ذئاب بشرية(منقولة_ليبية)

حلقة 17

روايه بعنوان ..
#ذئاب_بشرية ..

.
الحلقة  {17 }
..
عند ليث
وصلت للفيلا درست سيارة وجيت داخل للفيلا يقابلني فهد طالع وفي لحظة تمسحت ضحكة من وجهي وعيوني بدو يقدحو شر...
ليث -شن دير هني !!
فهد -جيت بنشووفك
ليث -كنت تقدر تكلمني في تلفون مش قتلك الفيلا خط احمر !!
فهد -اي ماهو قلت منه نشوف المدام
ليث -وشن المناسبة شن علاقتك بيها باش تشوفها
فهد -مش... مش دارت حادث
ليث -وش دخلك فيها و في *** ام الحادث
فهد -شي غير حبيت نطمن عليها مش احني تو نخدمو مع بعض !!
ليث -لااا خلي نصححلك... تخدم عندي انت تخدم عندي مش نخدمو مع بعض... فهمت ولا نعاود كلامي!!
فهد -اني.. ان
ليث -لا انت لا شي تلزم خدمتك وماتتخطاش حدودك ومعاش نبي نشوفك في الفيلا خدمتنا في شركة ولا البار
فهد - حاضر سيد ليث فهمت
ليث - هيا تو ربي معاك
..
طردته مشي ودخلت نلقى شغالة قدامي..
ليث - وين كان ال***
شغالة -على مني تتكلم سيد ليث
ليث -نتكلم على فهد وين كان
شغالة -اه قصدك مسيو فهد الي....
ليث -مسيو خرا مش...* .. تي تبي تنرفزني تكلمي وين كان ..
شغالة -اه... ك... كان عند... عند مدام...
..
"" مخليتهاش تكمل عرفته كان عندها كبست على الباكو في يدي رميته و طلعت بسرعة هديت عليها لباب... نشوف فيها تخلعت وحطت تيلفون..تتكلم وترجف من الخوف ""
.
ميساء -لي..ليث خيرك... خيرك هاد هكي ..!!
ليث - شن يبي منك!!
ميساء -عل...على من تتكلم ..
..
مسحت شعري بيدي نار ولعت فيا... نحاول نهدي روحي ونتكلم بشويه .. مانبيهاش ترجع تتعب من جديد... قربت ليها ضغطت يدي وراص على سنوني ونتكلم ":
ليث -افتحي ر** فمك وتكلمي شن يبي منك متعصبنيش خليني هادي ..
ميساء -م مني ..
..
"" تتكلم وخايفة ضاغطه علي الغطا... ضربت الي فوق زيانة بي بونية جبتهم فلارض...""
.
ليث -تتكلمي ولا نخليك تتكلمي بطريقتي!!
..
"" ركزت فيها لابسة خفيف .. زدت ولعت اكتر...
ليث -يعني شافك هكي .. انطقي متخلنيش ن..
ميساء -ك.. كا.. كان يبي يطمن عليا بس ..
ليث - ومني هو باش يطمن عليك اه...يطمن عليك باي صفة... لا وفوقها جايك واني مش هني وزياده خاشش عندك للغرفة نومك وشوووفي شووفي ر** حالتك لابسة هكي.. تو ال*** اني يشوفلي مرتي هكي !!...
..
"" قربت ليها اكتر شديتلها فكها ضاغط عليها بقوة لغل ملكني...""
ليث -ميساء .. ال*** معاش نبي نشوفه يحوم من جيهتك وكان صار وشفته قرب منك بنقتله ونقتلك .. فهمتي !!
ميساء -اي.. اي فهمت...
..
خليتها وطلعت خبطت الباب ومشيت للغرفة تانيه تكيت ع السرير و مزال نار والعة فيا ومبردتش فسدولي مخططاتي كلها ..ولما نتفكر شن لابسة نزيد نتعصب...دخلت للدوش فتحت ميه مصقعة نحاول نبرد اعصابي... جت بين عيوني ..عيونها خايفين ورجفتها مني...ضربت لحيط بيدي ......
...
..
عند ميساء
وكلعادة اوجعني بكلامه ومشى خلاني بغصتي كلامه زي سكاكين في قلبي ..ويعيط عليا و يشك فيا... شن دنبي اني مقتلاش يخدمه عنده ..! ولا اني لي قلت لفهد يجيني ! شن دنبي ديما نتعاقب على شي معنديش ذنب فيه علاش دنيا عاكستني...
علاش يعامل فيا هكي !!! ..
هو طلع من لغرفة واني طربقت ابكي... لي امتي بيقعد يعدب فيا تعبت ومعاش عندي طاقة...
كل منقول بيصلح الامور يرجع كل شي يفسد من جديد.....
.بكيت بكيت طلعت هم قلبي كله فلبكاي لين تعبت ورقدت.....
...
.
عند قيس ...
فتحت عيوني..شمس ساطعة فياا...لفتت وجهي...نلقاها فايقة ...متركزه على يديهاا و تشوفلي ...تمسحلي على لحيتي ...
نيروز - صباح الحب ...
بستها من يديها....و قربتهاا عندي...حطت راسها على صدري ...
قيس - صباح العسل يا وردة حياتي...
..
"" رفعت راسها تشوفلي ..حسيتها مضايقة...نظرتها ضايعة ...في لحظة حسيتها قريب تبكي....حطيت يدي على خدها...... ""
قيس- خيرها صغيرونتي شن في...
نيروز - استاحشت امي و خواتي... خاصة امي استاحشتها هلبا..قريب شهر تو ماااسمعت عليهم شي..
..
" نضت شويه..تكيت راسي تالي "..
قيس - يعني !
نيروز - ن..نبي..ن..
" قصيت عليها رفعت يدي... بمعنى تسكت... نضت من السرير..رفعت تشرت متاعي لبسته ...
قيس- اني طالع عندي مشوار و تو نرجع... و انتي اهو بحدا امي هديه ماتطلعيش...
..
نيروز وقفت ..فوق السرير...... اشرتلها باش تنزل...
قيس - انزلي يا قزمة..
نيروز - مش قزمة ..مزال نتكلم معاك و انت تقولي بنطلع ...
قيس- نيروز ..😡
.
شفتلها بنظرا بي معني تسكت .. وهيه سكتت دموعها قريب ينزلو... فتحت لباب و طلعت ...دخلت لغرفتي لبست و طلعت طول حتى امي هدية ماصبحتش عليها.....
. طلعت في سيارة .....وصلت ...نزلت شريت اللازم كله ...و رجعت للسيارة...نسوق و راسي سارح ...كيف تشاور فيا على امها ! تطلع في الكلمة بسيف يعني وحش اني بناكلها ...
لدرجة هدي نبان شيطان برسمي بنحرمها من امها... معجبنيش كلامها بكل ...هدا علاش تصرفت هكي ... وصلت للفيلا.
..قلت لرجالي ينزلو الكيسات...قربت لي واحد منهم ... خديت من عنده تيلفونه ..سجلتله العنوان ..
قيس- امشي تو و قوللهم قيس بن**** مستدعيكم ...
هزلي براسه ..قعدت نشوف فيهم يدخلو في لكيسات و دخلت وراهم..
..
..
.عند نيروز ...
مافهمتش علاش دار هكي .شن قلت انا...مسحت دموعي بكف يدي...نضت دخلت لدوش...فتحت دوش وقعدت واقفه ...نشوف لي روحي في المراية...تغيرت هلبا حتى ملامح وجهي تغيرت..
.الدنيا لعبت بيا زي ماتبي..مش عارفة الي ماشيه فيه طريق صح ولا غلط...لي وين بتوصل علاقتي بي قيس...معاش فاهمة شي...دخلت تحت دوش مياء دافيه ريحتني شوي...طلعت من دوش ..فتحت دولاب طلعت توته ..لبستها ..وقفت قدام المرايه نجفف في شعري ... شويه وحسيت لباب تفتح ..قيس دخل ..مبيتش حت نشوفله .. حطيت المشطه ع زيانة جايه بنطلع .من الغرفة ..

قيس شدني بيده...قارن حواجبه...رفعني في حضنه .حطيت يديا ورا رقبته ..
نيروز - قيس نزلني ..نزلنييي....
قيس: اششششت شوفي لعيوني مليح ... 😡
نيروز - مهأه نزلنيي... تو تو ....😢
..
ضغط عليا اكثر.....
قيس- اني تو بنعاقبك ..يا قزمة...تعرفي علاش !
..
"هزيتله براسي لا نحبس في دمعتي بالسيف... "
.
قيس - علي خاطر تشاوري فيا على امك و مترددة تقوليلي .. اني لاهي في همي...و نسيت .. علاش مقتليش نرفعك تشوفي امك .. ولا حتى نجيبهم هني يقعدو ايام ...علاش ساكتة قريب شهر و حابسة غصتك... نيروز خايفة مني ؟ في حاجة مخوفتك من قيس...؟
..
حضنته بكل قوتي ...شديته من وجهه ... حطيت خشمي على خشمه ..
نيروز - مش خايفة منك كيف نخااف من روحي...نعشقك اني ...اني الي بنعاقبك تو على خاطر طلعت و خليتني هكي و زياده شني هالمشوار المهم اللي تطلع من غير ماتفطر معاي.. .
قيس - في ليل تو تعرفيه ..تو هي ننزلو نفطرو ..😉
.
...
...نزلنا بحدا خالتي هدية... بوستها و قعدت جنبها...تشوف لقيس مش عارف كيف...ضربته بعكازها... "...
هدية - قيس شوفلي هني ...مش ناوي تكمل مشروع مع خوك ... ☹
..
" نفخ بعصبية و حط طاسة فوق الطاولة..."
قيس - خيرك مركزة معاه هلبا...تو يكمل امتي مايبي يكمل ...ولدك هدكا معاش نبي نخدم معاه مشاط ...😒
.
هدية - امك الله يرحمها وصتني عليكم ...اني شن بنقوللهاا تو نقوللها راهو معرفتش نربي ولادك نقوللها راهو ولو وحوش في بعضهم...
قيس- امي هدية بالله عليك خلاص مش ناقص تو... ✋
..
رفع مفتاح سيارة و طلع ....قعدت مصدومه مش فاهمة شي شن سبب مشاكلهم ...الف سؤال يدور في راسي...تو فاتو 5 ساعات من لما طلع و مرجعش...امي هدية في الكوحينة تشوف في تطييب الشغالة وباين فيها مش عاجبها ...
.
..فتحت تلفزيون نشوف في القنوات مافي شي حلو... نسمع في صوت ضحك نعرفه..رميت ريموت .. ووقفت نستنى في الباب ينفتح ...من الصدمة حطيت يدي على فمي...
نشوف فيها تجري و وجت في حضني...عنقتها و نبوس فيها من وجها .....
نيروز - صغيرونتي استاااحشتك هلبااا... وين امي..
نرمين - امي البرا مع عمو قيس هي و خوي..
نيروز - احمد معاكم...
نرمين - اي متخافيش معاش ح يضربك ...😔
..
حضنتها و نشوف فيه خش... شاد امي من يدها و خوي بجنبه..قربت عندهم ..حضنت امي نبوس فيها و نشم في ريحتها..مش مصدقه الي هو جابهم عندي...😍
..
قرب احمد حضني و قالي كلمت سامحيني في وذني ...
ماستغربتش اكيد صاار لي صار و قيس مقصرش معاه..
..
فاتت احلى ليلة في حيااتي...قد مانقوله نحبك و قاعد شوي عليه...❤
رقدت في حضن امي حسيت روحي زي ريشة راقدة مرتااحة علي الاخير....💜
.....
..
في جهة تانيه.... في مكان تاني...مكان يخوف علي الاخير...🚫
. ماتسمع غير صوت ذئاب... و حيوانات مفترسة ...
.
رجال محاوطه بيه..قااعد حاط رجل على رجل... ضرب يده على طاولة يتكلم....
هو - غساان مش ناوي تركح.. مش ناوي تنقص من تسرع متااعك..
غسان - لا مانركح و نهدا غير مانحطمهم و نخليهم يسفو التراب...
هو - مكافكش الي درته ... ساد خليهم واطلع من اللعبة معاش توري وجهك في ساحة اني نتصرف...
غسان - كيف بتتصرف...
..
جبد تلفون وراه تصاوير. غسان.طرشق بضحك...
غسان - مش هدا فهد...
هو - ايه فهد...هدا الي بيكون الورقة الرابحة عندي ...خليك بعيد انت و تفرج ... كان بتقعد بروحك مش حتقدر عالاخوة زوز كل واحد اقوى من تاني..خاصة ليث عادي القتل عنده زي شربة الميه...كلامي واضح..
.
غسان - باهي لكن...
هو - لكن الفرخة عاجبتك... ردبالك غسان ...قيس معروف في ساحة بلقب الشيطان..صدقني يمحيك... متبداش تتقوى على روحك معاه..
.".تبسم على جنب و الخبث باين في عيونه...😈"
غسان - ندوقها و نرجعها... تعرفني الي نبيه ناخده لا قيس ولا غيره .😏
..
غمزه و ناض...تو الهدف متااعه نيروز...نيروز وبس ...
..
..
#يتابع🚫
#ميمي❤
رايكم وتوقعاتكم ؟؟

100تعليق.
متنسوش تاق