المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 162:
اليوم شرقت شمس يوم جديد... يوم راح يشهد على بداية قصة جديدة... من مفروض يكون يوم يجمع بينو وبين الي حبها قلبو... اما المكتوب فرض كلمتو وخلى القدر يجمع بينو وبين طفلة اخرى من عايلة مايعرفهاش من قبل... عايلة قبلت انها تمد بنتها ليه من غير ماتحسسو بضعفو ولا بقلة حظو في دنيا لسبب كان هو ضحيتو...
قاهد على طاولة يترشف من قهوتو... يحس في راسو راح يتكسر...قاعدة مقابلاتو في يديها ورقة وقلم تكتب في حوايج الي ناقصة... وهو يثبت معاها ومع حركاتها... حط فنجان القهوة وحط مرفقو على طاولة مكالي وجهو بيديه يحكي...
أيمن: حليمة ماكرهتيش وانت من لبارح مارقدتي وماشفتي نوم غير تخطط... هي عشية وراح تفوت عادي...
حليمة: تبانلك قالك عرس ليلة تدبريرتو عام... وانا عندي فرد عوينة نحب نفرح بيها كما يقول الواجب...
ايمن: ماتعبيش روحك يما والله تفوت وماتحسيش خلاص...
حليمة: إن شاءالله وليدي... قولي؟
هز فنجانو يشرب منو ويستنى فيها تحكي: إممم وش نقلك...
حليمة: ياك فكرتي عمك بوجمعة وعمك يوسف يجو معاك...
تبسم على جنب: قلت يما قلت.. عمي عمر كا حبش يجي ياك ولا عمتي زينة حتى هي مش راح تجي ما فهمتش علاه يكرهوني لدرجة هذي...
حليمة: خليك منهم وانت علاه تكسر في راسك بيهم...
أيمن: عندك الحق يما... شوفي عمي بوجمعة وحمزة ومعتز وسفيان ومرتو وعمي يوسف ثاني جاي... وانت لشكون قلتي بخلاف هدو...
حليمة: غير قلت لخالتك زهرةمسكينة بعيدة ووقت قلتلها فرحت وقالت غير نجي ... وسعيدة ام سوفي... وو..
ايمن: وشكون؟
حليمة: وردة وبنتها حشمت مانعرضهمش...
أيمن: علاه يما ربي يهديك كفاه تجي هذي... راهي تبخر بريحتي سبحان الله وطفلة مسكينة كفاه تقوليلها ارواحي... والله لا ربي يهديك... كفاه تجي لخطبتي وهي تتكبر عليا فهميهالي هذي...
حليمة: ياولدي انا عملت بلاصول كفاه باب للباب. ما نكبرش بيهم... وزيد حمزة صاحبك وش يقول علاه ماعرضوش يما وعرضو لعباد لخرين
أيمن: انا نايض اعملي الي تحبي عليه...
حليمة: هااا وين رايح...
ايمن: رايح نحفف ونطراسي لحية ولا تحبيني نروح كما هك...
حليمة: لا روح وليدي اما قبل اشرب شوي من ماءهذاك المرقي نفس حق...
أيمن: علاه انا الاول ولا لاخر الي راح نزوج ولا...
حليمة: اشرب ما تقلقنيش على صباح ربي... وهاك ورقة هذي اقضيلي وش ناقص... عود ما جات خالتك نفيسة طيبلي لعشاء هي وبنتها باه ما نتعطلش...
ايمن: دوك نبعتلك معتز يقضيلك انا ياربي نحصل في روحي... وماتنسيش عروسة سفيان اي شويا وتجي تعاونك... كشما تحتاجي تقوملك هيا بيه...
حليمة: ربي يعطيها ما تتمنى... ويعمرلها حزامها انشاء الله... حتى وردة قاتلي جاية تعاوني هي وزهرة يعني ماتخممش بربي نقدرولها... وفوتو سهرية جامي صرات...
ايمن: اخلاص حليمة نشوف فيك وليتي عجوزة... مهم كما عدتي مدبرة راسك انا سيبني يهديك ربي... خلي انا ثاني ندبر راسي في راسي....
حليمة: ههههه... روح برك ربي يسهل وماتنساش تبعتلي معتز...
ايمن حط كاس تاع الماء بعدما شرب منو: اوكي مريڨلة...
ايمن يحكي...
خرجت صباح بعد صراع كبير... خرجت معتز يقضي لحلومة... نعرفها ماتصبرش... وانا طلعت عند صبري لحفاف... فرح بيا الحق وكل مرة يتشايخو على راسي ... ولاد الحومة الي نفوت عليه يبارك... سفيان وحمزة ماطلقونيش كل دقيقة واحد يسقسي... فرزو كل شيء من غير حتى ما نطلب منهم كل واحد والقضية الي تجي في راسو لازم تتفرز... ما حسيتش انو ماعنديش خاوة بلعكس... روحت لدار انا دخلت وزغاريت قامت من كل جيهة... ما توقعتش نهار فرحي كاين ناس راح تفىحلي لدرجة هذي... حليمة قرأن الكل قراتو حصنتني بيه... طلعت عملت دوش محترم... ولبست قش نتع دار خفيف طلعتلي غدايا تغديت وحطيتو ... هزيت تلفون فكرت سفيان في بوكي نتع الورد ولا طارت لا ينساهم... ظهر فرزهم وجابهم لدار وكل شيء... عجبتني انا نعرس وماس تتهرس... حطيت يدي على عيني قلت نغفل شوي مابين ماوصل الوقت... اما صوت نساء وهما يحكو ويضحكو ماخلانيش نرقد...
