💎🥀 المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 180:
بعد سهرية نتع البارح... فاقت تحس في روحها فرحانة على غير العادة... كل مرة تزيد تتعلق بيه اكثر واكثر... حاجة فيه تجذب فيها ليه... عملت ميناج لدار... طيبت شربة فريك طفات عليها... نظمت كل حاجة في بلاصتها... طفات ضوء نتع الكوزينة... حتى تقابلها قاعدة تلبس في veste نتعها هلاتها حايرة...
ياسمين: وين سلمى على خير...
سلمى: ماما مريضة لازم نروح نشوفها...
ياسمين: خير وشبيها ثاني إن شآء الله مش حاجة خطيرة برك...
سلمى: مانعرف دوك نروح ونشوفها...
ياسمين: راح تروحي وجهك اصفر كما هك وش راح تقوليلهم...
سلمى: عادي نقلهم انا ثاني تعبانة شوي...
ياسمين: تحبي نجي معاك؟...
سلمى: لا يكفي تعبك معايا لهنا...
ياسمين: شوف كيفاه تحكي... يابنت مابيناتناش الهدرة هذي...
سلمى: عيشك سمونتي... معليه تعطيني طموبيل تاعك...
ياسمين: اكيد لمفاتح معلقين وين الباب... سوقي بلعقل اوكي...
تبسمت معاها تبسيمة صفرة مش قادرة لحتى حاجة : اكيد سمونتي...
خرجت قفلت الباب من وراها... وباسمين رجعت حكمت بلاصتها شعلت tv... دورت من قناة لقناة... مالقات شيء... وقفت طل من طاقة نتع البلكون تشوف مع لولاد الي قاعدين يلعبو بلكورة... تفكرت حمزة حبت تسمع صوتو من غير ماتترد هزت تلفون حطت رقمو عيطتلو... شوي وهز عليها
ياسمين: صباح الخير...
حمزة: صباح النور وش حوالك؟
ياسمين: لباس الحمدلله وانت؟ كفاه صبحت اليوم اكيد تعبت من سهرية نتع البارح...
حمزة: والله صبحت خامر حتى لعجوز نوضتني...
ياسمين: خالي بصحتك مليح نوم...
حمزة: يسلمك وانت وش قاعدة تديري...
ياسمين: والو غير قاعدة في دار... سلمى راحت ماماها مريضة... وانا دورت tv مالقيت فيه والو...
حمزة: اييي على tv كون مانشوفش فيه ماتش ماندورش بيه...
ياسمين: خير والله... وانت وش قاعد تعمل درك...
حمزة: قاعد ندور بطموبيل مالقيت ماندير...
ياسمين: بصحتك.. نظن عطلتك لا...
حمزة: لا عيطتي في وقتك... سوفي وش قولك نعملو دورة انت فادة وانا اكثر منك...
تسمع فيه ومكذبة قلبها زادت ضرباتو حاطة يديها عليه ساكتة... تحسب في روحها سمعت غالط... حتى جاها صوتو
حمزة: وبن رحتي ابنتي...
ياسمين: لا غير لهنا بالك ريزو راح... ماسمعتكش وش قلتي...
حمزة: قتلك لكان تحبي نعملو دورة ومنها نتغداو وش قولك...
ياسمين: فكرة شابة اما طموبيل عند سلمى...
حمزة: اني قريب ليك... وجدي روحك شوي نعيطلك...
ياسمين: اوكي صحا... قفلت عليه وناضت تنقز في بلاصتها ميتة بلفرحة... لعدها حلت لخزانة جبدت وش تلبس بدلت بزربة... شافت مع شعرها هزاتو لفوق طمطومة مخليا خصلا ت هابطين... عملت شوي ماسكارا وبوم الافر... هزت برفنتها دارت منها... وقفت شافت مع روحها... تبسمت على هبالها جاء الي يخليها تتصرف كما المرهقات... وقت صغر ماعملتش شيء هذا... وصلها ميساج من عندو قالها فيها نستنى فيك مع آخر شارع... هزت صاكها وتلفونها مفاتح تع دار وهبطت تمشات شوي قابلها في طموبيل... قربت لطكوبيل حلتها وطلعت بحداه...
ياسمين: سلام...
حمزة: وعليكم السلام ماطولتيش...
ياسمين: وش الي يعطل لبست فيسع...
حمزة شاففها مع فمها عقد حواجبو: هيا مليح وين تحبي نروحو...
ياسمين: بلاصة كالم خلااااص... هذا شيء الي نحتاجو...
حمزة: هيا مليح اسيدي... اما حاب نسقسيك...
ركبت سبتة ياسمين: ايه اكيد من غير ما تسقسي..
حمزة: وش إسمها برفانتك؟
ياسمين: عجباتك؟
حمزة: حلوة هادئة ماتخليكش مزعوج...
ياسمين: امممم مليح ههه...
ديمارا يحكي: ماقلتيش وش إسمها...
ياسمين: مانقولش سر هذا... مانحبش نقول اسمو...
حمزة: تسمى بخيلة مليح...
شافت مع راديو وحكات: نو مش حكاية بخل... اما نحب تقعد دايما خاصة بيا ههه...(مدت يدها راح تشعلو في نفس الوقت الي هو راح يشعلو جات يديها مع يديه يبست في بلاصتها...اما هو فشاف معاه متبسم بعدها جبدها..)
حمزة: هههه تخمام واحد...
رجعت شعرها وراء وذنها بلعت ريقها: اممم هك حسب شوفة...
ياسمين: دورت راسها لطريق تشوف معاها... تحس في قلبها راح يخرج... معاه في نفس لبلاصة... مشاعرها فاتت مشاعر صداقة هذا الي تحس فيه... وقت تكون معاه تحس بفرحة براحة... فيقها من سرحتها وقت سقساها...
حمزة: مكانش جديد في القضية...
ياسمين: جلسة راح تكون 20 في شهر..
حمزة مابقاش بزااف... والمحامي وش قالك...
ياسمين: قالي بربي نربحوها من اول جلسة...
حمزة: محاميين نتع بومهني... مستحيل تتفض في جلسة وحدة كاين تحقيقات وووو...
ياسمين: تحكي صح كيفاه يشيخ بيا إمالا...
حمزة: تبعي برك وخلاص ماعندك ما تعملي... هاو لازم يربح منك تفتوفة
ياسمين: ربي يهدي برك حال لبلاد مش راح يتعدل خلاص...
حمزة: شكون قالك يتعدل ههه غير في الاحلام...
ياسمين: ايي وي...
حمزة: وصلناااا إن شاءلله نلقى بلاصة وين نڨاري...
