رواية بعنوان ..
#ذئاب_بشرية
..
كتابة #ميمي
....
الحلقة ..{34}
__________________________✔☠
..
عند نيروز ..
فاتو ساعات..وصلناا..مشيناا لي حوش تاني...حراسة متشددة ...حط الشناطي ..
..
ادم - على شنى ناوية نيروز ..
(خديت نفس ...نحيت الجاكيت متااعي رميتها على الطاولة .)..
..
نيروز - على لعبة الانتقام...معاش نبي نطلق...نبي ننتقم ...
..
( فوت يديه على وجهه...قرب لعندي...شدني من وجهي .... )
..
ادم - نيروز الطريق هادي مانبيكش تخشي فيها مش قدهم صدقيني.. خليني اني نخدم خدمتي...بنشدهم متلبسين...الجمعة الجايه في عملية تهريب سلاح عالحدود..وهو بيكون غادي...بعد مايخش للحبس تقدري تطلقي بكل سهولة...
..
( جبدت روحي منه نهزله براسي لا... )
..
نيروز - لا لا قيس مايخشش للحبس...ادم مانبيشي يخش للحبس...
ادم - نيروز الفيديو اللي تفرجتي فيه يستااهل الحبس والا لا..
..
( تبسمت على جنب ...وخرت لتالي قعدت عالكرسي... )
..
نيروز - يستااهل حاجة تانيه ... 😏
..
( عقد حواجبه مستغرب... )
نيروز - بنخش ندير دوش و نبيك ترفعني لي أحسن مركز تجميل هني...
..
ادم - ههههه علاش هكي محلاك ماتستحقيش تجميل...
نيروز - ادم !
ادم - نيروز شني اللي في راسك...وليت معاش نعرفك ...
نيروز - ارفعني وبعدها تو نحكيلك كل شي ..
..
ادم - باهي ....ياريتني ماوريتك الفيديو خوفتيني الصراحة...
...
رفعت الشنطة وخشيت للغرفة ... درت دوش...لبست سبور و رفعت في يدي شنطه فيها لبسة تانيه و طلعت نلقااه يستنى فيا... طلعت جنبه ...وصلني وين قتله.. وخش لي قهوه مقابله مركز التجميل ...
...
كملت...ووقفت قدام المراية...نشوف في روحي ماعرفتش روحي نيروز البريئة وين...البراءة مشت و دفنها قيس ... و شعري اللي كنت نحبه قصيته ...تنهدت من كل قلبي... نسمع في المزينه تتكلم ورايا...
....
هيا - الصراحة تهبلي صاروخ...و تغيرتي هلبا ...في الحالتين محلاك.. تلفتت لعندها...
نيروز - شكرآ ..
..
مشيت خلصت ورفعت شنتطي وطلعت...نشوف فيه .. واقف مقاابلني حول نظاراته يشوفلي من فوق لي لوطا ...شاورتله بيدي ...
..
نيروز - خيرك هيا نروحو...!!
(في لحظة تحول...)
ادم - هبلتي لابسة هكي انتي ... وين تحسابي روحك..تو تخشي تغيري وتمسحي هالهم من وجهك وقوللها ترجعلك شعرك...😠
..
( تبسمت قربت لعنده حطيت يدي على خده .. )
نيروز - ادم قتلك هيا...
..
جبدت روحي وركبت في السيارة ..قعد ياكل في روحه و ينقنق ويعارك طول الطريق مافهمتش علاش هدا كله....
بالعكس لابسة عادي علاخير ....نزلنا خشيت للحوش...وقف قدامي يشاور بصبعه ..
.....
ادم - تو تغيري اللي لابستيه تي انتي مش لابسة اصلا ... 😡
نيروز - ادم اقعد خلينا نتكلمو قبل..
....
( ..جبدته من ايديه قعدته جنبي و بديت نتكلم...
نشوف فيه حط ايديه على راسه كانه يبي يخشش الكلام ف راسه و يستوعب اللي قاعده نقوله فيه... )
...
ادم - نيروز تبصري ...اكيد تبصري وله...
( هزيتله براسي لا.. )
نيروز - نخليك تفكر الليلة و غدوا قولي موافق والا لا..
...
نضت خشيت للغرفة سكرت على روحي...دموعي نزلو في نفس الوقت...نشوف للمرايه...نمسح في المكياج...بعنف ... مانبيش نكون هكي مانبيش هما السبب هماا لما يخلصو ثاني و مثلث...👌
...
نضت الصبح... نفتح في عيوني بالسيف..فوتت ليلة كاملة نتفرج عالفيديو و الصور اللي في الفلاشة...درت نسخه عليهم... و كل مقطع منهم يخص شخص درتله نسخه في الفلاشةة و كتبت عليها اسمه..تبسمت بقهرة...اصلا معاش نقدر نبكي دموعي جفت وناري ولعت 🔥
...تململت شويه ونضت ..نلقى ادم يجهز في الفطور...قربت لعنده ..رفعت فنجان القهوة نشرب ونتكلم ..
....
....
نيروز - ادم شويه تاني بتوصلني...عرفتلي الاجتمااع امتي !!
ادم - غدوا لكن خيرك مستعجله ..!!
نيروز - لا بالعكس...ونبيك تأجل قصة تشدهم متلبسين...تصرف...
(لوح الصحن على الطاولة بعصبية .. )
ادم - لا عاد كترتيها راك..فاتو يومين صح قتلك باهي موافق لكن مش باش تخشي في خدمتي نيروز راهو الجنيرال مش بابا..افهمي انتربول هادي...
..
( رفعت طرف الكيك نااكل و نتكلم بكل برودة دم...)
.....
نيروز - اي صح الجنيرال مش بوك لكن لما نخش اني في لعبتكم كل شي يتغير وله .. !
( نفخ بعصبيه ...فوت ايديه على وجهه ..)
ادم - تبي تولي عميلة.. لا هبلتي انتي...
نيروز - لا مانوليش عميلة ...شوف من الأخير ارفعني تو غادي...و بعدين نبدو في اللي تفاهمنااا فيه...ساد يومين ضيعنااهم هكي...
ادم - باهي تو نرفعك لكن مش ح نخليك تقابليه بروحك...
( شفتله على جنب... )
نيروز - ادم شني تو...!!😒
ادم - باهي باهي هيا نوضي... 😡
...
هزيتله براسي...خشيت للغرفة ...فتحت الدولاب..جبدت قونه قصيرة...و سورية اسود في الاحمر...وكندره عالية حمره 👠 ...خليت شعري مطلوق اصلآ مش ضروري نلمه لان بدا قصير هلبا 💔 ...درت روج فااقع في شفاايفي...رفعت شنتطي و طلعت ...ادم عاطيني بضهره ..قربت حطيت يدي على كتفه...تلفتلي فتح عيونه على وسعهم...
...
ادم - نيروز شن تحسابي روحك ماشية لي سهره...بري غيري ...😡
( هزيتله براسي لا... )
نيروز - تكلمنا فيه الموضوع..تغيير هدا تابع شخصيتي الجديدة اللي بتقضي عليهم واحد واحد..😈
( بديت نعدله بصوابع يدي... )
نيروز - ابراهيم...قيس...و رواد ..
ادم - ليث ...
نيروز - لا رد بالك مرته حامل خليهم يفرحو شويه واصلآ ماضرنيش ...و اني بنطلعه منها زي الشعرة من العجين...مانبيشي ينضر....
...
ادم - نيروز ..صدقيني خايف عليك..💔
نيروز - مدامك معايا و مساندني ماعندك علاش تخاف..💙
....
.....
باسني من جبيني...شدني من يدي..و طلعنا..سرحت مع الطريق...كل شي اتقلب و تغير عمري ماتوقعت يصير معايا هكي ...ندادي تو يقرو يخدمو .. و اني هدا اللي صار فيا...لكن كله بثمنه كلهم بيخلصو ..نضت من سرحتي على صوت الفرينو..خديت نفس وفتحت الباب باش ننزل...
..
نيروز - ادم استناني هني
هزلي براسه...نزلت...ضغطت على شنتطي اكثر...كل خطوة نقربهاا قلبي يقوي دقاته...جيت بنخش وقفني واحد من رجاله...
..
نيروز - نزل يدك اني نيروز بن***
هو - سامحيني مدام نيروز ماعرفتكش...تفضلي..
...
عطيته نظرت موت..و خشيت قابلتني في الباب المدام نجوى...شافتلي من فوق لي لوطا...
نجوى - ل*🔞** شن اديري في حوشي..
(تبسمت على جنب.. )
نيروز - اخر وحده تتكلم عال🔞** هي انتي..نسيتي ولا ندكرك.. 😏
نجوى - ماتتحشميش تتكلمي معايا هكي...بري استري روحك شوفي حالتك ..تعرفي فرحت لما لوحك على طول يده حتى انتي تتلوحي بين الخوت و زياده هاربة مع خادم راجلك ..
..
(خديت نفس نهدي في روحي قربت لعندهاا اكثر لين معاش بيناتنا مسافة...همستلها في وذنها ... )
...
نيروز - الغرفة رقم 12 في فندق *** ماتدكرك بشي ... تعرفي محلاك في الصور...وبذات الابيض طالع عليك مالاخير .. 😉
...
(جبدت روحي شويه..نشوف فيها وجهااا احمر علي الاخر..
تبسمت على جنب... )
نيروز - انضن وصلتك رسالتي 😏..و تو نقولك باي طالعه لبابي .نعرف انه هو هني..
...
شفتلها من فوق لي لوطا وركبت من دروج ...مش عارفه اماهيا غرفته ...قعدت نفتح في كل غرفة لين وصلت لعند اخر غرفة اكيد هو هنيا دقيت الباب...سمعته قال ادخل.. خديت نفس وكبست روحي وخشيت...ناض من فوق السرير...يشوفلي ...تبسم مش عارف كيف...
.....
ابراهيم - عرفته بتضربك الحيوط و تجيني...لكن اهو تغيرتي...
نيروز - اي اهو جيتك يا بابا..و جبتلك معاي فيلم يهبل...قلت نتفرجو مع بعضناا..☺
..
دورت عيوني في الغرفه ..نلقى اللاب توب متاعه خديته و..قربت للسرير... و قعدت شاورتله بيدي باش يقعد جنبي...حطيت الفلاشة...و حطيتله اللاب توب مقاابله يتفرج و نضت اني ندور في الغرفه و نتكلم..
......
نيروز - ااه يا ابرهيم...اا سوري نقصد ااه ياا بابا...قداش الدنيا دوارة...تخيل اه تخيل معايا...بالخط العريض في الجرايد و التلفزيونات و الفيس بوك .العالم كله يعرفه عاد ...
..
{ فضيحة اكبر رجل اعمال في ليبيا اغتصاب فتاه قاصر و انجاب طفلة غير شرعية..وزوجته تشتغل راقصة و بائعة هوى و الخبر الاهم...قتل اخيه و ابنة اخيه..و هي تكون زوجة ابنه الوحيد.....} واو معقوله هكي بابا..اي امتي تعرفني على اختي عاد..اممم اسمها شهد وله ! عمرها 15 سنة... امها توفت و هي تولد ولا انت عندك يد ! ههه اكيد عندك يد في موتها... شني برهوم ماتقدرش تشد روحك ع الدم عاد..
......
( نشوف فيه يفتح في بطم السوريه متااعه..تخنق من اللي يشوف فيه.. )
نيروز - مصدوم انه اني عرفت ولا مصدوم ان مرتك طلعت **🔞** سوري مانقصدش هههه
...
( قربت لعنده طبست عليه...نشوفله عيوني في عيونه...دفني للتاالي وناض.. )
ابراهيم - عندك علم نقدر نقتلك تو وندفنك في مكانك..
( تبسمت على جنب...)
نيروز - اي عاادي اديرها...و نص ساعة تانيه وينزل الخبر... راهو اني بنتك اكيد بيكون عندي ذكاء زيك ...😏
ابراهيم - منين ليك هدا كله...
نيروز - حاجة ماتخصكش...
ابراهيم - المطلوب...
نيروز - ايوووه المطلوب....😉
...
قعدت عاالسرير حطيت رجل على رجل..حولت الفلاشة نلعب بيهاا في يدي..
..
نيروز - شركة اللي فيهاا ليث و انت و فيس و غسان...سمعت انها بتتسكر بحكم معاش مهتمين بيها..
ابراهيم - هاتي ملأخير مازال موسع بالي معاك..
...
نيروز - لا عاد لازم توسع بالك...المهم اني بنخش فيهاا..وانت بتتنزلي على حصتك...و اني بنطلع الشركة لفوق...
..
ابراهيم - و انتي منين تفهمي على قرايتك اللي قريتيها ملا...
نيروز - ماهو كان بابا جي راجل...راهو مش هكي تو .. لكن هو طلع على الله.. المهم بتعلن الخبر هدا في الاجتماع اللي جاي...اممم يعني غدوا...
..
ابراهيم - على شن ناوية و منين ليك الفلوس باش تطلعي الشركة الفوق ...
( حطيت الفلاشة في الشنطة ..ووقفت حطيت الشنطة على كتفي قربتله ...)
نيروز - بابا ولدك اللي هو خوي ربي يحفضهولي كتبلي نص الاملاك..يعني تو عندي مليارات..وبدير اللي قتلك عليه كان هدا الخبر ينزل و شوف شن يصير فيك..(ضيقت عيوني ...) ماسمعتش شن قتلي... ؟
..
ابراهيم - ب..باهي تو ندير اللي قتيلي عليه...
...
تبسمت على جنب 😏و طلعت...نزلت الدروج.. هدا الاول..و مازال الباقي...اللي بيصير غدوا اول خطوة بتفتحلى هلبا بيباان..اني مازال مرته لكن المواجهة بيناتناا بتكون قاسيه و صعبة عليناا الزوز ...🚫
...
(طلعت طول ركبت في السيارة نرد في النفس مقاابله و تحدي صعب...حط ايديه على يدي ضغط عليا .. )
ادم - اكويسه ..
(هزيتله براسي.. )
نيروز - تو بدا اللعب..
ادم - كنت نتكلم مع الجنيرال...
نيروز - اي و بعدين..
ادم - مافيش بعدين...مدامك انتي درتي الخطوة هادي اكيد قيس مش ح يهرب البضاعة و بيفضا معااك ...
..
نيروز - هدا اللي نبيه ..
(شافلي مش عارف كيف..خديت نفس...)
نيروز - ادم خيرك مش عاجبك شي.. ؟
( ولع السيارة لفت وجهه ليا... )
ادم - عادي ديري اللي تبيه ..
نيروز - باهي نبي نجيب شهد عندي !
ادم - الميتم مش ح يعطوهاالك بكل سهولة..
نيروز - عمرها 15 سنة..
ادم - اي ولو ...ميتم راهو لازم كل شي قانوني..
نيروز - ادم نعرفك ماتحيرش...بالله عليك نبي نجيب شهد تعيش معايا..
ادم - نيروز تو نتكلمو فيه الموضوع...بتطلعي البنت للخطر...خليهاا في حالها...
نيروز - باهي ادم باهي...
...
(وصلنا للحوش...نزلت و سكرت الباب بقوه...لحق عليا بسرعة.. )
ادم - باللهي ارفعي الباب معاك مش خير... 🙄
..
تلفتت طلعتله لساني 😛و خشيت للغرفه... فاتت عشية كاملة واني قاعدة نتفرج و نخطط لكل شي...و قريت وحسبت حسابي لي كل شي 👌 🚫..
..(ادم خش عليا للغرفة و في يده صونيه...)
..
ادم - وليتي 24ساعة قدام اللاب توب و ناسيه روحك...قلت خليني ندكرك انه لازم تتعشى و تشربي دواك ...نيروز راك مزلتي مريضة...
..
تبسمتله 💛 ...خديت من عنده الصونيه بديت ناكل ونتكلمو على طفولتي وشطانتي وهبالي فيه كل مكان في الشعبيه ...
..
.فاتت ليلة مانعرفش كيف رقدت عنده..اصلا تعودت بوجوده معاايا..ادم مختلف عليهم كلهم...مانعرفش علاش عمري مشفتله بنضرة تانيه غير خوي وعشيري...و بيقعد خوي و عشيري...💙
....
عشقي لقيس كبير لكن بعد اللي شفته و عرفته ..لازم نمحي هالعشق ع خاطر دمرني و يمكن يكون سبب موتي يوم من الايام .... 💔
...
ساعة 8 الصبح ..
وقفت قدام المراية...نمكيج و جهزت روحي و هو قاعد راقد... قربت لعنده... انوض فيه فتح عيونه بالسيف...
...
نيروز - نوض معاش وقت الاجتمااع تو راهو.. هيا باش توصلني...
( لوح المخده...ويركز في لبستي.. )
ادم بتمشي هكي...مستحيل على جثتي المرة هادي بتسمعي كلامي نيروز ...كان هدا انسى مافيش مشي... 😠
( ضربت رجليا عالارض.. )
نيروز - ادم انضن مش لابسه قصير..🙄
ادم - لكن رقبتك كلها ع شارع و ضيقه اللبسة قريب تطربق... 😒
نيروز - كل يوم بديرلي هكي انت ماهو فهمتك عاد..
ادم - دمي حامي الله غالب يا ابله... 😡
...
ناض وطلع من الغرفة واني كملت اخر لمسة...درت برفان .. وطلعت ركبت في السيارة ...
بطني بدت توجع...من الخوف و المواجهة من اللي بيصير تو...اني لازم ما نبين ضعفي لاي حد...اني بناخد حقي منهم كلهم حطوني بين انيابهم و خلوني عالقه...موجوعة مهمومه...جي الوقت اني باش نحطهم بين انيابي نعيشهم في رعب...اني اللي بنحرك خيوط اللعبه من اليوم ..🚫
...
...
وصلت نزلت من السيارة ...خشيت للشركة ....راسي الفوق ...صوت الكعب متاااعي بينقب الارض..
على قد ما نقرب لقاعة الاجتماعات على قد دقاات قلبي تقوى 💔
...دوب ما فتحت الباب ريحة برفانه ضربتني 💔واقف عااطيني بظهره..صوته يلعلع..قعدت متركزة عالباب نسمع فيه شن يقول وكلهم يشوفولي ....
...
قيس- كيف ادير هكي من غير ماتعلمنا اه !! مرتي مستحيل تخش و تخدم في ها الشركة مستحيل ..
ابراهيم - اني حر بنكتب حصتي لبنتي..مافي حد يدخل...
..
نشوف فيه رفع الاوراق بيقطعهم قربت منه بسرعة شديته من يده..العين في العين...نظرتي كلها حقد و كره عيونه تركزت في بطنى ايديه ترخفو
...جبدت الاوراق عندي حطيتهم على الطاولة...رفعت الببرو وقعت...وهو قاعد واقف عيونه مرشوقة في بطني..تبسمت على جنب ...مديتله يدي للمصاحفه.. 🤝
.
نيروز - مبروك عليك الشريكة الجديدة..اللي هي اني مسيو قيس... 😈❤
....
..
#يتابع🚫
رايكم وتوقعاتكم ..!!☠🖤
...
.. ..شن رأيكم في نيروز طالعه طرف ليوم وله😂😍☠
..
دمتم بخير ..✔☠
