🥀 المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 192:
قاعدة فوق فوتاي تمسح تحت كرشها... تجبد في نفس بسيف... مرة على مرة توقف تمشي شوي وتعاود ترجع تقعد... من قطعت مع ياسمين وهي تعيطلو ومايرفدش...مسحت جبينها من قطرات عرق الي هبطت من كثر لوجيعة... سطر قاعد ويزيد وهو لدرك لا عاودلها... وقفت لبيتها بدلت قشها بسيف واقفة... هزت المفتاح وتلفون... حلت درج نتع طابل دونوي... هزت منو دراهم وقفت ترد في نفس... لبست في رجليها هي حلت الباب وتلفون صونا في يدها... من غير ماتستنا هزت...
جوجيتا: سفياااان
سفيان: روح وشبيك وشبيه صوتك...
جوجيتا: ازرب روحك ارواح اديني لسبيطار...
سفيان: علاه وشبيك راح تولدي...
جوجيتا: سفياااااان مش وقت تمهبيلك ازرب سطر قتلني...
سفيان: خلاص هاني جاي اصبري شوي برك...
سفيان يحكي...
من وقت ماحكيت معاها صوتها الي يرجف خوفني... نعرفها قوية وحاجة ماتأثر فيها غير شديد القوي... قفلت ڨراج وقلعت عندها طاير اصلا دار قريبة... طلعت نجري في دروج... درجة بثلاثة درجات... حليت الباب لقيتخا بحداه وجها كامل عرق حاطة يديها تحت كرشها... قربتلها حكمت وجها بين يديا...
سفيان: روح سطر كبير تحبي نهزك...
حركتلي راسها عاضة على شفتها مغمضة عبنيها ترص عليهم : لا ازرب خليني نروح قبل لا يصرا حاجة لولادنا...
سفيان: هيا خليني نعاونك...
هبطنا طلعتها في طموبيل مسايسها... طلعت بحداها... ركبتلها سبتة وقلعت لسبيطار... حاكمة في يديترص هليها من يقوالها سطر ترص اكثر... انا وصلت هبطت نجري... حليتلها الباب هبطها... حبيت نجيبلها كرسي متحرك اما مارضاتش... طلعنا لقينا جارتنا ياسمين تستنى فيها اول ماشافتنا جات تجري...
ياسمين: جوجو حبيبتي لباس؟
جوجيتا: ولادي ياسمين حاستهم راح تصرالهم حاجة...
ياسمين: يالا احكمي فيا راني حكيت مع صونيا وراهي قاعدة تستنى فينا...
سفيان: اختي اعملي الي تقدري عليه مهم جمانة تمنع...
جوجيتا: حتى ولادي نحبهم يعيشو اوعديني...
ياسمين: يابنتي يهذيك ربي خلي ندخلو صح من بعد يرحم ربي...
تمشاو لزوج جمانة حاكمة في ياسمين حلت الباب وفاتت...
ياسمين: صوني حبيبتي سطر عامل فيها...
صونيا: من غير ماتخاف نطلعوها فوق طابلة هذيك...باه نقدر نشوفها...
طلعت بجهد وين قاتلها... قعدت صونيا مقابلتها بعدما لبست الڨون و ياسمين واقفة عند راسها... بدات تشوفلها في الايكو... كل مرة تدي جهاز لجيهة...
جوجيتا: قوليلي ولادي لباس...
شافت معاها ياسمين وغمزت صوني بعينيها نتع وش كاين... حطت جهاز بجنب... ووقفت قدامها لازم نعاينك انا بيدي... مدة من زمان وهي كل مرة وين تشوف فيها... عدلت وقفتها متبسمة...
صونيا: كل شيء مليح... سطر طبيعي جاها زايد لانو زوج... راح نكتبلها على اباري نتع زيت progestiron مع utrogeston 200 و gest + راح يعونها فترة هذي.. اكيد مع راحة بزاااف تحاول ماتعملش مجهود كبير... وان شاء الله مايكون غير الخير...
جوجيتا: يعني كل شيء عادي وقادر تتكرر حالة هذي اكثر من مرة... ياك قلبهم مزال يضرب...
صونيا: هههه مزال يضرب انت تولهي بماكلتك وراحتك وكل شيء يكون مليح...
ياسمين: يعيشك صوني... وش قولك نضربلها وحدة بروجسترون درك ممكن ينقص عليها سطر...
صونيا: ايه درك بعد نعمللها وحدة وبشفاء ان شاء الله...
جوجيتا: الله يشافيك...
استناتها حتى وجدتلها لابرة وضربتهالها... كتباتلها l' ordonnance... وخرجت بعدما نقصلها شوي سطر اما مزال...
اول ماتحل الباب تنطر واقف بحداها...
سفيان: روح وش حوالك...
جوجيتا: احشم مانيش وحدي ...
سفيان: علاه راني نسرق ولا... قوليلي راكي مليحة لولاد لباس؟...
ياسمين: لباس الحمد ماتخافش حاجة عادية... وهذا دواء جيبهولها لازم تشربو في اسرع وقت...
حكم عليها الوصفة: يعيشك اختي نقدر نروح بيها
ياسمين: تقدر وي... اما لازمها راحة وتاكل مليح... على الاقل فترة الاولى
سفيان: نحطها في عينيا مش غير... سامحينا اختي عطلناك...
ياسمين: نن مكان حتى مشكل جوجبتا راهي محسوب اختي...
جوجيتا: يعيشك حبيبتي إن شاءلله في فرحك نوقف مع اختي...
ياسمين: إن شاءلله هيا ماتوقفيش بزااف... من بعد نعديلك اوكيى...
جوجيتا: اوكي إن شاءلله...
