ذئاب بشرية(منقولة_ليبية)

حلقة 25

...رواية بعنوان ..
#ذئاب_بشرية ...

الحلقة { 25 } .
...
عند ليث ......
الليلة بيتغير كل شي... الليلة بنرجع لمرتي وحب حياتي نصلحو علاقتنا ونبدو من جديد... تو تأكدت إني سامحتها ومعاش ناقم عليها غلطة ومشت على حالها ومن ميغلطش....
لكن رغم كل شي هي مرتي وحبي ليها ماينقصش بالعكس يزيد....
ولما كنت نعاقب فيها كنت نشوف في نظرت العداب اللي في عيونها.... النظرة اللي كانت تدبحني وتخليني مانلمس غيرها وقلبي يدق ليها...
تو لازم ننسو اللي صار وترجع الفرحة تنورلنا حياتنا.... ساد ما تعدبت وعدبتها...
نشوف فيها كيف مستمتعة في العرس مقدرتش نشد روحي عليها ..
طلعنا للغرفة سكرت الباب وحضنتها من تالي واخيرآ بدينا بروحنا ....
الايامات اللي بعدت عليها فيهم بحكم العرس حسيت روحي استاحشتها وبنخلص منها لوقت لي فوتته بعيدة عليا....
حطيتها علي السرير وقربت منها .... قربي منها يجنني ومعاش نقدر نتحكم في روحي....❤
..
رن التلفون كنت بندير روحي مش سامعه لكن قلت نطفيه احسن باش نلهي بيها هي وبس .... مشيت بنطفيه نلقا رسالة فتحتها نلقاهم صور ... اي صور مرتي الله الله 💔... حاضنه سيد فهد ويبوس فيها... لا وزياده راقدة في سريره ... 💔 تخوني فيا يا ميساء اه! ....
...
مشيتلها وشر يطاير من عيوني قربت منها شديتها من شعرها ... لما سألتني خيرني الشر عماني ما نلقى روحي غير عطيتها كف لين شفتها بدت دم....
..
ليث - اني تخونيني يا ميساء!! اني تخونيني يا ***
..
نشوف فيها عيونها غارقه دموع وتهز في راسها...
..
ليث - شن لقصه اه!! بديري روحك مش فاهمة يعني!!
ميساء (بصوت ضعيف ومخنوق) - ش ..شن تقو..ل !!
..
مديتلها التلفون ويدي مزال في شعرها... قربتولها لعيونها
ليث - شن نقول !! شووووفي شوووفي بعيونك تو تفهمي في شن نقول ...
ميساء - ممم مني ...
قصيت عليها... ليث - مني بعتهملي قصدك وله !! ميسااااء متكدبيش عليا تو تبيني نكدب عيوني ونصدقك!!
..
ميساء - لاا ليث ..😭😭 انا عمري ما خنتك صدقني
ليث - هههععع نصدقك!! قتيلي نصدقك!! وهادا !!
.. (نأشر بيدي على التلفون) وهدا اا نكدبه !! مش مجرد كلام راهو... صور يا ميساء صور ودليل حي يكشف خيانتك ومزال تنكري لي توا... اني لي كنت بنسامحك ونبدا معاك من جديد... اني اللي عمري ما شفت ولا لمست غيرك من يوم حبيتك وما سكن في قلبي غيرك... كنت..... (نفخت ونضت بعدت عليها على خاطر كان بنقعد قريب بنقتلها) .. كنت بنسامحك ونرجعو كيف قبل... كنا بنفرحو ونبدو حياة جديدة مع ولدنا (دمعت عيني) ولا مش ولدي!! اي شن يأكدلي انه ولدي اه!! ..
..
ميساء - لا لااا والله ولدك ليث .. متقولش هكي ا.. ولدك  وراسك وراس ولدي ...
ليث - ماتحلفيش بي طفل بالكدب (نحذر فيها بصبعي) ردي بالك اديرها
ميساء تبكي وتشهق - والله ما خنتك والله بالله عليك صدقني
ليث - تبيني نصدقك وله !!
""هزتلي براسها اي ..""
ليث - اثبتيلي انه لي نشوف فيه مش صح... اثبتيلي ميساء اعطيني دليل باش نصدقك ..
..
جت بتتكلم سمعنا صوت رصاص.... اول واحد جا في بالي قيس... طلعت نجري نزلت عندهم وميساء ورايا نلقى دنيا مقلوبه قيس طايح ونيروز فوقه ... كنت بنمشيله نشوف من وين تضرب لين سمعت ميساء عيطت ..
ميساء - نسسسسرين ..
..
تلفتت شفت بنت طايحة وغارقه في دمها جريتلها وقيس ناض ولحقني يجري مخلوع اكتر مني.....
..
...
عند قيس ..
سهره فاتت تهبل ...احبابي و اصحابي فرحولي...واني فرحان اكثر خاصة ان نشوف في صغيرونتي زي الاميرات بي الابيض ...و مكايجها الغاامق بينلها عويناتها لملونات ..شعرهااا الحرير لمته فوق..ظهرهااا عريان كله راسمة فيه فراشة ... النقشة و الحنة في يدياااتها صغيرونين البيض...زايدينهااا جمال ... تمشي و تتمخطر كل خطوة ديرها تعزف على اوتااار قلبي و تحرك رجولتي...❤
.....
كل شي كان عاالمي...لين صارت الكاارثة...لما شفت في يده الفرد و رجالي كلهم جبدو سلاحهم ...ضيوف خشو بعضهم...حسيت بي ضغطت يدها على يدي...ماحسيت غير حد دفني و جبدت نيروز معايا...
..
صوت رصااص كان قوي...طحت على ظهري و نيروز فوقي...قعدت نشوف فيها و تشوف فيا ...لين سمعت عيطت ميساء تنادي "نسرين "
..
نضت وقفت بسرعة نشوف فيها غارقة في دمها...الضربة جت في كتفها..طبست عليها...رفعتها و وطلعت نجري حطيتها في السياره و ليث معايا...ركبت من قدام نشوف في نيروز واقفة مصدومة تشوفلي ..ولعت السيارة و طرت... مش عارف كيف وصلنا..
.نزلت فتحت الباب..رفعتها بين ايديا و ليث خش يجري للمصحة ينادي على دكتور... قابلوني الممرضات ..خدوها مني و دخلوها طول لي غرفة العمليات...
قعدت ماشي جاي في القسم...السورية متااعي كلها دم...تلفتت لي ليث ..
قيس - منعرفش ليش دارت هكي...لكن لو مش هي راهو اني تو في مكانها ...💔
ليث - الحمد الله مش خطيرة في كتفها الضربة ..هيا اطمنا عليها هيا نروحو ..
قيس - اي نعرف لكن وجعتني هلبا هي نقدت حياتي و حياة مرتي ..برا روح على حالك اني لازم نقعد نهتم بيها ...
ليث - بتقعد بالسوريه هادي حالتك هكي...هيا روح بدل و ارجع ...
قيس - باهي خلي نطمن عليها و توا نمشي.. برا على حالك وشوف نيروز و طمني عليها...
..
هزلي براسه و طلع..قعدت عالكرسي حطيت يدي على راسي..كل شي فات في ثواني ..يوم عرسي غارق في دم بنت ماعندها ولا ذنب... و خليت مرتي بروحها...رفعت راسي نشوف فيهم مطلعينها قربت للدكتور ..
..
قيس- دكتور كيف وضعها توا..
دكتور - الحمد الله جرح مش غارق...لكن لازم نكلمو الشرطه ..
قيس - نقدرو نتكلمو بروحنا شويه ...
..
هزلي براسه و تبعته للمكتب متاعه...
ماقنعته إلا بالسيف رميتله شيك و طلعت...مشيت لي غرفتها نلقاها مزال راقدة...طلعت مشيت للفيلا باش نبدل دبشي ونرجعلها...
...وصلت درست السيارة ونزلت .. خشيت نلقاهم كلهم قاعدين إلا نيروز مهناش..طلعت دخلت للغرفه نلقاها مزال بي قفطانها قربت لعندها...بستها من جبينها ....
..
قيس - صغيرونتي اكويسه ...
(هزتلي براسها مجاوبتنيش خديت نفس كملت كلامي) اني بنبدل دبشي و نرجع للمصحة مانقدرش نخلي البنت بروحها ..
..
نضت بدلت دبشي وهي قاعده في نفس المكان..رجعت لعندها...حطيت يدي على خدها..
قيس -خيرك حبيبي اهو اني اكويس قدامك متخافيش خلاص انسى اللي صار..
نيروز - برا متخليهاش بروحها عاد .. ..
""عقدت حواجبي مستغرب..""
قيس- مش وقت الغيرة متاعك البنت نقذت حياتي راهو لازم نهتم بيها ... واهو ماشي ارقدي على حالك...
...
""طلعت و طربقت الباب..نعرفها حنينة و تفكر في غيرها مش انانية هكي توا وقت غيرة ... عصبتني علاخير..طلعت ماتكلمت مع حد و رجعت للمصحه...
دخلت لعندها في الغرفة..نلقااها فايقه...قربت لعندها...... ""
...
قيس- كيف حالك توا...
نسرين - الحمدالله ...
قيس - علاش درتي هكي كنتي احتمال تخسري حياتك في جرتي.. 💔
نسرين - عادي هدا الي كاتبه ربي من غير ماتسألني علاش و كيف المهم انت و مرتك بخير ...
قيس- شكرآ مرة تانيه...لكن من اليوم بنهتم بيك لين ترتاحي وتنوضي بالسلامة و من توا امتي تستحقني تلقيني ديما معاك وهدا مايتسمى شي قدام التضحية متاعك... 💛
..
تبسمتلي...وشدتني من يدي...
..
نسرين - شكرآ قيس..شرف ليا راجل زيك يهتم بيا...
..
تبسمتلها و جبدت يدي...ورجعت خطوة لتالي قعدت عالكرسي... و عقلي سارح في نيروز ...يا ريت ماطلعت و خليتها هكي...💔
..
...
عند نيروز ..
كل شي فات كأنه كبوس ..ليه يومين وهو في المصحه مايروحش يجي يبدل دبشه و يطلع ...اليوم قال بيروح بيها للفيلا و تقعد عندنا لين تبرا ...
.. مانعرفش علاش مش متحملتها و مش مرتاحتلها بكل...البنت هادي وراها قصة علاش اصلا رمت روحها قدام قيس.
..
.وقفت في البلكونه ناخد في نفس نهدي في روحي ...سمعت صوت الباب انفتح دخلت ميساء..وجها مقلوب..عيونها منفوخين مافهمتش خيرها هاليومين...قربت لعندها شديتها من يدها و قعدنا عالسرير...فوتت يدي على شعرها خاش بعضه شويه ..
..
نيروز - خيرك شن في علاش حالتك هكي...
(شافتلي عيونها دموع تتكلم بشويه كانها خايفة حد يسمعها... )
ميساء - نيروز اسمعيني سلم اختي..المصايب اللي تصيرلك مش شويه و سامحيني غلطت في حقك هلبا مرات وصلت طعنتلك في شرفك...لكن معاش نبي نغلط معاك و نخسرك..لازم نحكيلك سر واوعديني يموت بيناتنا لين نلقو حل راهو كان تقولي انه اني قتلك يقتلوني ..ياسر خربولي علاقتي مع ليث...
...
قلبي حسيته بيطلع من مكانه واني كل مرة جايتني مصيبة... 💔
نيروز - باهي نوعدك مانقول لي حد شن في تكلمي ....

..
#يتابع ...
#ميمي..
توقعاتكم ...ورايكم
نسرين شني تخطط !!😈
وميساء شن بتقول لي نيروز 💔...!!
......