المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 228:
غلقت عليه تلفون حطاتو في جيبها تتبسم... شافت مع ساعة نتع يديها... هبطت للفواي هزت حليب بشكولاطة ليها ولسلمى وطلعت للبيرو تعها... وصلت دقت على الباب ودخلت طلت عليها...
ياسمين: تستقبلي ضيوف...
سلمى: ادخلي ادخلي راكي مولات دار ياطفلة...
ياسمين: يعيشك سلموشتي... احكمي جيبتلك حليب معايا
سلمى: اممم يعطيك صحة جاء في وقتو باه نشرب داوء...
ياسمين: نحس بيك شفتي كيفاه...
شرب من الكاس سلمى: اممم نعرف نعرف اختي زينة انت...
ياسمين: سلموش اختك طاحت على راسها وكملت...
سلمى: هههههه جلابك لطريق حمزة نستعرف بيه... واخيرا جاء الي يدخلك للقفص ذهبي...
ياسمين:يابنت حمزة راجل مش نرمال يتوله لوحد تفاصيل يحسسك انك أنثى صح يخاف عليا يسقسي هلى ابسط اشياء الي مانتولهلهمش هو مايفوتوهش...
سلمى: ربي يكمللكم على خير...
ياسمين: امين يارب والله راني ندعي في كل ركعة يكون #مكتوبي...
سلمى: مابقاش وتولي حلالو هههه...
ياسمين: يابنت ماتفكرينيش كفاه نفرز اموري في 15 يوم...
سلمى: صغراهافي مخك تصغار ...
ياسمين: إن شآء اللّه غير يقبلو والديه برك...
سلمى: مليحة هذي يلقاو كيفك ويشرطو...
ياسمين: ماتنسيش فارق لعمر...
سلمى: ياك تحبيه ويحبك خلاص علاه تكبري فيها لكان من #مكتوبك واحد لا يقدر يوقفلك...
ياسمين: إن شاءلله ربي يسرها...
سلمى: إن شاءلله
ياسمين: وانت مكانش جديد كشما بان خبر على محمد...
سلمى: من نهار المحكة ماعيطش موالف كل يوم يعيط الليل ونهار...
ياسمين: غيابو هذا مش مريحني سلموش...
سلمى: مانعرف عليه بكون لاتي مع كاش ####
ياسمين: هههه والله لاتحشمي لعيب خلاص...
سلمى: هههه نطقني مهم انا يخطيني مايهمنيش فيه... يكفي وش وكلني من لحرام...
ياسمين: ربي يهديك برك مافهمتش علاه راح لطريق هذي... كان لباس عليه... درك مستحيل يقدر يخرج من المستنقع هذا والله ياكلوه...
سلمى: عييت نفهم علاه عمل هك صح يعني مستواه مليح مش فقير ولا حتى... اووووف خربلنا حياتنا برك بعملتو هذي..
ياسمين: سلمى نسقسيك...
سلمى: سقسي مع انو متاكدة وش راح تسقسي
ياسمين: مزالك تحبيه؟
هبطت راسها تفوت في صبعها على حرف الكاس بعدها تنهدت: نكذب نقلك كرهتو نحبو ومزالني نحبو... توحشتو وتوحشت دلالو...(هبطو دموعها ) اما بعملتو ماعدتش نقدر نشوف معاه...
ياسمين: ربي يفرج سلموش... ماسقسيتكش باه تبكي حبي انت...
مسحت دموعها تضحك: ايا خلينا من لبكاء درك وقوليلي كفاه نعمل انا وقت تزوجي امممم والفت بيك اطفلة...
ياسمين: هههههههه ارواحي نحطوك في وسطنا انا وحمزة وخلاص هههه....
رمات عليه ستيلو سلمى: والله لاتحشمي نحكي صح مانقدرش نعيش وحدي...
ياسمين: والله ماخممتش فيها... امممم علاه مارجعتيش لدراكم...
سلمى: تمنيت اما بابا مغشش مني وحلف لا نرجع عندو لكان كملت في لقضية نتع الخلع... قال ماعنديش بنات تتطلق...
ياسمين: علبالو بلحكاية وقال هك...
سلمى: ايه قال هك ياسمين وإلا راني رجعت من قبل ووقعدت مع ماما مريضة...
ياسمين: مالقيت مانقول...
سلمى: وش راح تقولي من تجيها تعواج وخلاص...
(طبطب الباب ودخلت فرملية تحكي )
###: حكيمة سلمى يحتاجوك في لإدارة
سلمى: إن شاءلله خير دروك نجي...
ياسمين: زعمة علاه يحتاجوك...
وقفت سلمى: مانعرف نشوفهم ونجي نكملو هدرتنا...
ياسمين: انا ثاني نخرج معاك نفوت نشوف مرضى تاعي... من بعد نعدي للمكتب...
سلمى: خلاص دوك نفوتلك...
