لمكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 166:
طلعت في هذاك دروج تترعد اليوم راح تحكي معاه ووحدهم... امها عدات لولدها قاتلو تخليه يطلع...
دخلت جميلة لبيتها... كانت منظمة كل حاجة في بلاصتها... قعدت على سريرها خيمارها غطات بيه شعرها ... ما حبتش يخليلها ملاحظة... حاكمة يديها تعصر عليهم... طلعت عينيها وقت تحل الباب ودخل... جات عينيها في عينيها هبطتهم عاضة على شفتها تحتانية... خلاتو يتبسم اول ماشافها الخيمار على راسها... ومهبط راسها تمشى بخطوات رزان قعد بحداها خلاها تفتح عينيها من غير ما تشوف معاه... حك خشمو ونطق...
أيمن: جميلة تقدري تشوفي معايا؟
طلعت راسها فيه...
ايمن: وشبيك تترعدي خلاص راك وليتي مرتي... ماعندك علاه تحشمي...
جميلة: لا غير تعرف ستراس برك...
ايمن: زينك الخيمار...يعطيك صحة لبستيه مقتنعة ولا لانو انا الي قتلك...
جميلة: اكيد مقتنعة...
ايمن: جميلة انا طلبت نحكي معاك باه نتفاهو في امور تخصنا من بعد... ما قدرتش نحكي فيهم مرة الي فاتت...
جميلة: تفضل...
أيمن: اول حاجة راح نوصيك عليها حليمة خط احمر... كان نهار قلقاتك ولا اي حاجة لانو تصرا عادي... نحب تخبريني وانا نتصرف اوكي...
جميلة: من غير ما توصي راهي كيف ماما والله إن شاءلله مايصرا شيء...
أيمن: يعطيك الصحة ودرك هذيك مرة الي شفتك فيها قشك ماعجبنيش ضيق وسراول قصير... يرضى عليك ما نحبش مرتي يشوف فيها غيري...
حشمت هبطت راسها على كلمتو: عندك الحق مابقيتش نلبس هكذاك اصلا خيمار لازمو فضفاض...
ايمن: احسن والله وثاني درك راكي على اسمي دخلة والخرجة بعلمي... وقت تخرجي يكون معاك واحد... والا ما تخرجيش... واخر حاجة نسقسيك عليها عندك فيس...
جميلة: عندي ايه...
جبد تلفونو عطاهولها... خلاها تشوف معاه زاد قربهولها باه تحكمو عليه...
ايمن: احكمي اكتبي فيس تاعك وابعتي انفي... رقمك ثاني من بعد نعيطلك اوكي...
حكمتو عليه يديها تترعد كتبت وش قالها وردتهولو... جات يديها وسط يديه فيسع ماجبدتها...
تبسم معاها و وقف باه يخرج وخيمارها طاح توله من شعرها عقد حواجبو...
ايمن: قصيتي شعرك؟
جميلة بخلعة: لا والله غير مطلعاتو شوي ماقصيتوش...
ايمن: احسن ومن غير ماتخمي تقصيه... وخرج وخلاها داهشة يابسة في بلاصتها... بعدها هبطت دخلت عليهم لصالة... قعدت وصل وقت قصان تارت... ايمن حرن بالي حاولاتو يدخل يقص مع مرتو ما حبش... ولات قصتها معاها حليمة ولبستها الخاتم ودارو تصاور... شطحو شوي مع بعضاهم وجوجيتا من شعل لغناء ما قعدتش...لغناية الي تتحط تكون معاها...دارت جو كبير هي وسهى والبنات...صورت كل شيء عملت فديوات لروحها تشطح كما وصاها سوفي...فرغت طاقتها الكل حتى لعرق عاد هابط من وجها... ووصل وقت ترواح تادعو وخرجو يكملو ليلتهم...
