المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 237:
حاطة راسها مع الورق تقرا في مقال هبط جديد... مرة تكمش عينيها مرة تفوت قلم تحت شفافها... مرة تحط خط تحت جملة الي تعجبها... مرة تهز تلفون تشوف لكان بعتلها ميساج من صباح ماطلبهاش... وهي مش حابة تضغط عليه... هزت راسها على لباب الي تدق... نحات نواظر حطتهم فوق بيرو تحكي...
ياسمين: تفضل
تحل الباب دخل منو واحد طول وعرض مايمدش خلاص لواحد عمرو 18 سنة بقات تبث معاه... وجهو مألوف... قرب جيهة البيرو يسأل فيها...
كريم: حكيمة ياسمين صح؟...
كمشت عينيها فيه وحركت راسها: وي انا هي بذات... بصح انا معرفتكش ولا خلي نقولو مشبهاتك...
حط يدو في جيبو متبسم: انا كريم
تنهدت رجعت لوراء على لكرسي وطوات يديها تستنى فيه يكمل...
هز يدو مسح على جبهتو من توتر يحكي
كريم: عرفتيني ياك...
ياسمين: امممم عرفتك اكيد قتلك مشبهاتك... علاه جيت؟
كريم: حبيت نتعرف على اختي ونحكي معاها إذا مانقلقكش...
دورت وجهاوعاودت رجعت تشوف معاه عضت شفتها تحتانيةتحكي : نسمع فيك...
كريم: نعرف متغشة من بابا... ونعرف مش حابة تشوفينا... بانتلك سرقنالك حياتك... اما شوفي من جيهتنا ثاني... انا ولا اختي ولا حتى ماما الله يرحمها ماقلناش لبابا ارواح وبعد على عائلتك... ماتشوفيش فيه #مكتوب الي صرالنا الكل... بعد عليكم وبناء عائلة اخرى... اما مانساكمش كنت نشفى عليه وقت كنا صغار نهار كامل يتعارك مع ماما على جالكم... كان يحوس عليكم من بلاصة لبلاصة...
ياسمين: لكلام هذا الكل نعرفو كريم راني كبيرة ونفهم... اما هو دمرنا ماتجيش تقنعي نتقبل عائلتو ثانية عادي...
مشى بخطوات رزان خلاها تشوف مع كل خطوة يعملها... دار جيهة البيرو تعها كريم: بصح حنا فرحنا وقت عرفنا عندنا اخت كبيرة قلت هي الي راح تعوضنا على حنان الام الي فقدناه... فرحنا بزاااااف ثاني وقت سمعت عندي اخ اكبر مني... شيء الي راح يخلي عئلتنا تكبر...
ياسمين: بعتك بابا صح؟
كريم: لا والله لا في علمو انا جيت من ثانوية طول لهنا...
ياسمين: كفاه تحبني نصدقك امممم...
كريم: والله مانكذب عليك... وقت كملت لقرايا حكمت طكسي وجيتك حبيت نتعرف عليك حبيت نشوف اختي...
وقفت شافت معاه تحكي...
ياسمين: قداه في عمرك انت
كريم: هههه 18 سنة نقرا باك...
ياسمين: الله يبارك اما تبان اكبر من عمرك...
كريم: الكل يقلوهالي هههه لانو طويل... وبابا يقللي طالع لإلياس خوك...
هبطت راسها تحكي: وتشبهلو ثاني بزيادة...
كريم: اختي...
ياسمين: امممم...
كريم: خلينا نتلمو كلنا مع بعضنا... خلي عايلتنا تدفىء بجمعتنا...
ياسمين: هههههه والله تعرف تهدر اوحيد...
كريم: نعجبك هكذاك متهنيا...
ياسمين: باين عليك لسانك طويل...
كريم: اكثر ما تتصوري... هااا وش قلتي تجي معايا اليوم لدار...
مسحت جبهتها: انا درك نخدم وزيد مزال ماطلعتش بقرار...
كريم: حنني قلبك علينا برك... بابا قال احن وحدة في ولادو...
ياسمين: هههه عجبتني هذي... اما خليلي الوقت اوكي...
كريم: كاين امل يعني...
حركتلو راسها بإيه... خلاتو يتلاح عليها يحضنها فرحان... وهي بقات مشوكيا فيه عينيها تحلو وقت دور يديه على ظهرها عاصرها... بعدت عليه خطوة وقت تحل الباب دخل حمزة الي بقى واقف مسمر يشوف معاها ومعاه...
ياسمين: حمزة
راحت جيهتو ووقفت تشوف معاه...
حك لحيتو وشاف معاها حمزة: نشوف فيك زاهية...ماعرفتيناش شكون صحبة؟
ماقدرتش ترد عليه يديها ترجف حكمت في يدو كبست عليها تشوف معاه ومع خوها مع انو عارفة روحها مش غالطة... اما شوفتو فيها خلعتها...
قرب جيهتو مدلو يدو يسلم عليه: انا كريم خو ياسمين صغير...تبسم معاه ورجع حكم يدو سلم عليه يحكي...
حمزة: متشرفين خو... انا حمزة خطيبها
كريم: متشرفين معريفة خير...(شاف مع ياسمين) اختي انا نخليك وخمي في لحكينا فيه... نتمنى ترضاي علينا...
ياسمين: إن شاءلله فيها خير...
خرج وقف لباب من وراه... خلاها تبعد عبيه حطت يديها على قلبها ترد في نفس وهو طوى يديه لصدرو يشوف معاها...
حمزة: وشبيك علاه تترعدي وحدك...
ياسمين: ابابا شوفتك فيا خلعتني والله
حمزة: اممم خوافة هو لحق غرت وقت شفتك محضنة واحد غيري اما يبان من وجهو صغير...
ياسمين: يعني ماشكيتش فيا ولا؟
حمزة: لا ماشكيتش حتى طرف... عندي فيك ثيقة.... بصح اخر مرة تحضني واحد هك وانا محروم...
رجعت شعرها لوراء ياسمين: هههههه خويا اراجل منك بصح تغير منو...
حمزة: خوك ابنتي هبلت نغير... غرت من لقطة حتى انا حاب تحضنيني...
رجعت لبلاصتها قعدت: وقت نولي مرتك دير وش تحب...
قعد في لكرسي مقابلها: وانت وقتاه يهديك ربي تخليني نحكي مع باباك...
ياسمين: لكان تحب درك
حمزة: مكانش منها احلفي...
ياسمين: هههههه والله... وانت اهلك خلاص قابلين اكيد...
حمزة: قتلك من هذاك العام قابلين...
هزت ستيلو تلعب بيه بين يديها ياسمين: وهذيك بنت عمتك روحت ولا مزال؟
حمزة: اممم اميمة... لا مزال لبارح بايتين ساهرين مع بعض...
