💎🥀 المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 185:
خارجين من مطعم بعدما تغداو عاملين حالة بضحك... وقفت حاطة يد على قلبها ويد على فمها تضحك...
ياسمين:هههههه مش نورمال والله... راجل وجهو صفار...
حمزة: يابنت راهو صاحبي موالف بهبالي معاه... بالك تقولي تغشش هههه ... ياحسرة ساعات نعصرو اكثر من هك...
ترد في نفس بعدها رجعت شعرها لوراء: هههه بصح ضحكت الي عمري ضحكتو...
حمزة: دايما إن شاء الله... قوليلي درك وين تحبي نروحو...
ياسمين: وشرايك نطلعو في تيليفريك... ولا نروحو للبحر
حمزة: تيليفريك راح الحال مرة اخرى... البحر احسن بصح لازملو شويا ثاي وكوكاو...
ياسمين: وانت قلتها هيا...
حمزة: اطلعي اسبقيني لطموبيل... نشري تاي من عند عمي لزهر من دايما نشري من عندو...
ياسمين: خلاص حلها مالا...
حمزة: علاه اسيدي هاك المفتاح دبري راسك...
تبسمت معاه حكمت المفتاح من عندو تمشات لطموبيل طلعت فيها تشوف في كل حركة يعمل فيها... كل مرة يزيد اعجابها بيه اكثر...صح صغير في لعمر اما عقلو كبير يوزن بلاد... خلص سيد جاي هاز ساشي صغيرة... وزوج كيسان تاي كبار مقفولين بغطاهم... طلع جيهتو عطاها كيسان يحكي...
حمزة: احكمي عليا حطيهم... بصح عندك تتخرقي راهم سخونين ...
ياسمين: خلاص يعطيك صحة ... شقيتك معايا اليوم...
حمزة: هايوا هانا بدينا بدراما تاعك...
ياسمين: خلاص هاه اسيدي سكتت...
نوض طموبيل طريقو لبحر مرة على مرة يسقسيها ولا تسقيه هيا حتى وصلو... هبطو تمشاو في رمل بعدما نحاو صبابطهم حاكمينهم في يديها... وقفت اول مالمس الماء رجليها مغمضة عينيهاا...
ياسمين: اروعة احساس وقت تحس ببرودة الماء...
حمزة: نقعدو شويا وش قولك اممم...
ياسمين: ايه علاه لا...
قعدو بحدا بعضاهم يشوف مع البحر مدة من غير ما حتى واحد فيهم يحكي... بهدها نطقت كاسرة صوت...
ياسمين: تحكيلي عليها؟
حمزة دار شاف معاها: شكون؟
ياسمين: الي قتلي عليها حكاية طويلة...
حمزة: اممم حكاية تكسرلك راسك برك...
ياسمين: بصح نحب نسمعها...
تنهد حمزة: عرفتها من 4 سنين كانت تقرا في ليسي نتع الحومة... وقتها انا متخرج جديد... وهي كانت كل يوم تطلع وتهبط عليا عجبتني عمرها هزت راسها في طريق...
ياسمين: مليحة حاجة هذي لا؟
حمزة: جريت وراها حتى حفيت باه قبلت على جال باه تكون حلالي خدمت في كل شيء قبل لا نخدم خدمة الي نخدم فيها درك... جاء نهار وقبلت تكون معايا... كنت راح نجنح ربيتها على يدي نحرم روحي ونعطيها...
هبطت راسها بعدها طلعتو تشوف مع البحر تحس في قلبها راح يخرج...
ياسمين: وش صرا؟
حمزة: ظهرت مربي أفعى في حجري... غدرتني
شافت معاه داهشة: كفاه؟
حمزة: خانتني مع واحد ولا وحايد الله اعلم بينها وبين مولاها...
ياسمين: مزالك تحبها صح؟
حمزة: نحبها اما خلاتي في قلبي جرح عمرو لا يبرا... عمري نسلم في قلبي مرة اخرى بساهل خلاص تكويت وتشويت
ياسمين: بصح صوابع يديك مش كيف كيف...
حمزة: نعرف اما ماعادتش عندي ثيقة في حتى مرأة...
ياسمين: حتى انا؟
حمزة: مش كيف كيف...
ياسمين: هههه علاه مانشبهش للمرأة...
حمزة: هههههه شوف وين راح بالك... انت كبيرة ورزينة هي مزالها دراري... في أخير انا الي غالط... لان الكل #على_عشقها_لاموني...
ياسمين: ربي يعوضك احسن منها...
حمزة: إن شاءلله اما حاليا مانسحقش...
حست وكانو واحد وجاء غرسلها سكينة حافية في قلبها... وقفت بزربة تحكي
ياسمين: نروحو؟
حمزة: وشبيك ياسمين كنت لباس؟
ياسمين: ماكان والو غير هذاك هو الوقت...
حمزة: هيا كما تحبي...
سبقاتو ماشيا قدامو خلاتو عاقد حواجبو حايرة فيها وفي تقلبها المفاجئ...من جلعو وهي حاطة راسها على زجاج طموبيل تشوف مع طريق... وهو كل مرة يشوف معاها... حيرتو بتصرفها هذا...فضل إنو يسكت مايقلقهاش... وصل بحدا سيبيرات هبط مخليها تشوف معاه... مدة وخرج هاز ساشي معمرة سقايط حطهالها في حجرها...
ياسمين: وش هذا حمزة...
حمزة: حوايج تفوتي بيهم سهرة...
تبسمت: هههه مرسي حتى هذي وخممتي فيها... بصح تعبتي روحك...
حممزة: مكان حتى تعب... تعبك راحة هههه...
ياسمين: يعيشك...
