المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 223:
لبست حوايجها بطلوع روح... وقفت حاطة تلفون في وذنيها تطلب فيه هذي لمرة الخامسة ومايردش.. هزت الملف نتعها الي عطاتهولها مرة الي فاتت... وتحاليل الي عملتهم... هوت شافت الايكو متبسمة... تنهدت وقت راح تخرج عندها وش راح تقلها وكفاه راح تقدر تفوتها حتى تروح من عند طبيبة وتروح تقللها تحب تتاكد من صحة لولاد اذا كانو بخير... سمعت صوت الباب تحل... خرجت تجري...
جوجيتا: وينك هذا كل من صباح وانا نعيطلك...
سفيان: هاني هنا علاه تقلقي في ىوحك ياك قتلك على 12 نجيك...
جوجيتا: تعرف لازم نروحو بكري حتى نفوتو بلخف...
قرب باسها على جبهتها: خلاص ماتقلقيش روحك هاني جيت...(دور راسو لصالة) وينها يما
جوجيتا: لمرأة تاعبة مافهمتش وشبيها... تقولي عندي حاروقة بين كتافي وفي صدري... حتى لغداء كلات منو شوي وقاتلي هزي من بعد ناكل...
سفيان: تكون غايضتها روحها برك مش ساهل تتقبل لحكاية بعدما كانت تأمر وتتامر تجي وحدة خلاف وتاخد بلاصتها...
جوجيتا: مانعرف والله اما انا مش عاجبتني...
سفيان: روحي انت جيبي حوايجيك نفوت عليها نقلها انا خارجين ونجي نروحو...
جوجيتا: ماتتغداش؟
سفيان: من بعد نروح ونتغدا... درك فات حال...
جوجيتا: اوكي كما تحب
عدات هي جابت حوايجها وهو فات على امو لقاها راقدة ماحبش يفيقها... إضطر انو يخرج وخلاص... هبطو في رحبة طول طريق يحكو عاملين حالة بضحك متغانين هو يقلها راح يجي 2 ولاد وهي تقولو لا زوج بنات... بعدما وصلو استناو دالتهم دخلو عند طبيبة...الي شافت تحاليل تعها وطلبت منها تطلع فوق سرير تشوفها... باه تتاكد من صحت لولاد... حطت هذاك جال كل مرة تفوت هذاك جهاز على جيهة من كرشها...
ط: الله يبارك قلبهم يضرب مقاس نتع راسهم مليح ... يعني هذا يدل على نمو سليم...
سفيان واقف يشوف معاها ويثبت: بصح هدو قاعدين كما لفلالس مايبان فيهم حتى شيء....
ط: طبيعي هذا مزالهم صغار خلاص غير هذا وين قفلو 3 اشهر ويامات...هههههه مزال باه يكبرو وزيد توامة راح بكون حجمهمه اقل من ما يكون طفل واحد...
جوجيتا: مانقدروش نعرفو جنسهم حكيمة...
حطتلها بابي على كرشها باه تمسح وراحت للمكتب تعها تحكي...
ط: لا صعيبة شوي لازم تصبرو شهر جاي إن شاءلله...
عاونها سفيان مسحلها هذاك جال وهبطها مسايس عليها...
جوجيتا: مهم صحتهم مليحة مايهمش نعرف درك...
سفيان: مكانش نصايح تحبي تعاونينا بيهم تعرفي مزالنا جدد... ط: اكيد اولهم تغدية سليمة... حتى وقت ماتقدرش تاكل... تحتم على روحها وترجع عادي يكون جسمها اكتسب حتى شوي فيتامينات... تبعد على لقلقة على قد ماتقدر مش مليحة ليها خلاص...ايه اكلة الي تاكلها لازم تكون طايبة مليحة لانو في تحاليل خرج عندها toxoplasmose جميع انوع الاجبان غير مبسترة ممنوعة ماكلة برا لا... وراح نعطيها جدول كامل باه تقدر تعاون روحها بيه.. دواء راح نعطيها غير حمض فوليك بىدرك لانو تحاليلها ملاح...
جوجيتا: يعيشك حكيمة تعبناك معانا...
ط: نن بلعكس هذي فرحة كبيرة ليا وقت نكون أم ثانية للوليدات الي نتبع فيهم...
وقفها مسايس عليهاسفيان: ربي يعينك حكيمة شهر جاي إن شاء الله
ط: إن شاءلله تهلالي في زينة تاعك...
سفيان: في عينيا حكيمة..
جوجيتا: تبقاي على خير حكيمة..
خارجين مع بعضاهم فرحة مش سايعتها شابك ايديه مع ايديها...طلعها في طموبيل ركب بحداها... هز ايديها باسهالها فرحان... خلاها تتبسم
سفيان: تعرفي احلى أم في دنيا...
جوجيتا: إمممم صدقتك...
سفيان: علاه ماتصدقيش راك روح بكلها...
حطت يديها على كرشها: تعرف نستنى غير وقتاه يبداو يتحركو ويضربو في كرشي...
حط هو يدو على كرشها: يابنت وش راح يصبرني 6شهر كاملين حتى نشوفهم....
جوجيتا: راح يفوتو اكيد... زعما أمك راح تفرح؟
سفيان: اكيد راح تموت من الفرحة... راهي هابلة تشوف ولادي...
جوجيتا: ههههه حتى هي قاتلي لبارح..
عدل سبتة ليها وليه ودور لمفتاح مديماري..
سفيان: وش لحقت تقلك؟
جوجيتا: ههههه قاتلي لا مانجيبيش خليه يشوف حياتو من غير ماتطولوها...
سفيان: وانت يعطيك صحة كفاه ماقلتيلهاش بالي راكي بلحمل... نستعرف بيك اعطيني برودة اعصابك...
جوجيتا: هههه مرأة كبيرة علاه نعاندها...
سفيان: امممم وانت تخليني نزوج وحدة اخرى؟
جوجيتا: تعرف تحلم احلم اسوفي...
سفيان: شفتي علاه نعشق فيك... راك عسل اربي سيدي... وخطف بوسة من خدها...
جوجيتا: شوف قدامك برك لا توخدنا...
سفيان: وش قولك نعملو دورة...
جوجيتا: وامك مسكينة وحدها كون تنوض وماتلقانش تعود تخاف...
سفيان: والله تامني نسيتها... يعيشلي الي يخمم في ناس قبل لا يخمم في روحو...
