المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 164:
عند فضيلة ...
الحالة قايمة وقاعدة وصلت سعتين بعد ظهر كل وحدة لاهيا بقضية... صالة مفروزة كل حاجة في بلاصتها... عدلو بلاصة لعروسة ولعريس وقت يدخل بقطع الڨاطو مع عروستو ويبلسها الخاتم... سينية نتع حلو محطوطة على طلولها حلو ماعندك ماتخير كل نوع يقول لخوها انا احسن منك... ريحة لبنينة نتع زهر فاوح عاداتنا وعدات جدادنا ماتتنحاش من هذيك طاولة... كل يهدرو فرد وقت ... هذي الي تضحك وهذي الي تشيخ بلخرى... وكاين الي حاكمة بلاصة غير دوح براسها وتعوج في فمها ماعجبهاش لعجب... فضيلة من ناضت وهي على رجل... كل حاجة يعملوها تطل عليها... ولكان مليحة تفرح ولكان تتعاود تقلهم تعاودها هذي حال كل ام جزائرية... ماتتهنى ومايرتاحلها بال حتى تتاكد من كل حاجة في بلاصتها...
عند جميلة لفوق...
قاعدة تعمللها في لمسات الاخيرة... مهبلتها كل مرة تقلها نقصي حاجة... ما قنعوها انها ماتحطش لخبمار غير وقت يدخلو رجال تحطو باه ماتكسرش كلمتو الا بسيدي وسيدك... سهى الي تدور من وراها من بلاصة لبلاصة وجدت رحها على بكري باه تتفرغلها... مرت خوها مصطفى الي هازا ولدها ترضع فيه وهو عامل حالة بلبكاء... جميلة الي ترجف وحدها... كملتلها maquilleuseكل شيء شافت معاها تتبسم
سوسو : الله يبارك جبتي تحفة... انت اصلا بلا مكياج وتحفة ياخص درك...
سهى: يابنت اليوم راجل يدووخ
جميلة:مش لدرجة هذي بعد وشافت مع maquilleuse يعيشك سوسو ربي يحفظك نعرف تعبتك معايا...
سوسو: مكان حتى تعب ابنتي تشفاي من قتلك ماتعيي انا نخدملك مكياجك نتع لعرس... هاو جاء هذا نهار...
جميلة: يعيشك والله ماننساهالك...
سوسو: يزي يزي بلا هرة عيانة... هيا نلبسك قفطان...
جميلة: لالا اخاااه ندبر راسي هك راكي موفية ومكفية... راحت جابت دراهم وحطتهملها في يديها...
سوسو: مابيناتناش جميلة راك اختي...
جميلة: ياك كان هذا شرطي تدي حقك تخدميلي... ماتديش دوك نغسل وش درتي كل...
سوسو: الي يغلبك يحاسبني... انا نروح عندي عروسة اخرى... ماتنسيش حقي في لڨاطو ورفيس...
سهى: عليا هذي كونك متهنية...
خرجت ولبست جملية قفطانها دوك تشوفوه لتحت 👇🏻وقعدت فوق سرير تشوف مع ساعة كل ما يقرب الوقت تزيد تتخلع اكثر... لباسة قفطان اخضر بطرز اصفر ..وشعرها الطويل لماتو شوي ماحبتش تخليه على طولو ...مع تاج مزينو مكياج سامبل قريب مايبانش محبتش تكثر..مع اكسسورات خفيفة خفيفة..في رقبتها ويديها..قاعدة معاها سهى وحدها لباقي هبطو الكل... دخلت عليها امها تسمي في اسم الله فرحانة ببنتها الي تشوف فيها عروسة اليوم .. وهي رعدة حكمتها من راسها لرجليها..مش قادرة تقعد في بلاصة وحدة من الخوف
سهى : يا جوجو أقعدي..وأنتي من صباح رايحة جاية.. دوختيني وانا نشوف معاك
جميلة : خايفة..أسهى خايفة كل مايقرب الوقت نفشل...
سهى : عبالي وحتى نهار خطبتي كونت كيفك نترعد وحدي تقول راح يقصوني طراف طراف امت فاتت عادي وهاني قريب في لعام من نتفكرها نضحك على روحي ...حتى انت راح تفوت على خير نشاءالله..
فضيلة : عادي هو وشفتيه وقعدتي معاه وعجوزتك حتى هي شفتيها وقعدتي معها..سلمي عادي وتعاملي عادي.. ماكان حتى شيء الي يخوفك ويخليك بلحالة هذي... ماتخليش خوفك يفسدلك فرحتك... هو نهار واحد في لعمر راح تعيشيه...
مع الوقت بدات تنسى وتلهى بلحكايات معاهم وضحكتها وساعت مع زادو طلعو بنات خالاتها لخرين... ضحكتها تتمحى أول مسمعت صوت الكلكصون تاع الطموبيلات...
سهى : نظن جاوو ..
ناضت تجرو تطل من طاقة...حتى لخرين لحقوها وكل وحدة دز في اختها باه تشوف حتى هي... واقفة مسمرة في بلاصتها و قلبها يضرب بقوة كبيرة..لدرجة حساتو راح يخرج من بلاصتو تحس في نفس تقطع عليها...
