💎🥀 المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 184:
طلعت للادارة سقسيت على الي قالتلي عليه... قالولي راح يفطر... قعد قدام بيرو تاعو نستنى فيه مدة نص ساعة... وقفت ندور في لكلوار مرة مرة ندور نشوف مع الباب لكان جاء...طول عليا وانا مانحملش نبقى نستنى... هبطت عند وسام نحب نضيع الوقت... انا هابط في دروج قابلني واحد طالع في تلفون شكيت فيه... بقيت واقف ستنيت نشوف وين معدي... وكان ظني في محلو خرج المفتاح من جيبو وحل البيرو ودخل... رجعت على ورايا دخلت نجري من وراه... خليتو يشوف معايا عاقد حاجبو فيا بعد تلفون من وذنيه سقساني...
يوسف: تفضل ولدي...
معتز:سامحني بعتني سمير###
شاورلي على لكرسي نقعد... واكيد ماعاكستش قعد على لكرسي... بقيت نستنى فيها. هو يحكي مع وحدة اسمها ملاك... باينة تخدم معاه ومجاتش هك فهمت... قطع تلفون وقعد قابلني
يوسف: سامحني تعرف لخدمة مع نساء تعب...
معتز: ربي يعينك إن شاءلله
يوسف: إن شاءلله يارب... حكالي عليك سمير بصح ماقاليش وش قريت ولحكايات هذوك... بما انو وصى عليك لازم نفكرلك اي بوسط...
معتز: نسهلها عليك عمو بعتلكم cv في إيمايل... كما حطيتو من قبل عند واحد إسمو علي... تخصصي محاسبة...
يوسف: هيا مليح شوف هذا دوسي نحبك توجدهولي...نبداو كما تعرف فترة تجريبية 3 شهر من بعد نعدلو وضعيتك لكان ظهرت قدها نحكموك...
معتز: ربي يفظلك عمي يوسف بربي ماتشوف مني غير الخير...
عطاني ملف الي نجيبو حسيت كاين امل مرة هذي... حبيت نعدي لوسام اما قلت من بعد نعيطلها نحكيلها احسن... درك نهبط نفرح بودجي ووريدة...
~~~~~~~~~
عند سفيان...
من وقت خرجت من عند طبيبة وانا نضحك وحدي تقول مهبول... هي حسيتها دخلت في صدمة خصوصا بعدما سمعت عندنا زوج... طلعنا في دروج نقلها سايسي روحك وهي تضحك عليا...
جوجيتا: يا سوفي لبارح كنت نهز هزان شطحت شطيح عمري شطحتو والولاد لباس الحمدلله... ماتجيش درك تقولي ساعفي على روحك
سفيان: لبارح ماكنتيش علبالك نفوتوها معليش بصح درك نعرفو وزيد زوج مش واحد...
وقفو قدام الباب حل الباب دخلو جبدها حضنها كملو يحكو...
سفيان: قداه من مرة قتلك نحبك...
بوزت شفافها حاطة يديها على صدرو: ماقتليش حتى مرة...
هبط خطف بوسة: جامي قتلك؟
جوجيتا: نن جامي هههه
سفيان: تعرفي حبي ليك درك ضعف 3 على قبل هههه
جوجيتا: ههههه علاه 3....
سفيان: نحبك مرة ليك... وزوج لخرين لولادي ولادي 3...
جوجيتا: صاااار هك بعد بعد هذو مزال ماجاوش وبديت تقسم في حبي معاهم...(بعدتلو يدو وهربت للكوزينة جبدت كاس وصبت ماء هزتو شربت منو... وهو واقف مكالي لباب يشوف معاها...)
سفيان: وش بيها الغيارة تاعي... ياك قتلك اضعاف مش تقسيم...
جوجيتا فاتت عليه: ويكن سوفي تغششت...
سفيان: ارواحي لهنا وين هاربة راكي روووح...
جوجيتا: سوفي سقسيت على ماماك اليوم؟...
سفيان: ايه عيط سقسيت عليها... صوتها مايعجبش خلاص... حسيتها كانت تبكي... قلتلها نجي نديك ماحبتش
جوجيتا: وانت علاه مارحتلهاش طمنتي عليها... هك يبقى بالك مشغشب...
سفيان: خلي لعشية ونروحلها... لاقبلت نجيبها...
جوجيتا: ايه احسن ماتعمل والله...
سفيان: يعيشلي الي يخمم في ناس الكل...
جوجيتا: امممم هفني حاطني مزالني صغيرة نأمنك...قولي سوفي راح الحال على لغداء وش ندير درك...
سفيان: ياك قتلك نتغدار برا...
جوجيتا: نن مانحبش...(طلت على فريجيدار...)...مزال كاين لعشاء الي بعتاتو طاطا حليمة نسخنوه وخلاص...
سفيان: وانت تقدري تاكلي تع لبارح...
جوجيتا: عادي سوفي... لحمل مش مرض بلعكس وانا لدرك ماحسة بحتى شيء من غير شوي تعب برك... ماتخافش مرتك قوية
حكم وجها بين يديه: نعرف راني ديت لالات لبنات... ربي يخليك ليا يارب...(باسها من عينيها) احسن حاجة صراتلي هي انت... واكبر فرحة فرحتها بيك... ولدرك مانيش مصدق راح نجيب ولاد منك وزيد زوج مش واحد...
جوجيتا: تعرف نحبك سوفي... نحس روحي طفلة صغيرة بنتك وقت تبدا تدللني... كون نلقى نحكمك بحدايا طول... مانخليكش تتحرك كاين حاجة وحدة لوكان تعملها راح تزيد تفرحني اكثر...
ثبت عينو في عينيها مقرب منها تفصلهم سنتيمترات: إلي هي روح...
جوجيتا: تحبس رهج الي سعات يتلفلك عقلك... درك جايك ولاد سوفي خمم فيهم... قبل لا تخمم في روحك...
سفيان: نعرف وراسك نعرف بالي غالط... راح نحاول جهدي مانخليش ولادي يشوفوني بالحالة هذيك...
طلعت على صوابع رجليها بساتو قريب لشفافو بعدها حضناتو... تحس فيه آمانها فاتت عليهم غصرات اما بقاو ذكرى اليوم فرحتهم فوق كل لحدود... نقطة بداية لحياة جديدة ومسؤوليات جديدة...
بعد عليها يتبسم بشر سفيان: وش قولك نأجلو لغداء لمبعد امممم...
جوجيتا: هههه علاه...
هزها بين يديها: ههههه نستغلو فرصة قبل لا تتقالي عليا....
جوجيتا: ههههههههه مجنون الي بلاني بيه ربي...
سفيان: ههههه بيك مجنون...
