المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 236:
كملو تغداو في جو كل فرحة وضحك... هزها وراحو Corniche وقف طومبيل مقابل لبحر... قطرات لمطر مغطية زجاج...حاطة راسها على كتفو شابك يديه في يديها سكوت سيد الموقف... هي تشوف مع لمطر الي تهبط وهو يشوف مع يديه الي شابكة في يديها... وكأنو قاعد يثبت في لحكاية في راسو يعني هو درك مزوج وكاين مرأة على اسمو... فاق من سرحتو وقت حكات...
جميلة: ايمن؟
هبط عينيه شاف معاه: إمممم
جميلة: تعرف بالي طولت معاك درت لعيب مع دارنا...
بعدلها راسها وحط يدو على دقنها يشوف مع عينيها ايمن: ههههه وشمن عيب ياك مع راجلك...
جميلة: نعرف اما تعرف دروك يحكو عليا...
كمش عينيه فيها ايمن: واحد ماراح يحكي عليك... حبيت نستمتع بيومي كما اي واحد زوج ولا انا غالط؟
بعدت حكمت بلاصتها تكبس بصوابع يديها: نعرف اما
أيمن: مكانش حتى اما... انت مرتي وانا مانيش نعمل في حاجة غالطة صح؟
حركتلو راسها ودورت وجها لزجاج تشوف مع طريق... باقي يشوف معاها مافهمش وش مقلقها... حط يدو عليها يحكي...
ايمن: جميلتي لكان قلقتي نروح بيك...
تبسمت معاه: لا ماقلقتش وما كرهتش نبقى اما ماحبيتش يحكو عليا برك...
جبد يدو دور مفتاح قلقان ونوض طومبيل عرفت روحها خربتها...
جميلة: مكانش قصدي نقلقك مني ايمن... غير ااا
وهو يشوف لقدام أيمن: لا مقلقتش ممكن انا زدت فيها لحكاية...(صونا تليفون «حليمة»...شاف معاه وهز )
حليمة: ولدي وينك لدرك؟
شاف مع جميلة وجاوبها: مع جميلة وين راح نكون...
حليمة: امها من مدة وهي تطلب فيها وماهزتش عليها تقلقت...
ايمن: علاه هذا الكل راح نهرب بيها انا ولا...
حليمة: لا ولدي اما عماتها يسقسو عليها وامها حشمت هذا مكان...
أيمن: راهي حلالي يما مانيش حارجة معاها بتخبية...
حليمة: نعرف وليدي اعمل الي يريحك... انا قتلك وش قاتلك امها وانت حر...
ايمن: باهي وصلت تبقي على خير...
(شاف مع جميلة) امك طلباتك تحيرت عليك...
دارت لوراء حاولت تجبد صاكها ماقدرتش... جبدهولها هو ومدهولها حلاتو وجبدت تلفون... شهقت وحطت يديها على فمها...
جميلة: اخاااه 20 مكالمة... اليوم يعملو فيا
حط يدو على خدها ايمن: ياك مانيش سارقك انا ولا خارج بتخبية... جميلة خلاص راح نوصلك ماتخافيش عادي وكما توصلي نحكي مع خوك ...
تبسمت معاه تحاول تخفي خوفها جميلة: مدامني معاك مستحيل نخاف راك راجلي ايمن... غير خفت شويا برك تعرف مانيش موالفة...
ايمن: باهي جميلة ماعدتش نحب نحكي فيه موضوع هذا قلقني ومانيش حاب نفسد فرحتي ...
هبطت راسها حاشمة طلعهولها بيديه ودموع محصورين وخايفة تبكي
تنهد وجبد نفس يكالمي في روحو ايمن: جميلتي هما 15 يوم ومابقاش نشوف الخوف هذا في عينيك... ماكنتش نعرف بالي خوافة هك...
حطت يدها على يدو: لا ماعدتش خايفة قتلك بللي معاك مانخافش...
قرب لخدها بساها بخفة وبعد عليها مخليها راح تدوب... دور المفتاح وطلعها لدار... قبل لا يوصل هبط شرالها بزاف حوايج مشكلة من كل شيء حطهملها في حجرها...وزاد قلع اول ماڨارا شاف خوها واقف قدام الباب يتكيف... ضغط على يديها يحكي...
ايمن: أدخلي انا نحكي معاه اوكي...
حركتلو راسها هزت ساكها و bouquet de fleurs وهبطت دخلت طول من غير ماتستنى ولا حتى تشوف مع خوها ... هبط وراها سلم على خوها بليد حكى معاه شوي فهمو في لحكاية وطلع لدار حتى هو.... اول مادخل تقابلو حليمة في لباب زغرطت عليه... خلاتو يتبسم يحرك في راسو...
ايمن: خلعتيني والله...
حليمة: الله لا يحيرك وليدي لعريس...
قرب باسها على راسها حاضنها بجنب...
ايمن: يخليك ليا يما لعزيزة (دور راسو يشوف مع جنابو ) ياك رانا وحدنا مكانش زايد...
حليمة: لالا وليدي كانت مرت سوفي لهنا بسيف لا قنعتها تروح لمرأة بروحين وهي واقفة معايا يد بيد..
ايمن: يعطيها صحة صاحبة واجب...
حليمة: ايه... وشمبرا تاعك وقتاه تجيبها؟
ايمن: غدوة يبعتوها إن شاءلله ...
حليمة: مليح خلي باه نظم كل حاجة في بلاصتها...
عقد حواجبو بحكي: علاه تظميهالنا انت ناقصك تعب ولا..
حليمة: هااا العيب إمالا شكون ينظمهالك
ايمن: وقت تجي جميلة نتعاونو انا ويها ونظموها عادي...
حليمة: ماتجينيش نتعبو عروستنا من اولها...
ايمن: ماتخميش يما راني معاها بربي ماتتعب لا هيا ولا انت...
حليمة: يرضى عليك وليدي ويفرحك إن شاءالله...
ابمن: إن شاءلله يارب... انا نطلع نرتاح غلبت اليوم...
حليمة: ايه وليدي اطلع...
طلع طول لبينو شاف معاها فرغت حليمة كل خلات غير سرير الي يرقد عليه... قعد عليه جبد livré de familles... شاف معاه مدة بعدها تمد فوقو وحط يدو على عينيه... اليوم راح تبدا حياة جديدة الله اعلم كفاه راح تكون اما الي يعرفو راح يعمل المستحيل حتى يحافظ على عائلتو...
