💎🥀 المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 186:
طاح الليل ... ريح مطر عامل حالة ... رجل خفت في الحومة... قليل وين يفوت واحد... الاولاد ملمومين في القهوة... حاكمين طابلة وحدهم تايات سخونين... سفيان مهبط شيشة ملمومين قهوة فارغة غير هما ولا زوج أخرين يتفرجو في ماتش قديم يعاودو فيه... حكياتهم ماتخلاصش عندهم على لمة...
ايمن: والله غير برد يكسر فكرني في لعسكر ...
حمزة: يرحم والديك ماتفكرنيش في هذاك العام...
سفيان: ههههه غير انا دبرتها مافوتوش...
ايمن: والله تمرميدة كلبة هههه...
حمزة: مهم فوتناه هك مايسالنا حتى واحد...
سفيان: ها لعريس وش حوالك مع لمرأة...
أيمن: مع شكون تحكي ماتقولش عليا...
حمزة: هههههه لا عليا ياخي لوحة ياخي...
ايمن: لوحة ### ا### وينا عريس اولدي... غير لبارح وين قريت فاتحة برك... وش تحبوني ندير...
سفيان: ماتقوليش لدرك ماحكيتش معاها برك...
ايمن: وكي نحكي معاها نجي نحكيلكم ولا كيفاه...
حمزة: ايمن يقصف ولا يبالي... فكنا منو كتلة جليد زح...
عدل سفيان قعدتو: لولاد راح نقلكم حاجة ماقدرتش نخبيها...
ايمن: ربي يستر اكيد عملة جديدة...
سفيان: ماو تسمع وش راح نقول ###
ايمن: هات اسيدي...
سفيان: راح يجوني زوج ولاد...
حمزة: ابرونتي ولا كونترا...
ضربو بشيشا: ### او بيبيات ### تقول سطك في مخاخكم...
ايمن: احلف ا###
سفيان: والله غير كما قتلكم اليوم علمنا... راح نرجع أب هههه
حمزة: هيا بلبراكة صحيبي... إن شاءالله يتربى في عزكم إن شاءلله...
ايمن: والله رجلة يعطيك صحة زوج مرة وحدة...
سفيان: في عينيك تصرا حاجة لولادي نعميك...
ايمن: محسوب غير انت راح تجيب توامة...
سفيان: نشوفوك ابابا تجيبهم ولا تحوس وماتلقاهمش...
ايمن: #مكتوب هذاك...
فوتو سهرية شايخين عليه... كل واحد يقولو انا نسميه... واحد يقلو ندي واحد نربيه نقص عليك تعب... فكروه في سهريات نتع الليل كوش والحليب ماخلاوش فيه... حتى قص عليهم تلفون ايمن وقت شاف رقمها ناض مبعد عليهم... قص عليها وعاودلها
ايمن: اهلا زينة...
جميلة: وبيك اهلا... لباس؟
ايمن: لباس الحمدلله وانت؟
جميلة: الحمدلله لباس إن شاءلله مانكونش قلقتك...
ايمن: لا غير كنت مع لولاد ساهرين...
جميلة: ااا سمحلي ماعلباليش... نحكو مرة خلاف...
ايمن: مكان حتى مشكل... اصلا كنت مروح دقيقة نبقيهم ونطلع لدار...
جميلة: اوكي كما توصل عاودلي...
ايمن: ابقاي معايا نتوانس بيك...
جميلة: هههه اوكي...
شاورلهم انو طالع مروح... خلاهم يضحكو عليه... وكمل يحكي معاها طالع لدار...
ايمن: وش راك تعملي...
جميلة: ههه والو غير حاكمة بىاصتي البردبزااف اليوم...
ايمن: ايه المطر عاملة حالة والريح وجهي نحس فيه راح يتقسم...
جميلة: ياك لابس مليح تعود تمرض...
تبسم وردلها: عادي كما موالف...
جميلة: بصح هك تمرض...
ايمن: هيا سيدي نعود نكثر من وجاي...
حشمت منو حست روحها زادت فيها: لا راحت غير قتلك برك...
ايمن: زينة اني وصلتندخل نبدل ونحكم بلاصتي ونعاودلك...
جميلة: اوكي نستناك...
قطع عليها ودخل لدار لقى حليمة مكانش تكون راقدة... تاكد من غاز مقفول غسل روحو وطلع لبيتو بدل حكم بلاصتو... شاف مع تلفون مدة بعدها عيطلها هز عليه طول...
ايمن: هههه اكيد كنت تكونكتي هزيتي طول...
جميلة: ههه وي كما تعرف...
ايمن: ايه عاد وش تعملي فيه...
جميلة: طالعة هابطة وخلاص... وصراحة كنت في بروفيلك درك هههه نستكشف...
ايمن: هههه وش تحبي تعرفي سقسيني ههه...
جميلة: غير كنت نشوف في صور تاعك. وستاتيات...
ايمن: هيا مليح قوليلي صورتي في فاتحة؟
جميلة: هههه اكيد علاه؟
ايمن: ابعتيلي نشوف كفاه جيتي... هذيك مرة ماشفتكش مليح...
جميلة: نبعتلك درك؟
ايمن: ايه وش يعطل...
جميلة: عند سهى كما تفتح غدوة نقلها تبعتلي ونبعتلك...
ايمن: هيا مريقلة ماتنسنيش...
جميلة: إن شاءلله... ايمن عيد ميلادك نهار ثلاثاء...
ايمن: ههه تامني والله نسيتو خلاص...
جميلة: ايه شفتو درك من فيس تاعك... حبيت نتلقاك اذا ممكن...
ايمن: والله تعرفي لخدمة مانقدرش...
غاضتها روحها: معليه مش كاتبة مرة خلاف...
ايمن: إن شاءلله زينة انا نخليك غدوة خدام...
جميلة: ايمن علاه تعيطلي زينة لا تكون الي كنت تحبها اسمها زينة...
ايمن: هههههههههه عجبتني هاذي... بالنتي راني نتربج عليك دوك نحيها مابقيتش نقلك زينة...
جميلة: هههههه لا عادي راحتك... ساعات نتمهبل ههههه
ايمن: ههههه عادي غدوة نتفاهمو عليها هاذي... تصبحي بخير
جميلة: وانت من اهل الخير...
قفلت حاطة تلفون على قلبها... حاشمة من عملتها وفي نفس الوقت فرحانة... عيات تعرف تتصرف دايما تتخلط في لهدرة... تحس في قلبها راح يخرج... اول مرة تحكي مع راجل في تلفون ولا مش اي راجل راجلها حلالها... اما حكاية صعيبة ولازمها تعرف تتصرف...
