ذئاب بشرية(منقولة_ليبية)

حلقة 2

رواية بعنوان  ..
#ذئاب_بشرية    ..

{ الحلقة 2 }
.
ميساء جت بدق الباب ..وعيونها تفتحو ع وسعهم .. من المنظر لي شافته قدامها ..
.
نيروز طالعة من الغرفة... لابسة روب..قصير عالاخير..... واقفة مقابلتها...
ميساء تتكلم في قلبها. خيرها طالعة هكي.... تحشمش هادي... اكيد عمرك شفتي ** تتحشم!!....
.
صدمتها زادت لما شافت ليث جا.. وقف وراها.... شدها من حزامها وجبدها ليه..... ضغط عليها لين وجعها.... قرب وجهه لرقبتها وباسها.....
ليث - خيرك شن تبي جايتني في هليل.... شن تبي مني !!... مش قتلك معاش نبي نشوف وجهك.... يتكلم ومدخل وجهه في رقبت نيروز....
.
ميساء قلبها زاد وجعها.. جت بترجعه ليها... عطاهالها لا تقرا لا تكتب.... زاد عدابها.... ويحضن فيها قدامها... ولا هامه فيها شن تحس....
ميساء دارت ورجعت لي غرفتها .... سكرت الباب وتكت عليه... ترد فالنفس.... تحاول تتمالك روحها ومتبكيش... لكن .... دموعها نزلو بدون سابق انذار... والبكية ولت بالشهقة...... 💔
ليث مزال بنفس الوضعية... مقرب عليها هلبا.... يتكلم ونفسه في رقبتها..... يتكلم بشوية....
.
ليث - مش قلت لي *** خطوة برا الدار لا.... مش قتلك ارقدي!!... قولي شن تبي اه.... تبي نفذ لي قلت عليه!!.. تبي ندير فيك الي شريتك على خاطر اه..... انتم متجوش بلكلام.....
.
ليث ضاغط عليها....نيروز مش قادرة ترد... حركتها تشلت.... ترعش كلها.... من لخوف... و من قربه ليها....
.
ليث دورها ليه... رفعها... دورلها رجليها... شدت فيه .بسرعة رخفها قريب بطيح... لفت يديها على رقبته وكبشت فيه.... دخلها للغرفة... حطها علسرير ا.... وجهه في وجها.... قرب راسه ليها وهي غمضت عيونها.. تبسم بخبث..... وتكلم
.
ليث - كان ترجعي تعاوديها... ماتلومي غير روحك.....
.
ليث ناض من فوقها ...دخل للسرير بحداها.... جبدها ليه اكتر وضغط عليها بيديه.... غطاها وقعد يشوفلها
.
نيروز قعدت متجمده في مكانها تقاوم في النوم.... لكن نعست ورقدت.... وهو قاعد يتأمل فيها وفي ملامحها.....لين رقد...
.نيروز فيقها الضي ضارب في وجها.... تفتحت في عيونها بشوية.... جت بتتحرك... تحس في ايدين محاوطينها وكابسين عليها..... دارت بشويه... تلقاه راقد وحضنها.... قعدت تشوف في وجهه.....
صدره .... عضلاته.. يديه الي مدورهم عليها....كانه خايف  لا ترجع تطلع.... حست بي شي غريب... شي حتى مع رواد محساتاش.... رجعت تشوف في وجهه... حواجبه مڨرونين ...رموشه طوال...خشمه المرسوم رسمان..شفايفه متوسطين و لونهم بودري فاتح...لحيته الكحلة راسمها زايدته زين على زين... قعدت سارحة في زينه وهو راقد ...حطت يدها بالشويه تتلمس في لحيته
..حركة لا ارادية درتها🙊
...ليث فتح عيونه...يشوف فيها .. نيروز طول نحت يدها بسرعة وبعدت عليه .. وتهرب في عيونها منه ..
... ليث زاد قربها ليه اكثر يحكي بصوت مبحوح بالنوم..

ليث-شن كنتي ديري. توا ...
.
نيروز جاوبته بي صوت متقطع .
- ولا شي .. ماكنت دير في شي ...تسمحلي نمشي للحمام ..
ليث رخف يديه من عليها جبد روحه منها شويه وتكلم
.
ليث ... -بري و ماتعطليش باش ننزلو نفطرو ...
.
نيروز هزتله براسه بمعنى باهي.... وناضت تجري...وهو يتيع فيها بعيونه... نيروز. دخلت وصكرت الباب وراها.... ترعش وحاطة ايدها على قلبها.... .....هدت شوية... نفخت على قصتها...
حركة ديرها لما تضايق ولا تتوتر.... فتحت دوش.... دوشت وجت بتشوف كاب تلبسه... مالقت غير منشفة.... قعدت دور ملقت شي... حتى روب تبل.... سلمت امرها ولفت المشفة على روحها.... .... فتحت الباب وطلعت راسها بشوية....
.
ليث -تبي حاجة !! ....
تكلم خلعها.... من لخلعة رجعت راسها ضرب فلباب ههه..... 😂 شدت راسها .
وليث قعد سارح فيها شوية ... كان بيشوف راسها لكن رجع دور راسه وبعد نظره عليها....
ليث -اهوني توته فوق الفرش البسيها فيسع باش ننزلو
.
نيروز شافت فوق الفرش توته لونها سماوي.. مشت رفعتها تلقى تحتها ملابس داخلية...😬
نيروز - نبدل وانت هني ..!!
ليث -عندك مانع !!
نيروز -اي .. يعني... انا... 😣
ليث -اني مش طالع ..غيري وهيا.... 😒
.
نيروز قعدت واقفه وتشوفله ... ليث نفخ ..
وعطاها بظهره.....
ليث -اهو درت ومش حنشوفك... هيا متعصبنيش خليني رايق....
ليث يتكلم ويرص على سنونه.... نيروز عطاته بظهرها..و. لبست بسرعة..ليث..تلفتلهاا... يشوف فيها ...يدور في عيونه عليها .. توته طلعت عليها علأخير ...كأنها مخيطة ليها ... ..شافت شبشب اسود لبسته ..
ليث .يبلع في ريقه بالسيف ...😂. فوت يده على وجه... عطاها بظهره ..رفع تلفون متاعه ...وتكلم
.
ليث -هيا امشي قدامي و كلمة لا ..لوطة فمهتي...
.نيروز مجاوبنش سبقته بخطوة و طلعو من الغرفة
.
نيروز سبقاته تمشي وهو وراها.... نازلين من الدروج.. ولما قربو يوصلو حط ايده على جنبها وجبدها ليه.... شدلها ايدها دارها ورا ظهره... بطريقة كأنه حاضنين بعض....
.
نيروز جت بتبعد ضغط عليها.... شافتله عطاها نظرا متاع اقعدي.....نيروز رخفت روحها وسيباته يمشيها زي مايبي..... وصلو عند الطاولة.....
.
ميساء كانت قاعدة وسارحة..... صورة لبارح مفارقتش عقلها..... سمعت حركة.... تلفتت تلقاهم واقفين وحاضنين بعض.... قاعدت تشوف فيهم...... كل يوم يجرحها اكتر....💔
...
ليث جبد كرسي وقعد..... نيروز جت بتقعد في لكرسي لي بحداه.... لكن ليث جبدها عنده..... جابها في حضنه... حوطها بيديه وتكلم في وذنها بشويه
.
ليث... - تتحركي تخلصيها غالية........
.
نيروز سلمت امرها ودورت ايدها عليه....
وميساء وين تلقيها بتموت.... مصدومه فيه..... صح جاب بنات.... لكن ليلة وتم. .....لكن هادي سابقة لعهدها....
ليث رفع طاسة عصير..يشرب فيها ونيروز تتبسم بالسيف خايفة منه...لكن مركزة مع ميساء ...مش فاهمة شن القصة بضبط..و علاش هي هني .. و علاش يتصرف هكي معاها ...
.
ميساء ضربت بيدها على طاولة و عيونها تعبو دموع... تحملت فوق طاقتهاا..💔
.
ميساء . - شن دير هدي هني ...يلا نوضي تحركي...
.
ميساء ..دارت بتشدها من شعرها ... نيروز خبت راسها في رقبته....ليث رفع يده شد يد ميساء و كبس عليها ... يرص على سنونه ويتكلم...
.
ليث -اخر مرة تتجرئي و ترفعي يدك على حبيبتي ... بتقعد هني و كان عجبك هدا حوشي و نجيب فيه الي نبيه و انتي مش من حقك تحاسبيني و من ليوم نيروز بتعيش معاي و كان نسمع بيك ضايقتيها ...تلومي روحك ...فهمتي .. !
.
ميساء قعدت تشوف فيه و تتوجع من مسكت يده ... بعدت ايدها... تحاول تستوعب.... لهالدرجة ناقم عليها.... لهالدرجة معاش يحبها .... توصل بيه يجيب عشيقته..... وتعيش معاهم..... يعني هو خلاص ضاع منها..... حب غيرها.... بيكون معاها وقريب منها كل يوم.... والامر ان الشي هادا رح يصير قدام عيونها..... وخرت خطوتين لتالي... مسحت دمعتها.... دارت ومشت من غير ولا كلمة.... 💔
.
نيروز قاعده مخبية راسها في رقبته.. كلمة وحدة تتعاود في ودنها.... حبيبتي.... .... اييييه حبيبته وليت.....
جبدت روحها وطلعت راسها تشوف فيه.... تحاول تفهم شي من ملامحه... لكن ملامحه باردة و ماتعبر على شي..... جت بتنوض رجعها...
.
ليث -الي سمعتيه هو لي بيصير.... ومن ليوم انتي حبيبتي... تصرفي على هاد الاساس
نيروز جت بتتكلم... حط ايده على فمها...
ليث -مانقبل ولا اعتراض.... اني شريتك وانتي تو متاعي.... والي نقوله بيتنفد......
.
. نيروز.. ناضت...
ليث -ارجعي للغرفة ومتتحركيش منها لين نجي.... وتتكلمي كلمة لسانك نقصهولك......
.
ليث مشا وخلاهة.... فمها مفتوح.... مش فاهمة شي.....
تتكلم... بينها وبين روحها....... لي وين بيوصل كان من اول يوم هكي..... وصل بيه سماها حبيبته... هههه شن مازل مخبيا الدنيا.... هربت باش تتجوز تلقى روحها حبيبة واحد تاني ....ومرته الي نار الغيرة تطلع من عيونها.... تحسها بتقتلها بنظرتها.....""كتابةأميرةالعباني""
. هيه فسط تتفكير وتقطع عليها الخدامة جت تلم في الطاولة.... كانت بتطلع للجنينة... لكن لما تفكرت كلامه خافت.... رجعت بدير كيف ماقال.... طلعت للغرفة وقعدت دور فيها.... ملقات مدير.... تسطحت عسرير ورقدت..... .
.
أما... ميساء ..دخلت لي غرفتها.... مش مصدقة الي سمعاته... ليث حبيبها... الي عمره ما حب غيرها... تو عنده عشيقة... وبتعيش معاهم فالحوش... بتشوف المنظر هدا كل يوم....
...
وبيقتلها بلعرق.... تي هو من اول يوم مقعدها في حجره... ويحضن فيها.. الحركات هادم ما كان يدير فيهم ألا معاها..... معاش قدرت تصبر... مسحت دموعها وطلعت دور عليها.....
..
وقفت عند باب الغرفة ... تحاول تسمع شي.... لكن مافي ولا صوت.... فتحت لباب بشوية... ودخلت راسها تشوف... شافتها راقدة علسرير....
.
ميساء دخلت بشوية.... تشوف فيها راقدة مرتاحة.... تقول عليها في حوشها..... قربت منها..... رفعت المخدة بين يديها وتقرب فيها من وجها بشوية...ميساء قربت كيف بتغمها بيها...
ماحست غير بيد شدتها ورجعتها لتالي بقوة....تلفتت ...
ليث يشوف فيهاا عيونه تطاير شر...ضغط على يدهاا اكثر ..
..
.طلعها لبرا و سكر البااب... لصقها للحطيت..حاوطهاا بيده...يحكي و يرص على سنونه..
.
ليث - شن ديري انتي ! والله يا ميساء تمسي شعرة منها ولا نلقه خبش صغير في جسمها ...تشوفي منى شي .. ماعمرك شفتيه .. سمعتي !!
.
ميساء قعدا تشوفله وعيونها تعبو دموع
ليث - قتلك سمعتي !
ميساء تخلعت من عياطه هزتله راسها بي معنى اي ..
ليث .جبد روحه شوي.. فوت يديه على شعره بعصبيه.. دخل للغرفة و سكر في وجها لباب...
.
ليث يشوف فيها راقدة زي الملايكة مش حاسة على شي... شعرها مفروش على وجها...قرب منها جا بيحط يده ع شعرها .. و هي فتحت عيونها... تركزت على يدها وقعمزت ....
نيروز - شن دير هني ..!!
.
ليث عطاها نظرت رعب و. قرب للزيانه وجبد لاب توب و تلفتلها يتكلم ....
ليث - انا بس لي نسأل .. والمرة جاية لما ترقدي سكري البااب بالمفتاح ....
جا بيطلع وقف جبد تليفون من جيب السروال متااعه .. رماه عالسرير ....
ليث - هذا تليفوني ..خليه عندك ليوم و اناا تو نكلمك عليه ..
طلع من غير مايستناها تجاوبه .. نيروز ناضت من سرير..قربت للمراية تشوف في روحها ...في يومين ذبلت وتحت عيونها ارهاق ...
...
تنهدت من قلبها و وتفكرت الي حبته و ودمرت روحها على خاطره .. طلع واطي .. ومش راجل ...نزلت دمعة تحرق على خدها.. مسحتها و دخلت ..تغسل في وجهاا تبي تنسى كل شي ..تبي تفقد ذاكرة تنسى حتى علاش هي هني اصلا متعرفش شني مصيرها..و شن حظها مخبيلها....
...
...ليث طلع من الفيلا ... ركب سيارة ومشي ...
..عقله معا نيروز....
...
. شن لبنت هادي... مفكرة ان الدنيا كلها صافية وقلبها ابيض كيفها.... مش عارفة ان الدنيا معبيا ذئاب ...
وولم توقع بين انيابهم...
مش حيرحموها....
وهو منى.. هو واحد من الذئاب. زعما يقدر يضرها !!...
اصلا هو علاش شراها... بش يقضي بيها مصلحته...
وبعدها يلوحها.... 😪
..
.
.
#يتابع🔇
#ميمي❤
.
رأيكم وتوقعاتكم 🚫
ماتنسوش ..  منشن لي اصدقاكم  😉
ومشاركة المنشور