المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 238:
قاعدة على فوتاي تمسد على جرليها قتلتها بسطر...
جوجيتا: اااايما وخيتي غلبت...
شافت معاها سعيدة الي تنحي في حجابها: حتى انت من رحتي وانت واقفة على رجل تلعبي بلولاد الي في كرشك حتى روحك مزالك خاويا...
جوجيتا: لا خدمت غير شيء الي نقدر عليه مكانش تعب بزااف... تعرفي خالتي حليمة وحدها ماعندهاش شكون معاها... واجبي نعاونها بالي نقدر عليه...
سعيدة: اممم محسوب مانشوفش عمياء انا... ومش لازم عليك تخدمي هذاك الكل باه توري روحك...
وقفت جوجيتا متبسمة: ايه عندك الحق نغسل حالتي ونبدل ونرجع...
سعيدة: ربي يسهل عليك ديري الي تحبي دار دارك راني غير ضيفة ...
جوجيتا: علاه لهدرة راهي دار ولدك يعني دارك انت ثاني...
عوجت فمها سعيدة: أمم باينة صح...
ماحبتش تزيد معاها لهدرة وتوحل... فاتت قدامها عدات غسلت خفيف برك ولبست ڨندورة نتع دار قطيفة... وربطت شعرها لفوق... لمت امورها وحطت لحوايج يتغسلو... طلت عليها في صالة لقاتها تمدت فوق فوتاي...
جوجيتا: يما نطيبلك قهوة
سعيدة: لا ماعينيش درك خلي من بعد...
جوجيتا: كما تحبي يما
دارت رايحة للكوزينة بعد تفكرت لعشاء ضربت على جبهتها راجعة ليها...
جوجيتا: يما ماسقسيتكش وش تحبي ندير في لعشاء... لكان ساخفة على حاجة ولا...
سعيدة: محسوب حتى ونسخف راح تعرفي طيبيها...
عضت على سنيها مكرزة بالي تعمل مايعجبهاش لعجب: خلاص دروك ندير الي نقدر عليه...
دورة راسها عليها سعيدة: ايه دبري راسك... ويرحم والديك راح نغفى ماتزيديش تقلقيني... واقفلي دوش صوت ماشينة قلقني...مافهمتش باه تخمو جيل هذا في اي وقت تحط لحوايج تغسل ماتراعو جار ولا حتى واحد مريض...
تنهدت جوجيتا: حاضر دروك نقفل الباب نتع دوش وهذا ثاني...
سعيدة: أريح...
خرجت من صالة تمشي لخطوة بسيف من قبل تاعبة وزيد عليها تعب راسها ثاني... دخلت للكوزينة هزت كيسان الي كانو فوق طاولة... وحطتهم تحت العين حلت عليهم الماء غسلتهم وحطتهم يقطرو... مسحت يديهاوقفت مدة تشوف مع لفريجيدار... حطت يد على مسلانها واليد لخرى فوق شفافها تطلع وتهبط وش تعمل للعشاء...
جوجيتا: وش راح نقلك برط اسفيان مخليني بلا قضية مانعرف وش نطيبلكم انا اليوم...( خرجت سلاطة والخيار حططتهم فوق طاولة...) من بعد يقلك علاه مافكرتيش وش تطيبي...
(طلعت راسها تشوف مع لقصعة محطوطة لفوق نفخت)
هزت تلفونها حطت رقمو شوي وهز عليها يحكي...
سفيان: اهلا روح....
جوجيتا: وبيك اهلا... حبي ماعرفتش وش نطيب وحبين نعمل شوي كسرة... لقصعة لفوق... كفاه نهبطها ان درك
سفيان: ماتقلقيش روحك راني شريت حوت افرزينا بيه مع بطاطا مقلية وسلاطة وخلاص... ودوك نروح نهبطهالك ماتطلعيش انت...
جوجيتا: باهي سوفي انا نتحرك بلحاجة الي عندي حتى تجي...
سفيان: صحا اني جاي وعندك تهبطيها اني نوصي فيك... راك مابقتيش خفيفة كما بكري...
جوجيتا: يرحمها ربي
قصت عليهوقفت مدة دارت مع سلاطة غسلتها ورجعت شافت مع ساعة بانتلها راح تتعطل... هزت كرسي طلعت فوقو هي حطت رجل وتركزت على رخامة حتى يميل بيها يروح ويجي ماقدرتش تحكم في روحها وتجي طايحة صوت عياطها عمل حالة...
