🥀 المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 191:
سلمى: تعرفي سوسو راح نهبل والله... انت مش نرمال راجل...
ياسمين: والله تقلقي في روحك برك... خلي يحكي كما يحب...
سلمى: مستفز ياسبحان الله...
ياسمين: وانت تقلقي فيسع حاولي تتحكمي في عصابك...
سلمى: تحكي صح اكثر من هك وش نعمل...
قعدت على لكرسي نافضة روحها...
ياسمين: بلعقل برك مشك فارغة حتى تنفصي روحك...
سلمى: اقعدي انت فكريني في كل مرة ..
ياسمين: اكيد هذا شيء...
سلمى: وانت مش راح بهدبك ربي ماتبقيش تشوفي مع تلفون كون عيط راح تخرج لابال لا...
ياسمين: لا غير نشوف في ساعة برك...
سلمى: اممم باينة...
(صونا تلفونها جوجيتا... )
ياسمين: اهلا جوجو وش حوالك...
جوجيتا: ياسمين اختي سطر قتلني ماعدتش قادرة نتحمل...
ياسمين شافت مع سلمى عدلت قعدتها: ياك ماساحش عليك دم برك...
جوجيتا: لا اما سطر كبير مش متحملاتو...
ياسمين: اوكي بلعقل برك... شوفي سفيان يجيبك دوك نفوتك عند طبيبة نسائية لهنا...
جوجيتا: خايفة ياسمين خايفة تصرا لولادي حاجة...
ياسمين: ماعندهم وش يصرالهم كونك فحلة ماتخافيش وكل شيء يفوت على خير سمعتي... هيا خفي ارواحي فيسع...
جوجيتا: اوكي...
قطعت معاها شافت مع سلمى الي تستنى فيها تحكي...
سلمى: وش صرالها...
ياسمين: وانا وين نعرف قاتلي عندها سطر وخايفة... انا نوض نشوف صونيا تفوتها...
سلمى: اديني في طريقك حتى انا نشوف حوال بيبي...
وقفت حلت الباب حتى تلقاه في وجها تشوكات...
حمزة: هرابة وين غبرتي...
سلمى: انا نسبقك من بعد الحقيني وتبسمت مع حمزة...
ياسمين: تفضل كفاه حتى جيت...
حمزة: وصلت سلعة قلت نفوت عليك... إن شاءالله مانكونش قلقتك...
ياسمين: نن علاه تقلقني عادي...
حمزة: قلت بالاك عندك أيام ماتحكيش معايا...
ياسمين: كنت لاتيا برك تعرف محكمة قربت وزيد حمل نتع سلمى لهيت...
هز حواجبو حمزة: زعمة؟
ياسمين: اكيد وش راح يكون زعمة...
حمزة: ياسمين شوفي معايا...
دخلت للبيرو وقعدت في لكرسي نتع البيرو...
ياسمين: حمزة ماتخممش فيا اصلا تعبتك بمافيه كفاية...
حمزة: قلقانة مني ولا وش... ياك كنا لباس وما احلانا وش صرالك...
ياسمين: وانت علاه تعب في روحك ياك عاونتني يعطيك صحة... مانحبش نكثر عليك اكثر...
حمزة: انا وانت بينا لحوايج هذي؟...
ياسمين: لازم تكون...
حك خشمو بدا يقلق: نظن كثرت عليك سامحيني...( ودار رايح)
هبطت دموعها الي كابرت مايهبطوش: حتى انت راح تخليني كما خلاوني ناس كل...
رجع دار يشوف معاها حاير حمزة: اوااه انت صرات معاك حاجة... قاعدة تخبي عليا صح؟
حركتلو راسها بنفي: والله مامخبيا والو اما انا مخلطة في روحي مش عارفة نتصرف
حمزة: ههه ماخيرتي غير انا الي تدوري عليا...
ياسمين: الله غالب جات هك...
حمزة: هيا مليح اسيدي... انا نروح نخدم على روحي... من بعد نعيطلك ونڨصرو...
ياسمين: بسلامة...
حمزة: الله يسلمك....
هو خرج وهي حطت يديها على قلبها تبلع في ريقها متبسمة... تحس في روح رجعتلها... وكانها كانت ميتة الايام هذي الكل...
