ذئاب بشرية(منقولة_ليبية)

حلقة 33

رواية بعنوان ..
#ذئاب بشرية ...
..
كتابة #ميمي

حلقة ..{ 33 }
..
كتبتلكم  حلقة طوووويله 😍💋
..هدا ليش عطلت في تنزيل ..💁‍♀️
..
هيا استمتعو..يااحلي فانز ..😉
متابعة مشوقة ... 🔥😈

_____________________🚫✔
...
....
قيس - و اخيرا لقيتك يا حبي...
( نحى سبتت سرواله ...يلوي فيها على يده و يتكلم)
.....
.....
قيس - لابستيله روب زيادة اه ...اني تخونيني يا ***🔞...اني تهربي و تخليني مضحكه وسط اهلي...اني تلعبي بياا يا نيروز ماعاش ولا كان الي يلعب  ب قيس... 👿
...
(رفع ايديه و ضربني...طحت في الارض نبكي ونتكلم... )
نيروز -قيياستنى نفهمك راك فاهم غلط...قيس مستحيل نخونك اني...
( انزل عليا شدني من شعري...)
قيس - سكري ر** فمك كلمة لا مافيش ولا تبرير ولا سبب بيقنعني ... هربتي يا نيروز...امالا قتلي يومها شدك وجع و هو رفعك ههههههه اا **🔞** معاه مليح يا امسخه...
( ضربني زوز كفوف...رجع يضرب بالسبتة و اني نعيط و نبكي ماباش يسمعني هدا وحش مش قيس اللي حبيته ...)
نيروز -قيس خلاص بالله عليك راني حامل ... اسمعني وبعدين دير الي تبيه ..💔..
..
قاعد يضرب كانه ما يسمعش فيا حسيت بجنبي تخدر دم يجري تحتي... حطيت يدي على بطنى نطلع في الكلام بالسيف... وهو يضرب بكل قوته ...
..
نيروز - ولدي...قيس خلاص ولدي ... 💔
...
( ادم جي يدف في قيس وقف على ااضرب ودفه ع الحيط )...
قيس - هدا مايتسمى شي بتخلصو حق اللي درتوه غااالي...
(شافلي يتبسم... )
قيس - عدابك على يدي...و انسى نطلقك...حياتك نرجعهالك جحيم على خيانتك ليا...شن طامعين في فلوسي قلتي تلمي اللي موجود و تمشي لعشيقك وله
.....
ادم - مريض ...
( قيس شافله من فوق لي لوطا .. )
قيس- بنمرضكم معايا و ندخلكم للجحيم متااعي .. اسعف . ال*** متاعك... 😏
....
(كل كلمة قالها تخش زي السكينة في قلبي.💔..طلع وخلاني ملوحه قرب ادم لعندي رفعني... )
نيروز - ولدي يا ادم ...ارفعني للمصحة بسرعة مانبيش نخسر ولدي... 💔
ادم - ماتخاافيش..والله لما انقصله يده اللي مدها عليك بعيد السو عليك يا روحي...
.....
غمضت عيوني و فقدت الوعي...معاش حاسة على شي...💔
.....
___________________________✔
...
عند قيس ...
نزلت للسيارة يدي ترعش...جسمي كله يرعش معاش متحمل روحي ...فتحت الباب طلعت مانعرفش كيف قدرت نسوق ...
درست على جنب...ناخد في نفس...فتحت بطم السورية ...
.. ..
كيف قدرت اندير فيها هكي ....اني مش في وعي ... خديت مخدرات و تعميت و هبلت لما شفتهاا لابسة قفطان قصير هكي ..و اخده راحتها...وهداكا الواطي زاد عصبني علاخير غمضت عيوني نتفكر في كلامه واني نضرب فيه ...
...
أدم - بنقوللها كل شي بنخليها تعرف حقيقتك البشعة انت خسرت نيروز يا قيس اني بنخليها تعرف كل شي عليك و على العيلة كلها ...انت ما تستاهلش ورده زيها انت شيطان ذيب انت ذيب يا قيس ..
...
فتحت عيوني ضغطت على الدومان بيدي..عيطت بصوت عااالي قلبي لين حسيت عرق بينقطعلي...فوتت يدي على وجهي بعصبيه ...
تو استوعبت اني شن درت فيها... لكن معاش تهمنى كرهتها على قد ماحبيتها...اللي خاني معاش عنده مكان عندي .. و اكيد بيكون ماعندهاش مكان في الدنيا...🚫
...
لكن ولدي...اكيد ولدي صارتله حاجة نسيت بكل ان هيا حامل 💔...لكن مهما يكون تستااهل هيا وصلت روحها لهني ...هيا خاينة و واطيه...الا ماندير من عدابها عاده ...هيا وهداكا الواطي الكلب...التلفون يرن .. فتحت الخط ...
....
قيس - البضاعة جاهرة...!!
هو - سيد قيس كل شي تمام لكن متأكد.. ؟
قيس - متأكد اطمن مانطيحوش و جهزلي السلاح اهو جاي..
..
صكرت الخط ...بنرجع لخدمتي بنرجع قيس القديم و نوريها وجهي الحقااني☠...
اني حبيتهاا عشقتهااا نتنفسهاا هي روحي و دنيتي...علاش نيروز درتي فيا هكي علاش 💔...شديت راسي بيدي...نحس في روحي مازال تحت تأثير المخدر ...مانعرفش اللي درته صح والا لا شعوري متنااقض تو...
قويت في السرعة اكثر...وصلت للمخزن...نلقاا البضاعة تحطت في الشاحنات ...مدلي السلاح في يدي...حطيته ورا ظهري.....
...
قيس - كلمته .....
هو - اي ربع ساعة ويكون في الغاابة في***
قيس- تمام هيا نمشو و وقوللهم ماايسلموش البضاعة الا ماايستلمو زوز مليون و يحسبوهم بالمليم... اني بنقعد في وسط السيارة كان حاولو يتلاعبو تو ننزل...
هزلي براسه افتحلي الباب من تالي ركبت السيارة كلها كحلة... طول الطريق...نتفرج في صورها في التلفون ..عيوني دمعو و اني نتفكر في اياماتي معاها... 💔...
تلفون رن في يدي تبسمت على جنب وفتحت الخط
قيس- اهلا دكتور...
هو - مسيو قيس ماقتليش شن تبي بالضبط...كلاوي والا الكبد ..🔪. !!
قيس - الزوز لازم نبعثهم غدوا و الحساب زي ماتفاهمنا...لكن ما قتليش منى الضحيه المرة هادي... ؟
..
هو - بنت جت بدير اجهاض ...بالدرقة على اهلها توفت تحت تأثير البنج ...و هادي فرصة مليحه مانقدروش نضيعوها ...
قيس- الله يرحمها كانت بنت طيبة شن غصبها😏 ههههه هيا اخدم خدمتك غدوا نجيك .....
...
صكرت الخط ...تكيت راسي لتالي...هدا عالمي ...اني هكي ...هي السبب في رجوعي...و خلتني نرجع اقوى من قبل و نحرق الاخضر و اليابس... نيروز نعشقك صح لكن اللي يخون قيس مصيره الموت.... 😈🔥
...
...
________________________✔
....
عند آدم
تو قريب اسبوع و هي على نفس الحالة لا تاكل لا تشرب ...ماعرفتش شن ندير معاها...تعبتني و وجعتلي قلبي على حالتها....💔
( جبدت التلفون من جيبي اتصلت بي ... )
ادم - كيف صار هكي علاش مامنعتاش يومها ....؟
هو - سيد ادم صدقني ماقدرتش نمنعه كيف بنجبد عليه السلاح و ناس و صغاار قدام البناية...
ادم - كيف عرف المكان اه كيف .اكيد في وسطنا واحد خاين اتصل بي الجنيرال الامريكي احكيله كل شي تو يعرف بطريقته اني تو لازم نرفع نيروز من هني...
هو - حاضر سيد ادم...
....
صكرت التلفون رميته على الطاولة...خشيت لغرفتها..نلقااها قاعدة مربعه رجليها و نضرتهاا ضايعة هايمه مش معايا بكل... وجهاا اصفر.....خديت نفس...قدمت للدولاب جبدت دبشها كله حطيته في شنطة....قربت لعندهاا حطيت يدي على شعرها ...
....
ادم - الليلة بنمشو مكان تاني نبعدو شويه من هني
...
(رفعت راسها تبسمت مش عارف كيف...تتكلم بصوت ضعيف...)
نيروز - مانبيش نهرب منه...نبي نواجه ..لكن معنديش القوة تو..اني مهزومة و ضهري تقسم....حتى امي سلمت فيا...غسان ماباش يرد عليا...كلهم سلمو فيا...صدقو اللي قاله هو...كلهم معاه...مابوش يسمعوني...مابوش يفهموني.. ..💔
......
ادم - نيروز مش ح نهربو لكن المكان هادا يفكرك بللي صارلك...خلينا نمشو ارتااحي شويه وبعدها اني معاك في اللي تقرريه ....
....
هزتلي براسها تبسمتلها ...و طلعت عبيت دبشي في شنطة...نسمع في التلفون يرن... مشيت للصالة فتحت الخط
( الحوار بالانجليزي)
آدم - سيدي...
الجنيرال -  العميل ادم...جي الوقت باش نقبضو على قيس متلبس..و نرتاحو من القضيه و تتسكر...و ترجع تشرفنا في امريكاا ..
ادم - سيدي...خليني ندرس تحركاته مليح و اني نعلمكم وتو اصلآ مرته معايا و حالتهاا تاعبة...هيا في خطر مرات يضرهاا...؟
الجنيرال - ماتخاافش اني نحميكم ...المهم في اقرب وقت نبي نسمع تم القبض عليه..هو وعيلته كلها..
ادم - تمام سيدي...
.....
(صكرت الخط ...تلفتت لقيتها واقفه ورايا...قربت لعندي شدتني من يدي ..)
نيروز - نبي نطلق تقدر تساعدني !
ادم - متأكدة
نيروز - اي متأكدة..
(جبدتها من يديها قعدتها علي الكنبه.. )
ادم - نتكلمو بصراحة ! و انتي تعرفني معاك شني ...ماعنديش في اللعب..
( هزتلي براسها...خديت نفس بديت .. )
ادم - بصراحة ردت فعله منطقيه لانه دخل عليك لابسة هكي ..وماشي في باله اني عشيقك.... وأي حد في مكانه كان تصرف هكي ... لكن الغلطة الوحيدة انه نسى انك حامل مافكرش في ولده ..كنتى تقدري تعدريه و تسامحيه لو ماماتش الجنين !! 💔
.....
نيروز - يمكن كنت نقدر نسامحه لكن هو قتله بيده و مارحمنيش و اني نترجى فيه و دمي سايل تحتي...كنت نقدر نرجعله و اللي يصير يصير...لكن فات الوقت...هو قتلني معااه...يومها باارسمي الشيطان قدامي ماكدبش لما قال على روحه شيطان... 💔
...
ادم - نيروز اني ماعمري كنت نبي نفرقك علىقيي...بالعكس اني نفرح لما نشوفك فرحانة لكن من لما خديتيه و انتي تعاني اي صح هو يحبك لكن الحب متااعه يضر اي بشر...علاش ماسألتيش روحك قيس علاش ماتجوزش و ماحبش قبلك..علاش قعد لين وصل عمره 40 سنة.. مسألتيش ! ولا مسألتيش روحك...
..
(هزتلي براسهاا لا...اصلا هي تطلع في كلام بالسيف... )
...
ادم - هيا نبيك ترتاحي ولما نشوفك رجعتي بخير...وقتها اني بنخليك تتفرجي في فيلم حلوو...
( عقدت حواجبها مستغربه...)
نيروز - ماتركزيش بطوبطة ارتاحي قبل هيا نوضي الشمس قريب اطيح...اكيد السيارة وصلت...
....
نيروز - باهي وين ماشين..!!
(جيت بنجاوبها...جتني رسالة من الجنيرال فتحت نقرا فيها...تبسمت تلفتت لعندها... )
ادم - ماشيين لي قلب البحر...
....
تبسمتلي...رفعت الشناطي و "جوني" يتبع فينا...فتحتله الباب من تالي ركب...طلعناا ...وصلنا للمينااء نلقى زوز رجال جنسية افريقيه... اخشان علأخير ...يفجعو ...
...
( اشرولي بيدهم باش نركبو في اليخت ركبتها و رجعت لعندهم )
ادم - كل شي مأمن...
هزولي بروسهم و رجعت مشيت...للقبطاان .. انطلق بيناا لي قلب البحر... القبطان صاحبي عميل جديد مش زيني... مازال جديد في الطريق هادي...✅
خليت نيروز ترتب في امورها... و مشيت بحداه ..
...
ادم - ...باهي الجو  اه..
اسكندر - احسن منك...محلاها القطوسه اللي معاك... 😉
( ضربته بونيه على كتفه ...)
ادم - البنت متجوزه راهو..اهو نبهت عليك ماتجيش جيهتها خليناا بالقدر.. 😒
اسكندر - باهي خيرك ولعت نبصر ...مانبصروش😉 .!!
ادم - لا مانبصروش بخصوص نيروز...ريح روحك ..🙄.
اسكندر - حقه شن درت تو في المافيا ...
( تبسمت على جنب..😏. )
ادم - ...العميل اللي قبلي قتلوه زبطوه طول حصل زي الضبع ... لكن اللعب مش معايا...تو تشوف الا مانشدهم متلبسين و نترقى ...و كان لزم نشد حتي مكان الجنيرال ههههه
..
اسكندر - هههه اي احلم صاحبي باهيلك...حياتك بتفوت هكي لا تحب لا تنحب لا تتجوز...
( تنهدت من قلبي... )
ادم - اللي نحبها مش من نصيبي و مانقدرش نغصبهاا بالسيف واصلآ في قلبها راجل تاني...و اني بعد المهمة هادي بنتكلم مع الجنيرال و نريح فترة طويييلة
اسكندر - ادم زعما مش ....
(تنطرت من مكاني.. )
ادم- كمل سوق لا تغرق بينا ...لا مش لا مشمااش استريح ماشي هيا... 😒
....
طلعت و خليته...خشيت للغرفة مالقيتهاش..ركبت فوق سطح اليخت ...نلقااها قاعدة مكمشة على روحها...صوت شهقتها واصل لي عندي 💔... نسمة البحر اطيرلهاا في شعرهاا...شعرها اللي نعشقه من وهي صغيرة ..💜
قربت لعندهاا قعدت جنبها...دورت يدي عليها جبدتها لعندي......
.....
ادم - معاش نبيك تبكي...كوني قوية نيروز...جبتك اهني باش تغيري جو و نفسيتك ترتاح...مش تبكي...
...
شفت لعيونها المدمعين...رموشها الطوال مبلولين خشمها احمر طمطومة شفاايفها جافين لكن لونهم قاعد طااغي ..قعدت مركز مع تفااصيل وجهاا...من غير مانشعر حطيت خشمي على خشمها...حسيت نفسهاا خش بعضه ♥️...غمضت عيوني ...ضغطت بيدي على ظهرهاا ننتكلم بصوت واطي ...
...
ادم - نيروز كان مازل تبكي نزعل منك باهي... منبيش نشوف دموعك يقهروني...💔
..
هزتلي براسهاا...رخفت يدي من عليهاا..جبدت روحي شويه ....
ادم - هيا نننزلو صقع عليك و ماكليتي شي هيا تو نطيب لبطوبطتي احلي مااكلة...
...
تبسمتلي يااا ويلي 🔥 منهااا ومن ضحكتها..
شديتها من ايديها و نزلنا...خشيت للكوجينه...لقيت البضاعة ..كلها موجودة بديت نطيب و هي تتفرج فيا حاطة ايديها على خدها... ♥️
كملت طيبت حطيت على الطاولة ...و ناديت لاسكندر يوقف و يجي ياكل معانا...
..
حسيتها اضايقت ..حطيت يدي على يدها وضغطت عليها...
ادم - ماتخافيش صاحبي شبوب عاقل ...
( هزتلي براسها...)
قرب لعندنا...كالعادة بدا يتكلم و ماسكتش بكل...
نيروز رفعت راسها تشوفله...فتحت فمهاا ...وقفت مقابلته ..
....
نيروز - حى محلى شعرك و لون عيونك .. لكن مافهمتش شن لونهم بالضبط.. 😍
اسكندر - ههه مانندريش كل مرة يتغيرو شن شفتيهم...حتي انتي لون عيونك محلاه و شعرك ...
ادم - احمممم 🙄
(تلفتولي الزوز...تبسمت بالسيف و في يدي السكينه صغيرة متاع الماكلة نضغط عليهاا ونهدد فيه... )
ادم - اقعد كول اسكندر اقعد  سلم بابا... 😒
..
قعدو عالطاولة ياكلو و اني متنرفز ...يعني قريب اسبوع نحاول نضحكها ماقدرتش...و هو بسرعة ماتبسمتله وتضحك ومدايره جو و هو  مش مقصر يهدرز وماسكتش ماخداش حتي نفس..🔥 وبعد شويه نطرت الصحن و ونضت..
...
ادم - هيا نوضي ارقدي ...😐
نيروز - خليني شويه محلي هدرزته 😍..
ادم - نيروز نوضي ارقدي... 😠
...
نفخت بعصبيه وناضت خشت للغرفة ... لحقت وراها...فتحت الباب...واقفه وعاطيتني بظهرها...قربت لعندها... همست في ودنها...
...
ادم - ترقدي ولا نجيبلك "جوني" يونسك ..😈
( تلفتتلي هزتلي براسها لا..)
نيروز - خليك بحداي لين يرفعني النوم...😢
ادم - اصلا كل ليلة معاك ... هيا تعالي ارقدي ...
..
جبدتها من يدها...رقدت ع سرير...تمديت جنبها رقدتها في حضني ...فرحان هلبا بوجودها معايا...و في نفس الوقت خايف من اللي جاي
....قيس مش ساهل...انسان مريض في القصص هادم يتحول وحش حيوان نااطق.🚫..نشوف فيها غاطسه في النوم بستها من جبينها...غمضت عيوني ..مانبيش اللحظة هادي تم 💔
...
________________________________✔
...
عند قيس ...
كملت الخدمة كلها...خشيت للفيلا مع الفجر نطايح...شربت هلبا مع صحاابي.....نلقى ليث قاعد عالسرير...وجهه مايتفسرش...سكرت باب الغرفة و ترميت عالسرير على ظهري...حطيت يدي ورا راسي
.......
قيس - مخلي مرتك و جاي لغرفتي خير ..
..
رمى عليا باكوات الدواء💊...و ناض يتكلم ...بي كل عصبية الدنياا ...مايقدرش يعيط باش ما يسمعه حد...عروق رقبته بانو.......شدني من سوريتي...نوضني لصقني للحيط...
..........
ليث - اول مرة نمد يدي عليك يا قيس...انت جبرتني...فيق ...خيرك...علاش سيبت دواك اه...من وانت صغير بابا كان في جرتك...كبرت و صار الحادث...حالتك زادت ...و من انت صغير شرب ومخدرات ...شرب قلنا عادي ....شني اه شني...كملت خشيت في تجارة السلاح ...ماتت اختنا و زدت اكثر في الشر متاااعك و قلت عادي ...جت نيروز و قررت تتجوز فرحت قلت خوي ارتاح و بيبعد على الطريق ...واني خشيت معاك باش نحميك...كان هدا راهو في حالي ونخدم وفاتح شركات و قاعد...اني عندي مرتي حامل جايني عيل في الطريق...مانقدرش نقعد هكي ...فيق يا قيس ساد ..قلت نيروز خانتك و مشيت ضربتها درت اللي تبيه و جبرتنا ننسوها و معاش ندورو عليها سكتناا
.. على حالنا خوهاا قاعد في تركينة مريض...شفت غسان شفت حالته كيف بيموت على اخته...لا بوه لا امه يسألو عليه..
.شفت امهاا كيف حالتها...نعلمك ياا سيد قيس امها رجعت لي حوشها اليوم...تعرف حاجه يا قيي انت ماتستااهلش نيروز و اني متأكد انه هيا مظلومة ....لكن انت رجعت لعاادتك القديمة...ع ما اعتقد لما تاخد دواك يرجع عقلك في مكانه...والا تعرف كيف اني بنرفعك للمصحة بيدي...
...
((شدني من يدي باش يطلعني ...نطرتله يده ...ضربته بونية...شديته دفيته عالحيط لين ظهره وجعه...))
...
قيس - كملت كلامك اه...مادخلكش فيا *** اني حر...و اهو انبه عليك اسم نيروز معاش تجبده على فمك...مانسيتش انها كانت عايشة معاك و الله اعلم شن درتو ...احمد ربي ماقتلتكش..و شي تاني...مدام انت خايف على مرتك و ولدك تقدر تطلع من هني شوفلك فيلا تانيه عيش فيها...
...
ليث - تطرد فيا من رزق بوي والله ما تتحشم...و نيروز اشرف منك...تعرف شي...احسن مادارت لما بعدت عليك...اني لو بيدي نشجعها...
...
( شديته من رقبته...نضغط عليه... )
قيس - اسكت خير مانقتلك... 👿
(دفني بكل قوته وقعدنا نتضاربو ... )
ليث - بتاخد دواك يا قيس بتاخده ...
قيس - شن دخلك ف **🔞*...
...
مرة يضرب مره نضربه...لين فشلناا الزوز ترمينا عالارض...نلهتو .النفس طالع بالسيف خشومنا دم...شدتني هستيريا ضحك...نتكلم و نضحك نفس الوقت.. ..💔
.......
قيس - نعشقها.. نحبها و مش متحمل غيابهاا..هي خانتني...غدرتني...انت شفت لما حبيتهاا بديت قيس جديد...لكن رجعت لحالتي لما خلتني و باعتني...الخيانة مانساامحش عليها الخيانة لا.. نقتل عليهاا...... ولدي بناخده منها تو مانبيش نجي جيهتها لين تولد...خليها تولد و اني نوريك فيها...الا مانحطمهاا...مش قيس اللي تخونه و تلعب بيه...
....
ليث - جرب تجي جنبها تلقاني واقف في وجهك..والفيلا اهو طالع منها وبنرفع غسان وامي هدية و مرتي اقعد ارتع فيها بروحك...و انسى انه عندك خو...
(ناض بيطلع...وقفته شديته من رجليه...)
قيس - متأكد ... 💔
ليث - اي قيي خلاص...انت تخوف وليت... 🚫
..
طلع و طربق الباب...
تركزت بيدي عالحيط..وقفت خشيت للحمام....خشيت تحت الدوش بدبشي...ميه مصقعه نازله عليا...بلكي اطفيلي ناري🔥 شويه....غمضت عيوني نتفكر يومها اني وهيا في الدوش.. عشت احلى لحظات معاها ♥️..
استاحشت ريحتها و لمسة ايديااتها الصغيرونين..استاحشت بصارتها و ضحكتها...استاحشت مرتي 💔.
.نزلت دمعة تحرق على خدي...علاش مافي حد فاهمني وحاس بيا...هماا مايعرفو شي عليا...يعرفو انه اني مريض وشيطان بس ...ماسألوش عالاسباب...حتى خوي مايعرفش شن صار اني وقتهاا كنت صغير ..لكن نتدكر اللي صار كله قدام عيوني .....
.قيس الصغير مازال في داخلي موجوع...مازال يرعش و يبكي في الظلمة 💔....ااظلمة اللي ماطلعني منهااا حد لي توا....خديت نفس مسحت دموعي و نحيت دبشي وكملت دوش و طلعت تمديت عالسرير غفيت طول....
......
_______________________________✔
..
عند نيروز ...
فات اسبوع ومعاش عاود رجع قتل ولدي و مشى...انتقم بطريقته و برد ناره و لوحني...اني اللي ضحيت باش نمنعه من الحبس اني اللي قتلت نسرين على خاطره...انا اللي خشيت في الطريق هادي المهم هو مايخشش ثانيه للحبس..في الاخير كفااني هكي......دبحني...قتلني و حرقلي قلبي...ماعطانيش فرصة نفهمه..ماخلانيش نبررله...ماخلانيش نفرح بي ولي العهد اللي يتمني فيه ..لكن عهد متاع شني ! بيطلع مريض زي بوه ...
..امي وخوي رموني حتي هما و صدقوه ...بابا وصل لي حاجته ...الوحيد اللي قبل بياا و يعاني فيا صابر عليا...ادم اي ادم...زي ما لقيته و اني صغيرة ...لقيته توا في محنتي هادي...قداش اهتم بيا...تكلم معايا هلبا و حاول يبرر لي قيي...و حاول يبردلي وجعي لكن أني ماتقبلتش ولا شي ...تفكيري في كلام الدكتوره ...اللي قاعد يزن في ودني
..
{ مدام نيروز أنتي معاش تقدري تحملي مرة تانيه 💔}
..

بنعيش طول عمري بروحي...اني مانقدرش نطول اكثر عند ادم...لازم نطلق و نمشي بعيد على الناس...حتى ادم من حقه يعيش حياته و اني مانبيش نكون عالة عليه اكثر من هكي ....
لكن قبل مانمشي لازم نعرف ادم علاش يتكلم بالالغااز علاش يتصرف هكي ..شني الفيلم اللي يتكلم عليه...
تفكيري وقف ماعرفتش شن ندير وين نمشي اصلا...
..
فتحت عيوني ...نشوف فيه راقد بجنبي...تبسمت حطيت يدي على خده ...نزلت يدي ع صدره بعدت السورية شويه نشوف في الاثار..فوتت صوابعي عليه ...ادم بدا يتململ بينوض جبدت روحي شوي...
بنوض...و هو شدني رجعني ليه...وجهي مقاابل وجهه...انفااسنا تخلطت...دقات قلبي تسارعت...حسيته يشوفلي مش عارف كيف...باسني من خدي بوسة خفييفة.... تكلم بصوت مخلط بالنوم...
...
ادم - وين هاربة بطوبطة..
نيروز - ماعندي وين هاربة ...
(حط صوابعه على خدي.. )
ادم - شن كنتي اديري تو !
نيروز - شي ...
ادم - امممم شي صار..باهي وين بوسة الصبح...
..
نيروز - هههه مازل تتفكر زمان.. قبل مانمشي للمدرسة نخطم عليك نبوسك و انت راقد و نرفع فلوس من السروال و .....
..
( باسني بوسة تانيه من خدي  💋 لين وجعني ...)
ادم - اي نتفكر بطوبطي ...
(ضحكتله و بسته من خده...جبدت روحي بسرعة ونضت .. )
نيروز - لي امتي بنقعدو هني .. ؟
..
( تقعد شوي حط يده ورا راسه... )
ادم - شني بسرعة قلقتي ...
نيروز - لا لكن نبي نطلق في اسرع وقت...
ادم - تحسي في روحك تمام تو...
نيروز - امم الحمد الله...
ادم - امالا الليلة نحطلك الفيلم اللي قتلك عليه...
( عقدت حواجبي ...قربت لعنده قعدت جنبه )
نيروز - وريني توا معاش عندي صبر ...
ادم - توعديني تتحملي اللي بتشوفيه ... 💔
...
هزيتله براسي و قلبي يخض وسط صدري...تبسملي و ناض جاب .. الاب توب ..وطلع و رجع في يده فلاشة...حطهاا...و حط الاب توب على حجري...
نتفرج و دموعي نزلو مطر على خدي من غيير صوت..💔.
..
شديت الاب توب بيدي نرعش...رفعته ووقفت مابعدتش عيوني عليه بكل كملت تفرجت لين تم الفيلم زي ما قال هو..
..
(رفع الاب توب من عندي...جبدني عنده حضني ... )
ادم - اشششت علاش تبكي انتي تو هادي الحقيقة ...احمدي ربي انك معايا كان هدا راك ....
(حطيت يدي على فمه... )
نيروز - ماتقولهاش...لازم نرجعو لتونس توا...
ادم - شني .. !!
نيروز - لو سمحت ادم رجعني تو و في الطريق تو نكملو كلامنا...خليني تو بروحي ...
ادم - نيروز ل....
نيروز - ادم ... لو سمحت
..
هزلي براسه وطلع...وقفت قدام المراية...نشوف في روحي...مسحت دموعي....خديت نفس...
حان الوقت...كفانا سمااح و غفران و اعذار. 💔
..جي الوقت اللي كلهم بيخلصو حق اللي صارلي في حياتي... بابا اولهم ابراهيم بن**** اهو جايتك ...
..........
...
#يتابع💔
..
رايكم وتوقعاتكم ..نيروز شن شافت في الفيلم ..!!👿🔪