المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 221:
خرج من دار كما المهبول... طلع يحوس على كيوسك حال يشري دخان... كل مرة هدرتها تتعاود ... كفاه راح يشوف في صاحبو كون يفيق كفاه راح يقدر يواجهو هذيك تبقى اختو... وأيمن يبقى صاحبو...شرى وخرج قعد في اول الحومة مش حاب يتلقى حتى واحد... ڨارو وراء خوه رحاها رحيان ونار الي شاعلة فيه ماحبتش تطفىء... جبد تلفون يشوف في ساعة... لقاها معبطة اكثر من مرة... تنهد مسح على جبهتو ودخان في يدو... ركب الكيت وحط رقمها... مرة وزوج ماهزتش حتى مل هو راح يقطع سمع صوتها...
ياسمين: حبيبي...
حمزة: روح حبيبك لباس؟
ياسمين: لباس الحمد الله وانت من مدة نعيط ماهزيتش...
تنهد وجبد نفس من الڨارو: حطيتو silence مافقتش بيه... وانت وش راك تعملي حتى ماهزيتيش فيسع...
ياسمين: كنت ندوش وقت سمعت تلفون صبيت عليا الماء وخرجت...
حمزة: تسمى قصيت عليك دوش... ارجعي على روحك كملي دوشك...
ياسمين: حبيبي صوتك ماعجبنيش غير الخير...
تنهد متبسم حتى من صوتو وعرفت انو متقلق...
حمزة: لا مكان والو غير قلقان برك...
ياسمين: راح نبداو من درك نخبيو على بعض ياك انا وانت واحد...
حمزة: انت روحي وقلبي ماتقلقيش روحك غير مشاكل صغار في دار هذا مكان...
ياسمين: انا سبة صح؟
حمحم عدل صوتو: خصتني وكون جيتي انت سبة مايكونش مشكل بنسبة ليا خلاص...
ياسمين: ماعجبتنيش علاه تحكي كما هك...
حمزة: خليك من مشاكلي انا درك وقوليلي وش قولك نديرو خطبة سمانة جاية والعرس يكون مع ايمن صاحبي...
ياسمين: ااااه كفاه منك بصح... اااهاااا اكيد غير تتمسخر...
حمزة: علاه نتمسخر هذا ياك نعرفك وتعرفيني ونحلك وتحبيني علاه نطولو طريق وهي قصيرة...
ياسمين: بصح حمزة لعرس ليه توجاد كبير... يقلك ليلة تدبيرها عام...
حمزة: وشمن تدبير يا بنتي... لحوايج ولا مانعرف وش تجيبي مزال قدامنا عمر كامل وحنا نشرو يعني ماتخلاصش...
ياسمين: شوف جهاز يحبلو لوقت وانا ماعندي حتى واحد يعاوني... كفاه تحبني نزوج في فترة قصيرة هذي...
حمزة: درك انت حابة تكوني معايا ولا كفاه ولا حابة تطولي باه كل مرة تصرا حاجة تزيد تخلينا بعاد اكثر...
ياسمين: والله حابة نكون معاك اما لازم منها لحوايج هذي مش انا الاولى ومش لخرى الي تعملها...
حمزة: ساهلة من غير مانصعبوها... انا نحوس على دار للكراء نكريها... وندخل فيها اساسيات وانت جيبي حوايجك الي تلبسيهم كل يوم وخلاص...
ياسمبن: بصح راني كارية جديدة علاه تحوس على لكراء... وعندي حوايج جدد شاريتهم من غير ماتخسر دراهمك...
حمزة: مستحيل ندخل لدار نتع مرأة غير هذي ماتصراش... مش انا الي نعملها...
ياسمين: ياك انا وانت واحد عادي هذو لحوايج بين لمراة وراجل....
حمزة: انت روحي في كل شيء نتقاسموه غير هذي لا... ولحكاية هذي مافيهاش نقاش... سمانة جاية لخطبة وبعدها ب15 يوم العرس نقطة انتهى...
ياسمين: باهي اسيدي اعمل الي تحب... اما انا حابة عرس... وفي 15 يوم مانلحقش نعملو...
حمزة: تسمعي مني خلي غدوة نجيك ونحكو فيها احسن اوكي...
ياسمين: يعيشلي راجلي لعزيز...
حمزة: راح تقت*ليني ناقص عمر...
ياسمين: بعيد شر عليك حبي فيا ولا فيك...
حمزة: مرتي لحلوة انا نخليك بردت الحالة انا نطلع هذاك هو... وغدوة نعديلك نتفاهمو في حوايج لعرس وحياتنا وكل شيء...
ياسمين: تصبح على خير ابعتلي ميساج وقت توصل وتحكم بلاصتك...
حمزة: إن شاءلله هيا غدوة انشاء الله...
روح لدار رجل لقدام ورجل لوراء... دخل دنيا الكل ظلمة كل واحد حاكم بلاصتو... عدى على بيتها وقف يسمع فيها تبكي... قلبو وجعو ماكانش حاب يصرا هذا الكل اما هي وصلت روحها العملة الي عملتها مستحيل يفوتهالها من غير مايحاسبها... مقرر من اليوم راح تكون معاملتو ليها غير معاملت قبل... وقت رخفلها خلاهاتوصل تعمل حوايج لعقل مايتقبلهمش... مسح على لحيتو دخل لبيتو بعتلها ميساج وحط راسو على لمخدة يخمم... تقلب كل مرة على جيهة اما نوم حلف لا يزور عينيه...
