المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 149:
عند جميلتنا الي ماشيا هي وسهى... مرة على مرة يدخلو لبوتيك نتع عرايس... يشوفو كاش حاجة تعجبهم... خرجو من عند واحد بعدما هرجوه وهما يقيسو من مودال لاخر...
سهى: يابنت خير هذا الكل وماعجبك حتى حاجة... رجليا تنفخو ارحميني يرحمك ربي...
جميلة: نن كلهم مفضوحين وانا راح نعمل خيمار كفاه تحبي نلبسهم...
سهى: يعني ما خيرتي حتى نهار تلبسي فيه غير نهار فاتحة تاعك... انت شعرك وحدو بلا مكياج يخليهم يهبلو...
جميلة وقفت بحدا زجاج نتع فترينا تشوف مع مانكانات: ما عندي علاه نهبلهم... وراجل طلب نعمل حجاب وهذا حقو بالاك بدخلو صحابو وقت نقصو حلوة...
سهى: اني نشوف فيك طحتي على راسك خلاص
جميلة: مش حكاية طحت... شفتو مرة وحدة ومشفتش حتى معاه مليح... كان معانا توفا...
سهى: يصح طاطا فضيلة قاتلي راجل وسيد رجال طول وعرض وتربية... انت ماحبش يتلقاك برى من غير علم والديك... وطلب رؤيا شرعية...
جميلة: اممم اضربني فيه بعين يهرب سيد مايزيدش يرجع...
قربتلها مكروشيا فيها: وانت شكون يهرب من زين هذا الكل... زح قلت عماو عليك قبل...
جملية: مكتوب اسهى مكتوب... يااا شوفي هذي عجبتني ادخلي نشوفوها...وخليك من لحكايات راهو مزال بزاااف حوايج نشروهم...
سهى: هيا امالا خفي روحك...
دخلو لزوج يشوفو في قفاطن... حتى حكمتها وحدة من كتافها... دارت تشوف معاها حتى تلقاها حليمة سلمت عليهاهي وسهى...فرحانبن بيها مع لحشمة الي طاحت عليها ماتوقعتش تتلقاها وحليمة الي تشكر وتعاود فيها... خلاتها قريب تدوب
حليمة : والله جابك ربي بنتي زينة...
جميلة: غير لخير طاطا... كشما حتجتي...
حليمة: من صباح وانا ندور نشريلك في حوايج نتع فاتحة وحصلت في صباط مانعرفش قيسك... وحشمت نعيط لفضيلة نسقسيها...
جميلة: يا طاطا علاه تغلبي في روحك... بزايد لحوايج الي جبتيهم
حليمة: يابنت كون نلقى نشريلك الي يتباع الكل مانقولش بزااف... وزيد راك تشوفي فيا وحدي... نستنى غير وقتاه تجي وتونسيني...
حشمت هبطت راسها وسهى تضرب فيها بلكود نتع افهمي روحك...
جميلة:تحبي نعاونك اليوم نشري معاك وغدوة نهبط نشري حوايجي عادي...
حليمة: لا والله لا جات غير قوليلي قداه تلبسي وانا ندبر راسي... حتى ايمن راه من صباح يعيط ويعاود يستنى فيا باه نروحو...
دورت جميلة وجها لزجاج جيهة لطريق تشوف فيه لكان برا... تحس في قلبها راح يخرج يكفيها ماتصدمت اليوم...
