المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 151:
سلمى تحكي...
كملت فوت على فاتي وكما العادة لقيت فمها مايحبسش من ماكلة... هرجتها شوي وطلعت للادارة دقدقت الباب ودخلت لقيتها غارقة وسط لورق هزت راسها على دخلتي... ناضت من كرسي نتعها جات حضنتني تسلم عليا... مرأة نص عمر نهار كامل زاهية ترحب بناس الكل مكانش الي قصدها ومالقاهاش...
احلام : اهلااهلا ياطفلة وين غاطسة...
سلمى: هاني كما تعرفي نوجد في لورق... قوليلي وجدتهم برك...
احلام: وهذا كلام اكيد وجدتهم...
سلمى: يعيشلي حلومتي انا...
احلام: هفني اوحيدة... ماتنسيش تتفكريني بكاش حاجة من فافا...
سلمى: ههههه ضحكتيني من عيوني ننسى دنيا كل غير حلومتي ماننسهاش...
احلام: هههه وحيدة هاكي لورقي وريني عرض كتافك خلي عندي خدمة...
سلمى: عجبتني تسحيتة هههه...
هزت لورق نتاعي قفلت الباب ورايا... هبطت راسي نحاول نحطهم في صاك... انا طلعتو حتى نلقاه في وجهي...
سلمى: بإسم الله وش خرجك في وجهي...
أسامة: يعطيك صحة سلمى وليت تشوف فيا شيطان قدامك ...
سلمى: بعدني على صباح ربي مانيش ناقصاتك...
اسامة: مكانش روحة من هنا حتى نحكي انا وانت قبل...
سلمى: ياو احشم على روحك مكانش بينا هدرة... راني مراة مزوجة يسموه تحرش ابابا سيدي لكان معلبالكش...
اسامة: وانا تحرش هذا ثاني... هو انا نحب نحكي معاك... وراح تكون اخر مرة نحكي معاك فيها... اصلا بعدما ترجعي ما نظنش تلقايني...
سلمى: على وجه ربي ماتحكيش معايا مانيش ناقصة مشاكل... روح سوف حياتك بعيد عليا... راجلي حكماتو عليك بسيف ماتخليش الامور تتعقد...
اسامة: وهذاك راجل تسمي فيه راجل...
دورت وجهي حاسة روحي راح نجهل درتلو محمرة عينيا وعليت نبرة صوتي:يارحم والديك cd لقديم هذا كرهت نسمعو والله... راجلي راجل وسيد رجال على الاقل ماراحش وخلاني مرمية من وراه من غير مايسقسي عليا ولا حتى يعرف وش صرا فيا... هاني رايحة ومخليتلكسبيطار كامل اشبع بيه غير اخطاااااني... وجبت مسهلة حتى نسمع في صوت محمد من تلفونو... درت بلعرض بطيء نشوف معاه ونشوف مع تلفون نحب نتاكد صوت الي سمعتو نتع محمد صح ولا انا غالطة... قربت لعندو خطواتي رزانو... جبدت تلفون من يدو نحس في عينيا تملاو ضباب... نثبت ونعاود فيه دمعتي طاحت نحس في نار ومعديا على خدي... طلعت راسي شفت معاها نحرك فيه... صوتي وحل ماقدرش يخرج... نحب نتاكد من الي نشوف فيه... هو مربع يديه فاتح رجلو مرجع ظهرو لوراء... شبه ضحكة على شفافو... خلاتني نعيف روحي ونعيف كل حاجة فيا... حطيتلو تلفون في يدو ورجعت درت نتمشى من غير مانشوف قدامي... ضبابة قاعدة وتزيد... فديو قاعد يتعاود قدامي... نحس في رجليا ترخفو بيا ماعادوش هزيني اصوااات بعيييدة... الناس الي قاعدة تروح وتجي وكانها خيال متعدي... وبعدها ظلام كل شيء...
