبتة...
أميمة: سامحيني سولا مكانش قصدي نعمل هك باه توصلي لهذي الحالة...
من غير ماتشوف معاها سولا: كانت باينة تخلاص كما هك... انا غلطت لازم نخلص...
أميمة: بصح انت ماغلطيش راك حاربتي ... ومن حقك تاخدي حقك مش تخليه يزوج ويعيش حياتو وانت تتفرجي...
سولا: ماهوااااش سامع بيا علاه نندب عليه اااه علاااه دوك تقلو مرتو وقتها ينقم عليا اكثر وهك نكون خسرت كل شيء كرامتي وحبي وكل شيء...
أميمة: خلاص ماتقلقيش روحك ويالا نهبطو نتغداو...
سولا: وشمن غداء وانا نفس تقدر تاكل بعد شيء الي عشتو...
تنهدت أميمة: معليه دوك نهبط نطلعلك شوي ماتبقايش بلا ماكلة...
سولا: لا ماعينيش من غير ماتعبي روحك...
أميمة: كما تحبي... هبطت لقات طاولة واجدة بعدت الكرسي وقعدت... كل واحد حاط راسو... غير هي ووردة وبوجمعة معتز ماروحش ومعتصم تغدا قبلهم... طلعو راسهم على لباب الي تحل وقت دخل... فات طول غسل يديه وجاء بعد الكرسي قعد مد يديه سقى لروحو... شاف مع اميمة...
حمزة: اميمة اعطيني لخبز بحداك...
بوجمعة: ماكان لا سلام ولا كلام...
حمزة: سلام... وهز مغرفة شربة مهبط راسو ماحاب يشوف مع حتى واحد... خصوصا بعد تبهديلة الي كلاها صباح من باباه وما قدرش يخبرو سبة نتع ضرب الي ضربهولها... طلع راسو وقت اميمة سقساتو...
أميمة: حمزة توصلني في طريقك نهبط نشري حوايج...
حمزة: مانقدرش عندي خدمة شوفي مع معتز...
أميمة: معتز ماكانوش وسولا ماحبتش تخرج معايا... بقيت كان انت
حمزة: تخرج نكسرلها رجليها... وانت شوفي ماما تخرج معاك...
بوجمعة: حمززززة
هبطت راسها: معليه نشوف كفاه نعمل...
حط مغرف تاعو مسح فمو هز كأس نتع الماء شرب منو وهز كعبة تفاح في يديه ووقف...
حمزة: بابا باه تعملو حسابكم خميس جاي نروحو نخطبو طفلة...
بوجمعة: تعلم فينا ولا تشاور...
حمزة: كما تحبو انا عليا خبرتكم...وخرج خلاهم يشوفو معاه...
زاد لحق بوجمعة وقف: انا نروح نغفى احسنلي...
شافت اميمة مع وردة: طاطا راح تخليه يخطبها؟
وردة: شكون قالك
أميمة: شفتك ماحكيتي والو قلت نسقسيك...
وردة: يالا حطي يدك معايا نهزو لماعن ونخرجو...
أميمة: وسولا نخلوها وحدها...
وردة: كبيرة وتعرف صلاحها... وانت لا حابة حمزة يكون ليك غير احبكي روحك... ماتبقايش كما البهلولة...
أميمة: اواااه عدت نخاف منو شفتي طريحة الي وكلها لسولا...
وردة: هذيك لحكاية راح نحاسبك عليها من بعد درك لازم نزربو نبعدو طبيبة على حمزة والا لحمام يطير...
أميمة: وش نعمل انا درك؟
وردة: البسي حوايجك وفي طريق نفهمك... غير زواج هذي الي ماتكملش...
أميمة: اواااه نهبل كون يديها ويخليني طاطا... غير شوفيلي حل...
وردة: ياك لبارح كنت قافزة وتعملي في فلمات مع الي مايتسماش... وين رتحت شطارتك درك...
أميمة: هبلت انا حتى نزيد نعمل عملة اخرى انت ولدك كما يتحول ويولي ثور هايج...
وردة: إمممم بعدما جات في لمغبونة الي لفوق خفتي...
أميمة: ايه خفت اما مانسلمش في حمزة يكون وش يكون مانخليهش للوحدة اكبر منو... عيب والله لكان داها...
وردة: خفي روحك يالا خلينا نروحو...
باستها على خدها اميمة: يعيشلي ماماتي لحلوة الي تخمم فيا انا... وطلعت تجري خلاتخا تحرك في راسها متبسمة على هبالها... ولدها يحب يغبن روحو مع وحدة اكبر منو....
