المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 195:
سفيان: وش تحسي درك لباس ولا مزال سطر...
حطت يديها على كرشها تحرك فيها: وقت ضربتلي هذيك لابرة احسن... اما درك زاد رجع سطر كما قبل...
سفيان: كما توصلي لدار ارتاحي ماتخمي في حتى شيء غير صحتك...
جوجيتا: اييه ربحت ومن بعد شكون يعشينا...
سفيان: نجيب ماكلة من برا وخلاص عادي مش حاجة كبيرة...
غمضت عينيها من سطر عدات لسانها على شفافها: لا مانحبش ماكلة نتع برا...
سفيان: هااا كفاه نديرو...
جوجيتا: مانعرف دبر راسك...
سفيان: هيا مليح دوك نلبس طبلية ونعصب راسي وندخل نخبزلك لكسرة هك تحبي...
ضحكت في سرها: ايه والله فكرة عجبتني سخفت على لكسرة...
سفيان: اهااا تتمسخري اكيد...
جوجيتا: تء مانتمسخرش حابة صح ناكل كسرة سخونة ريحتها معمرة دار...
سفيان: قوليلي انك تشيخي...
جوجيتا: لا نحكي صح...
فرينا وقت وصل وين البطيمة... جبد سبتة بنطرة... دخان راح يخرج من وذنيه وهي قريب تتطرشق...
سفيان: اهبطي وش تستني...
جوجيتا: هابطة علاه مغششة... ياك البارح كنت تقولي وقتاه ترجعي وتتشهي باه نحس انك بلحمل ولا نسيت اااه...
سفيان: امممم قتلك لبارح شوف اسيدي... هبط ودار جيهتها حل الباب مدلها يديه معاونها تهبط تقول عندها 9 شهر وهي ياذوب شهرين ونص...
جوجيتا: يعيشلي رويجلي جنتلمان...
سفيان: ت### ### انا درك جات عليا نظن...
ياسمين: وعلاه تطيح عيب عليك ولادك يسمعو...
مسح على وجهو بعصب سبقها طالع وصل قدام الباب حلو وهي واقفة ترد في نفس بسيف... دخل هو ودخلت وراه... نحى فاست رماها... دخل غسل روحو وعدى شعل شوفاج... ترمى فوق فوتاي شعل tv يشوف من قناة لقناة ... وهي واقفة تشوف معاه حاطة يديها على حزامها...
جوجيتا: نشوف فيك قعدتي...
هز راسو فيها: وش تحبيني ندير مالا...
جوجيتا: عاوني على الاقل نطيب حاجة للعشاء...
سفيان: منك بصح ياو بيضة مانعرفش نقليها... كفاه تحبيني نعاونك...
جوجيتا: سوفي لازمك تعاوني مش عيب... درك مزالني خفيفة من بعد كما نتقال شكون يعاوني...
سفيان: تعاوني روحك بروحك...
جوجيتا: شوف ابابا... من وقتاه الهدرة هذي
سفيان: من بكري عمري دخلت عاونت يكا حتى نعاون درك...
جوجيتا: هيا برك حبي يد يد فيسع نكملو...
سفيان: جمانة سطر قاتلك وانت راح نطير روحي ريحي خيرلك واخطايني ليلة هذي...
جوجيتا: فنيان هذا... هاني رايحة...
سفيان يحكي...
مافهمتش علاه نساء روسهم يابسة... مريضة معيطتلي تبكي سطر عامل فيها طريق... وهي تعاند تحب تدخل للكوزينة... علاه مافهمتش ماكلة برا تتطايش الي نحبها نجيبهالها... بقيت ندور في tv حرقوني عينيا حاب ننعس حتى شوي... طفيتو ووقفت للبيت قلت نغفى بحداها... دخلت لقيتها راقدة متكمشة تقول بيبي... نحيت من رجلي بعدت لغطاء ودخلت بحداها... شفت معاها مدة درك كانت تقول نوقف نطيب وهي حطت راسها داخت طول... قربتلها بستها مرة في شفافها ومرة قدامهم... عديت بصبعي نتحسي في وجها... تبسمت وقت رمشت عينيها مزعوجة... حطيت يدي تحت راسي نشوف معاه... راح نجيب منها ولاد مانيش مأمن... ماحسيتش غير وقتاه غرقت في نوم ما حسيتش للوقت خلاص... حتى فيقتني روح تعارك فيا...
جوليا: نوض اراجل طاح الليل...
حط يديه هلى عينيه سفيان: خليتينا رقدنا لصباح مرة وحدة علاه تفيقي فيا...
جوجيتا: نوض برك تعشى واهبط عند ماماك طل عليها...
سفيان: غدوة نروحلها اليوم مش قادر...
جوجيتا: نوض برك تقل انت الي تتوحم...
جبدها طيحها عليه: والله لا تحشمي رجلة هذي لكل تتوحم...
جوجيتا: وين نعرف انا عليك ترقد اكثر مني... شكيت فيك هههه...
سفيان: تسمى تحبي نكسرلك هذاك الفم اااه... عيب ابنتي عيب...
جوجيتا: غير نضحك برك حبي راجل وسيد رجال ثاني...
سفيان: اممم احشي*لي... قوليلي روح وش طيبتلي للعشاء...
جوجيتا: كسرة الي حرمتني انك تطيبها هههه وشربة...
سفيان: تحلمي تشوفيني في لكوزينة... عندي مرتي شاطرة اكيد ماندخلهاش...
جوجيتا: اممم نوض برك...
سفيان: راحلك سطر مابقاش؟
جوجيتا: امم راح مابقيت نحس بشيء الحمدلله...
سفيان: الحمدلله ربي...
جوجيتا: فكرتني هههه كشما كاين وحدة تولد في شهرين هههههه
سفيان: ههههه وين علبالي خرجت هكاك...
جوجيتا: إمالا اوقف افالح يالا نتعشاو...
سفيان: روحي دوك نلحقك...
وقفت تحكي: ماتطولش عندك ترجع ترقد...
سفيان: متهنية... شاف معاها خارجة زاد تقلب على جيهة لخرى ورقد...
