رواية بعنوان ..
#ذئاب_بشرية ....
.
الحلقة { 21 } .
...
.....
وقفني قدام لقبر...نزل على ركابه يمسح بيده على رخامة ..
.دموعه لقت طريقها على خده ...💔
تلفتلي يتكلم بصوت موجوع و غالبته الشهقة...
قيس - هادي رسيل... رسيل اختي...
..
"" فتحت عيوني على وسعهم ....متوقعتش ان لقصه هكي ... جيت بنتكلم رفع يده اشرلي باش نسكت و كمل كلامه ... ""
...
قيس- رسيل اختي صغيره ..ماتت مقتولة و مغتصبة.. و فوق من هدا كله معذبة.. جسمها طايب من ضرب رجليها مكسورة ويدها ليمين مقسوم ...ماتت موتة شنيعة...
و زياده رموها عندنا في الفيلا و لعو ناار ... هي تحرقت و احني منعنااا ....
..
شدته الغصة في كلامه ...قربت حطيت يدي على كتفه ....تلفتلي عيونه حمر...نطرلي يدي وقف يتكلم..
..
قيس - عرفتيها تو منى رسيل..عرفتي حب حياتي ...عرفتي الي نخون فيك معاها اه ! لازم تكوني قد كلامك يا نيروز و اني بنكون قد كلامي...بعد ماعرفتي جزء من الحقيقة معاش تجي جيهتي و مصروفك يوصلك كل شهر... احني خلاص يا نيروز...كان دخل شك في حبناا و قلة ثقه خلاص معاش في حب...💔
..
هو يتكلم و انا نحرك في راسي لا و دموعي نازله على خدي ...
..
نيروز - ..لا لا.. باهي سامحني اني غالطة...الله غالب غرت هلبا و حسيت بغدر مرة تانيه انت تعرف شن لي فات عليا بالله عليك.. افهمني يا قيس .وراسك متخليني... تعرفني نحبك ...يسو !
..
"" مسح دموعه...رجع يشوف في قبر اخته .. قرا عليها الفااتحة و قريت اني معاه في سري... شافلي ومشي ومتكلمش معايا بكل و اني نتبع فيه وراه
...وصلنا للسيارة ركب واني..خديت نفس...فتحت الباب و طلعت بجنبه ...طلع ولا كلمة ...رجع بيا للفيلا متع العيلة...دربوكة مزال تضرب...و زغاريت...درس سيارة ... ""
قيس - انزلي و تو نلحق ..
نيروز - لا انزل معاي ..
قيس - نيروز كلمه وحدة انزلي ....
نيروز - قتلك ..لا الا ..لين تقولي سامحتني انت.. ومش حتخليني...
..
"" نفخ بعصبية و فوت يده على وجهه.. عيط عليا بقوة ""
قيس- قتلك انزلي ماتفهميش...
..
اني حطيت يدي على بطني حسيت بوجع ... غمضت عيوني و عيطت..
..
نيروز - ااااااه يا قيس بطنيي..
"" حط يده على بطني ...""
قيس - خيرك وين يوجع فيك ....
نيروز - ااااه معاش قادره ...وجع بطنيييي...
..
حطيت يدي على فمي بنستفرغ...تنطر من بجنبي فتح باب ...و نزلني...شدلي شعري..
..
قيس - استغرغي و تو نرجعو لدكتور...سامحيني صغيرونتي اني وترتك نعرف مش باهيلك الزعل سامحيني.. 💔
..
تبسمت على جنب و تلفتت لعنده..
ترميت عليه حضنته و هو قعد مصدوم مش فاهم شي..
..
نيروز - شفت ياسيد قيس كيف مقدرتش تعيش من غيري ...انت لي وليت تطلب في سماح ... يسو والله نحبك والله سامحني ..
..
حسيت بيه حضني بالقويه..
قيس - و اني نعشقك لكن وجعتيني هلباا لما شكيتي في حبي ليك...نحبك يا احلى فرخة في حياتي...
..
جبدت روحي شويه ووقفت على اطراف صوابعي.... شديتله وجهه بيديه ...وغطست معاه في بوسة💋 تعبر على حااالتي الي مريت بيهااا ...لين حسيت نفس تقطع عليناا...❤🙈
..
..
عند قيس ...
..جبدت روحي شوي حطيت جبيني على جبينها... فتحت .عيوني نشوف في عويناتها حمر و ذابلين شفاايفها حمر علاخير.....
قيس - ناويه تهبلني يا فرخة.. شاد روحي عليك بسيف وراس حبي علي شعرة... 😉
..
"" بوزت شفايفها كبست على اجنابي بيدهاا... ""
نيروز - يسو خيرك عاد
قيس- ياعيون يسو هيا نخشو ياا عروسة ... كلهم يستنو فيك ...
نيروز - امي و خالتي هديه يندرو !
..
""هزيتلها براسي ....حطيت يدي على خدها.. ""
أنت تقرأ
ذئاب بشرية(منقولة_ليبية)
Actionجيت.. بنطيروكم الي سااابع سماااء بتعيشو معاااي في اروع قصة #حب ❤ . رواية تشمل 🔞⚠️ مطااردة عداااوة مااافيا شرطة حزن عشق التمرد السلطة . #رواية بتعيشو معاااها لحظة بلحظة😉 . #ملاحضة .. ⚠️ الرواية .. لا تمثل بلدنا ..وليس له علاقة بي الواقع الي...
