المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 217:
عدالها للكوزينة وهي تغسل في لماعن... حط مرفقو على بوطاجي... يشوف معاها وهي تغسل فيهم ودموعها على خدها...
سفيان: جوجو علاه تبكي هذا الكل كما عدت راح نجيبها...
مسحت دموعها جوجيتا: لا غير لبصل كنت نرحي فيه قلقني...
حكمها من خدها قرصها عليه: من وقتاه تكذبي عليا امرأة امممم...
بعدتلو يدو: ماكدبتش مش تشوف في طنجرة على نار...
عدل وقفتو: حبي حافضك اكثر من روحك باه يكون في علمك... انت روح وهي الي جابت هذي روح... ماتخلينيش في دوامة الله يخليك...
جوجيتا: وانا ماقلت شيء من غير اني تاعبة ومش حاملة روحي... كل حاجة قدامي كرهتها ريحتي الي هي ريحتي مش حملتها... خايفة وقت تزيد تجي نرجعو لنفس المشاكل وانا والله ماقادرة لحتى شيء...
حضنها حاشي راسها في صدرو: نعرف والله نعرف وحاس بيك... إن شاء الله ماتصرا حتى حاجة... وقت تعودي تاعبة احكمي بيتك وارتاحي مايهمك في حتى حاجة...
بعدت عليه: روح جيبها راح الحال وقتاه تجي ...
سفيان: الله يرضى عليك هاني خارج... مانحبش نروح نلقاك مزالك تبكي اوكي...
حركتلو راسها: إن شاءالله... روح برك علاه راك تعطل... مزالت عندي خدمة...
سفيان: ماتعبيش روحك غير بشويا...
جوجيتا: هاي اخرج برك وشبيك سامط ...
سفيان: سامط اااه معليه تخليصها الليلة غالية...
جوجيتا: هههههه روح برك (ودزاتو لباب باه يخرج...) هبط ركب في طموبيل رجع راسو على لكوسانة....تنهد يعرف ومتاكد حياتو راح ترجع تتخلط... امو مش ساهلة وجوجبتا تتوحم مش راح تتحمل... خايفة مرة هذي يخسرها... خايفة من مشاحنات الي بينهم... جبد نفس كبير... دور المفتاح نوض طموبيل... راح شراء شيختو يبعد عليها يومين مايقدرش يزيد يرجع لنفس عادة ماقدرش يبطلها... وراح لدار امو حل بلمفتاح ودخل يلقاها قاعدة في صالة عينيها حمر جمر... Tv ماشي وحدو وهي تايها... قابلو بتبه حارج من كوزينة يضحك مع مرتو...
سفيان: مش حرام عليك انت شايخ ولمرأة في حالة...
يوسف: هي الي ماحبتش تهني روحها نهار كامل بمشاكل تعها لا رحمتنا لا رحمت روحها...
سفيان: هذي هي عشرة لعمر الي بينكم تجي وحدة تمسحها وانت تزيد تعاونها... ممكن سكت من قبل قلت هذا حقك وتبقى بابا... اما انك تظلمها معاك هذي الي مانقبلهاش...
يوسف: اييه وين حاب توصل...
سفيان: ماعندي وين حاب نوصل هاني جيت نهنيك منها ايام خلي انت ترتاح وهي ترتاح... ونتمنى تخمم وتراجع روحك... قبل لا تصرا حاجة وتندم عليها...(دخل عند امو الي ناضت ترمات عليه تبكي )
سعيدة: حڨروني اسفيان حڨروني...
سغيان: خلاص يما هاني جيت... درك تروحي معايا وإن شاءالله تتحل الامور...
تميح في دموعها: تعبت والله غير تعبت... مرتو نار تحت تبن تحرق بنارها واحد لايفيقلها...
سفيان: خلاص يما الهدرة هذي ماعندها حتى معنى درك... وجدتي حوايجك نروحو؟
سعيدة: ايه هزيت غير لحوايج الي نحتاجهم برك...
سفيان: مليح هيا مالا نتوكلو على ربي....(هز كابة الي وجدتها وحكمها من يديها خرج قابلو بابه واقف قدام الباب )
يوسف: نتمنى تبدل شوي جو وترجع لدارها...
سعيدة: هههه درك ولات داري...
يوسف: ايه دارك كما راهي دارها هي ثاني...
سفيان: هذا مش الوقت المناسب للهدرة هذي... وخرج مخرجها معاه فايت عليه مخليه واقف يشوف معاهم... ركبها في طموبيل طلعو لدار الي مش بعيدة... طلعها وحدة وحدة في دروج حتى وصلو بحدا للباب وقف قدامو شاف معاها يحكي...
سفيان: حطي روحك في دارك يما وماتزعفيش روحك...
سعيدة:ربي يحفظك وليدي ويفظلك... غير مرتك ماتقلقش مني برك...
سفيان: علاه تقلق بلعكس راهي خليتها توجد وتعاود باه تستقبلك...(حل الباب ) يالا مرحبا بيك في دارك الالة ...
