المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 196:
روحت بعد تعب نهار كبير من سبيطار لسبيطار... تعب مش نرمال طلعت لبيتي هزيت قشي... ودخلت عملت دوش في سليم حسيت عظامي ترخفو والله دفئ نتع الماء نساني في تعب والبرد الي ركبني... لبست سيرفات وخرجت نشيح في شعري بلمنشفة... حتى شفت سولا هابطة في دروج ...
حمزة: اوو وين رايحة ارواحي لهنا...
سولا: ميزو والله جيعانة ناكل واحكي وش تحب...
قرب ليها حضنها بيد وهبط في دروج حمزة: قولبلي برك وين غاطسة اليامات هذو...
سولا: مع لقرايا باك مابقالوش لازم نحبك سنتورة...
حمزة: معولة تطلعيلنا طبيبة مالا...
وصلو وين كوزينة هربتلو تجري خلاتو يضحك يحرك في راسو...
حمزة: تقول الماكلة راح تهرب بلعقل على روحك...
وردة؛: كون حتى باينة عليها قاعدة كما عود شواء...
سولا: اممم محسوب نحير كون ماتنبزينيش...
حمزة: سولا عيب...
غمزاتو: عيب في كلام لعيب خويا لعزيز...
بوجمعة: اقعدو برك تتعشاو من غير حس...
حمزة: انا خاطيني عاقل... وين راح معتز...
معتصم: روح عشيا وخرج مابقاش في دار...
بوجمعة: حوالو ماتعجبش حتى صحبتو ماتفرحش...
وردة: كبير يعرف صلاحو نظن مايقدرش يضر روحو...
سولا: اكيد ما هما رجالة يعرفو صلاحهم...
وردة: انت تسكتي احسنلك...
معتصم: ماما زيديني بطاطا...
بوجمعة: حمزة تكمل تتعشى ونسحقك نحكي معاك...
بلع لقمة الي في فمو: ايه إن شاءلله ...
سولا: بابا نحب نروح عند عمتي سمانة جاية عطلة...
بوجمعة:لكان ماتسحقكش امك روحي على روحك...
سولا: ماتحتاجنيش اكيد... قلقت لهنا نحب نتلاقى بأميمة مني نبدل جو مني نقرأ معاها...
وردة:من وقتاه تحبي تروحي عندهم ...
شافت مع امها بعدها حكات مع باباها سولا: بابا يعيشك وعدت اميمة اني نروح... خليني برك
حمزة: انت فارزتها وجاية تشاوري...
سولا: احضر محضر نتع خير... ماتزيدش تشعلها...
حمزة: هيا سيدي روحي ويكفينا بلا حس...
سولا: عيشلي ميزو راك الحب انت...
حمزة: قلها حتى هي تجي توشناها من صيف ماطلتش...
غمزاتو سولا: من عيوني توصل... انت عملتي عملتي تفكرني بمصروفة عندك مدة ما فرزتنيش...
بوجمعة: انا نعطبك خلي خوك...
حمزة: خلي تدلل على خوها...
سولا: هذيك الهدرة لحلوة...
معتثم: حتى انا تمدلي معاها...
حمزة: هلا مانمدش لراجل نتع دار...
وردة: هيا كولو ماكلة بردت وانتم ماسكتوش لا كبير ولا صغير....
كملو لعشاء مرة على مرة يجبدو حكاية... وقفو كل بقات كان وردة وسولا الي هزت لماعن حطتهم فوق بوطاجي... غسل يديها وخرجت من غير ماتغسلهم خلات امها تشوف معاها...
عند حمزة...
حمزة: بابا حتجتني...
بوجمعة: اقعدي ولدي نحكي معاك زوج كلمات...
حمزة: هانا قعدنا اسيدي غير الخير انشاء الله...
بوجمعة: غير الخير حبيت نسقسيك مش مرة قتلي نحب نخطب...
حك رقبتو حمزة: اممم كنت درك بطلت...
بوجمعة: قلت مع المشاكل نسيتي روحك...
حمزة: لا #المكتوب مزال هذا ماكان...
بوجمعة: ازرب روحك نحب نشوف ولدي عريس...
حمزة: نخليها للوقت هو الي يحكم...
بوجمعة: ربي يسهلك وليدي... وانا وقت تنوي زواج نعاون بالي نقدر...
حمزة: عامل حسابي كون متهني... ايا انا نخليك نخرج شوي ونروح...
