المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 202:
قاعد بحداها حاصر الكرسي في جنبها... عامل روحو حصل في لحسابات وهي عاملة جهدها معاه تفهم فيه في طريقة كفاه يحسب... مرة تحكي بيديها مرة تشوف معاه وتركز في عينيه و تزرب تهبط عينيها حاشمة... مكالي وجهو بيدها الي حاطها على بيرو... تايه في كل حركة تعملها... مرة يتيه في شفافها مرة في عينيها مرة في شعرها... هبطت تكتب هبط شعرها غطالها وجها...شاف معاها مدة هز يديه بعدلهولها وراء وذنها... طلعت راسها شافت معاه...
معتز: ماتقوليش علاه عملتي هك... الله غالب ماقدرتش مانمسوش...
ملاك: اخر مرة معتز كون يدخل واحد...
وقف من الكرسي: بصح ماعملتش حاجة حرام...من نهار شفتك دخلتي لقلبي.. نظن مانقدرش نتحكم فيه
عضت على شفتها تشوف معاه: بصح هك راك تغلط
قفل الباب بلمفتاح ورجعلها: مانيش نغلط املاك راني من دخلت لهنا نستنى غير وقتاه نجي ونشوفك...
ملاك: معتز حل الباب كون يجي بابا ويشوفنا هك...
معتز: وش يشوف يهديك ربي... شوفي معايا لهنا شوفي...
ملاك: معتز
معتز: ياقلب معتز انت...
هبطت راسها تحس في قلبها راح يخرج...وحدها معاه والباب مقفول... طلعت راسها شافت معاه... تلعب بعينيها في كل بلاصة من وجهو...
ملاك: بصح خايفة معتز تكون مجرد اعجاب وخلاص...
قرب قعد على رجليه حكم وجها بين يديه: تشوفي فيا دراري ملاك... والله العظيم غير حبيتك...
ملاك: بصح عرفنا بعضنا غير من 20 يوم برك وقتاه حبيتني...
معتز: شكون قالك الحب يتقاص بالمدة... يكفي وقت نشوفك بكلي نحب نحظنك نحب ندخلك ويط ظلوعي... ونظن حتى انت نفس شيء لا....
ناضت مبعدة عليه: لا غالط معتز من غير ما تخلي روحك تغلط اكثر...
معتز: وانا قتلك نحبك حتى انت تحبيني...
ملاك: لاه هذا الحب بسيف ولا...
قرب ليها تفصلهم سنتيمترات حط صبعو فوتو على خدها... بعدها فوتو على شفافها خلاها تغمض عينيها...
معتز: شفتي وقت نقرب منك نشم ريحتك الي تسطي ننسى روحي ودنيا الكل...(هز خصلة من شعرها ) ولا وقت شعرك الي كل مرة تنفضيه يجي في وجهي نحس نار شعلت فيا...
رجعت خطوة لوراء ملاك: معتز حل الباب ويكفي الي قلتيها والي عملتيه من قبل...
جبد لوراء حتى هو شاف معاها وراح جيهة الباب بخطوات ثابتة حلو ودار شاف معاها...
معتز: حطي في بالك طولي ولا تقصري راح تكوني ليا...
تبسمت معاه: تحلم...
معتز: نشوفو شكون الي يحلم (غمزها وراح مشى خطوة وواعاود رجعلها لقاها تهوي على وجها بيديها ) ماقلتليش حليب بشكولاطة كما العادة ولا حاجة خلاف...
ملاك: هااا...
معتز: اممم مزالك تحت تاثير صدمة... نجيب كما العادة
هبط مخليها غارقو وسط حوايجها تتبسم وحدها... هزت لورق الي كانو فوق بيرو تعها... حطتهم فوق بيروه... رجعت حكمت بلاصتها... حتى دخل باباها حست قلبها راح يخرج يعني كون جاء قبل 5 دقايق راي تفضحت...
يوسف: ملاك بنتي نحب هءو تخدموهم اليوم...
ملاك وهي تترعد : اوكي هات عليك...
شاف مع بيرو نتع معتز لقاه فارغ: وين راح...
ملاك: اااه... هو انا بعتو يجيبلي حاجة سخونة...
يوسف: اما وقت لخدمة علاه تبعتي فيه...
ملاك : سخفت بابا قتلو وش فيها عادي...
يوسف: مرة هءي نفوتها مرة جاية بيك بيه تسمعي فيا جاين تخدمو مش تلعبو...
