ذئاب بشرية(منقولة_ليبية)

حلقة 27

رواية بعنوان ..
#ذئاب_بشرية ...

الحلقة { 27 } .
...

وصلنا للمكان...فتحت فمي مصدومه... ما توقعتاش يتكلم علي المكان هدا ...

نزلت من السيارة ...قعدت واقفة نشوف في نااس ماشية جاية ...المكان شعبي وزحمه ... مكان شعبي و ناسه علي حالهم ...و ضحكه مالية وجوهم...نضت من سرحتي لما حط يده على كتفي...طبس عليا شويه يوشوش في ودني ..
قيس - هدا الي بناكلو عنده لكن قبل كل شي...بنمشو نشوفو واحد...هياا...
هزيتله براسي...شدني من يدي يمشي فيااا وراه..دخلنا لي
شارع ضيق شويه سيارة متقدرش تخش فيه...وشباب قاعدين تحت الحيط...قربو سلمو عليه ...وقفنا قدام حوش ...
دكرني بي حوشنا...دق الباب و يناادي عقدت حواجبي مستغربة...
قيس- بابا صلاح ...امي فاطمه افتحي الباب...
...
ثواني ونفتح الباب راجل كبير ...متركز على عكازه...دوب ماشافه قيس حضنه و يبوس فيه من جبينه و يده...
خشينا داخل قعدناا في صاله ...
قيس - بابا هادي مرتي نيروز ...سامحني غبت عليكم ضروف ...لكن غدوا ان شاء الله نبعثلك كالعادة واحد يرفعك للموعد متااعك ...
صلاح - صحيت ولدي ربي يحفضكم ويهنيكم..
قيس- وين امي فاطمه .. كيف حاله ...
صلاح - طلعت تتمشي شويه ... تعبت من القعده في الحوش ..
قيس- باهي بابا...شد هادم ...و تستحق اي حااجة كلمني و اني تو نرجعلك...
..
قعدت نشوف في كمية الفلوس الي عطاهملا مش فاهمة شي...مني هادم و منين يعرفهم...
شدني من يدي و وقفنا...
قيس - بابا اني لازم نمشي...غدوا الصبح تلقى سيارة تستني فيك...و لازم تسمع كلام الدكتور بالحرف ماديرش زي المرة الي فاتت...
..
باسه من جبينه و طلعنا...قعدنا نمشو وصلنا للمطعم. خشينا داخل...الحاج محمد فرح بينا هدا مولا المطعم...كليت دوب شويه ...خديت نفس ...
..
نيروز - يسو من هما لي كنا عندهم..ومنين تعرفهم و منين تعرف المكان هدا ..
قيس -  كانو يخدموا عندنا لما كنت صغير...وبعدين لما كبرت اني وبديت نقرا في الجامعة ... ماتلهم ولدهم في الهجره ...و صراحة ولدهم كان صاحبي هلبااا...لكن لما كنت نعطية فلوس والا نعاونه في حاجه مايقبلش ..مايبيش يوطي راسه لحد مافهمتش كيف فكر يهاجر ..المهم الله يرحمه ...و من هداكا الوقت واني نهتم بيهم ...حتى قلتلهم اقعدو في الفيلا عندي ماقبلوش...ناس طيبة هلبا...و وبالنسبة للمكان هدا شباب المنطقه كلهم اصحابي واحبابي من صغيرهم لكبيرهم...قبل كنت نجي نكسد معاهم ديما .....و ونصهم يخدمو في شركة عندي و عند ليث...
...
هو يتكلم و اني حاطة يدي على خدي...قداش محلاه و قداش حنين...اني بالرسمي محظوظة بي راجل هدا... كل يوم نزيد نعشقه اكثر و نزيد نأكد قراري اكثر .. كيف منحميش راجل زي قيس كيف مانغيرش و مانكونش مهووسة بي راجل زي قيس... حطيت يدي على يده... جيت بنتكلم نشوف في واحد واقف وراه ...
هو - مسيو قيس لو سمحت تفضل معاي لبرا...
...
_______________🚫✔
....

عند قيس
سمعت صوت ...تلفتت لعنده...عقدت حواجبي ...وقفت مقابله...
قيس- تفضل ..
هو - السيد كمال يبيك تو...
..
تبسمت على جنب عرفتهم يراقبو فيا كلهم...مديت يدي لي نيروز شديتها...و طلعت ...قربت لي سيارتي فتحت الباب...
قيس- اركبي .
نيروز - لا ..علاش وين ماشي.. ومني هدا
قيس- نيروز اركبي اهو واقف هني غير بنتكلم كلمتين معاه ونرجع.
..
هزتلي براسها باهي...و ركبت..سكرت الباب و سكرت عليها السيارة...قربت منه شفتله من فوق لي لوطا ...
..
قيس- وينه كمال متاعك اللي يبي قيس يجيه...
هو - مسيو قيس من المستحسن تمشي معايا برضاك ولا ..(بعد جكيت متاعه وراني سلاح... طربقت بضحك.... )
قيس- هههه ...سلاح اللي تخوف بيا فيه المعلم متاعك شاريه من عندي...
هو - لا مسيو فهمت غلط...لكن السلاح اللي انت تبيع فيه ...عيلتك و اولهم مرتك بتموت بيه... سيد كمال يبي الملف متاعه و يسيبك في حالك ...
قيس- باهي برا على حالك و الملف يوصله مع نص الليل بالضبط..
.....
تبسمت على جنب وركبت في السيارة ... طريق حرقتها ... وصلت قدام الفيلا شديتها من وجها طبعت بوسة على شفيافها .. 💋
قيس- سامحيني صغيرونتي مانبيش ليلتنا تفوت هكي لكن تو عندي مشوار مهم... بري خشي وماتطلعيش بكل .. و ارقدي ارتاحي باهي !
...
نيروز - متمشيش يسو... قولي شن في ...
قيس- :شي حبي بري خشي يا روحي وماتنسيش دواك ...ساعة و نجيك...
..
هزتلي براسها و خشت...
أشرت لي واحد من
رجالي قرب عندي...
قيس- تعالو وراي للاستراحه ...و معاكم بنت كمال ....في يديكم نص ساعة...
..
ولعت السيارة وطلعت ...بيخلصو بالواحد بالواحد...هما دمرولي عيلتي..هما قضو على بابا مات في جرتهم... مش بالسهولة نعطيهم الملفات ...نعرف ان بيجي يوم ونخش للحبس كيفهم لكن مش قبل مانحرقلهم قلوبهم..☠
..
.الملفات فيها كلام خطير هلبا الي يقراه يمشي فيهاا...نكمل نصفي هادم ونفضي بي قااتل رسيل...اني متأكد عن طريقهم بنوصل للقاتل الاساسي..ليث بي نفسه مايعرفش الملفات هادم...مستحيل نخليه يعرف...مستحيل نخليه يدخل معايا في دوامة هادي...💔
..
درست السيارة و نزلت...خشيت للاستراحة ...جبدت كرسي...قعدت حطيت رجليا فوق الطاولة...دقايق و خشو بيها تعيط وتبكي بين يديهم...اشرتلهم يسيبوها...رموها عالارض... رفعت راسها شافتلي  ..
..
هي - قيس الشيطان خاطف بنت كمال ... كمال اكبر سياسي في البلاد...عندك علم يقدر يمحيك من اللحظة هادي..
قيس-...سياسي اللي تتكلمي عليه ايديه امسخة بدم الشعب..ايديه امسخة بي دم بابا...و اني بنرجعله الضربة ضربتين ...
"" ضحكت بإستهزاء.. ... ""
هي -كان مشيت دورت على قاتل اختك الي ماتت بي عارها خير... الوسخ و العار جاي من عيلتكم..
...
"" تعصبت ... مانتحملش حد يجبد رسيل بي كلمة...مديت يدي لي واحد من رجالي حطلي الفرد...عبيته وصوبته عليها... ""
قيس - شهدي ع روحك يا شريفة يابنت السياسي شهدي يا بنت كمال..
هي - جبان عهع متقدرش اديرها ..
..
"" تبسمت على جنب...شفتلها من فوق لي لوطه ... ""
قيس- الشيطان عمره ماكان جبان...
.....
طلقت عليها طول بين عيونها لا شفقة ولا رحمة..☠ .رميت الفرد.....
قيس - تحطوها في شنطة كبيره و تبعتوها للفيلا متاع بوها....
جبدت تلفون...كلمته...
قيس -سيد كمال ...الملف متاعك بيوصلك تو مانوصيكش تحرقه عاد ههههه 👿
..
صكرت التلفون و طلعت ....متحركتليش ولا شعرة...هماا بدو الحرب... وفتحو على رواحهم ابواب جهنم..🔥
.يتحملو الناار الي بتحرقهم مالا...
....
___________🚫✔
.....
...
عند نيروز ...
دخلت للفيلا...نشوف في ليث يشرب وقاعد عالبيسين...تنهدت و مشيت...ركبت لي غرفة ميساء دقيت الباب و دخلت...نلقاها راقدة...فوتت يدي على شعرها...حالتها تسخف... فتحت عيونها بشويه... تركزت على يديها و تقعدت شوي ...
ميساء - في حاجه صارت شن في ...
نيروز - لا كله تمام لازم يوقف العذاب الي عايشتيه انتي و ليث...غدوا لازم ديري الخطوة الاولى...(هزتلي براسها لا.... )
ميساء - لا مانقدرش صدقيني مش ساهل الي بنديره و نخاف لا يعرف ليث...و تزيد تتعقد اكثر... 💔
(حطيت يدي على يدهاا ضغطت عليها... )
نيروز - ماتخافيش اني معاك في كل خطوة ...وتو نبعث وراك رجالي..يحموك من اي غدر بيصير...
..(فتحت عيونها على وسعهم...اشرت بصبعها ليا مصدومه.. )
ميساء- انتي عندك رجال ! يعني زي قيس و ليث و جمااعة المافيا و جو هدا...😳
(طربقت بالضحك ... )
نيروز -هههه اي بالضبط... غدوا يبدو متفرعين عندنا من غير مايعرف حد...😌
ميساء - و منين ليك انتي ..😥
نيروز - تو نحكيلك لكن مش توا ...ارقدي وارتاحي..وما تفكري في شي نوعدك كل شي يرجع خير من قبل... 💛
.....
( هزتلي براسها...نضت وطلعت دخلت لي غرفة النوم...نلقاه قاعد...حطيت يدي على صدري من الصدمة نتنفس بالسيف... )
...
نيروز - شن ادير هني ..كيف خشيت خيرك هبلت... 😧
(قربت لعنده حط يده على فمي ...)
غسان - اششششت ساد من الاسئلة...راجلك قتل بنت كمال...
(افتحت عيوني على وسعهم نطرتله يده ... )
نيروز - شن تقول كيف عرفت...
غسان - الي سمعتيه...هو ارتكب غلطة كبيرة و كمال و الجماعة اللي فوق مش ساهلين...انتي تعرفي الملفات وين ..
(هزيتله براسي لا.. )
نيروز - ميساء سمعته مرة يتكلم على الملفات و عالاسرار الي فيهم...
غسان - يتكلم مع مني ....
نيروز - ماقدرتش تشوف وجه الراجل...
(فوت يديه على وجهه بعصبيه...)
غسان - نيروز حياتك ولت في خطر كمال اكيد بياخد بثار بنته... اسمعيني اني مستحيل نخليهم يمسو شعرة منك...
(جبدني عنده حضني... من الصدمة معاش قدرت ننطق ولا حرف حسيت بوجع في بطني...جبدت روحي منه )
غسان - نيروز اني لازم نمشي قيس تو جاي اعتبري روحك ماتعرفي شي و تصرفي عادي ... باهي...
..
ماجوبتاش نشوف فيه وخلاص ...امتي يتم هدا كله امتي نرتاحو علاش يا قيس درت هكي ...علاش اني نبي نطلعك و انت تزيد تغرق في روحك و تغرقناا معاك... ضغطت عالطاسة في يدي ضربتها عالحيط...
...
غسان - نيروز خيرك اهدي سلم اختي مايصيرش هكي قتلك ماتخاافيش...
نيروز - سلم خوي برا على حالك تو نكلمك... برا ماتخاافش تمام اهو هديت...
...
باسني من جبيني...و طلع من البلكونه...طبست رفعت القزازة...و طلعت..دخلت عليها للغرفة نلقااها تتكلم بي التلفون...دوب مشافتني صكرت...قربت لعندها ...لصقتها عالحيط..حطيت القزازة على رقبتها ..
...
نيروز - مني الجنيرال اللي باعتكم ويبي الملفات ..
نسرين - .مانعرفش بعدي عليا خيرك هبلتي انتي...
..
( ضغطت عليها اكثر ...لين طلع شويه دم من رقبتها... )
نيروز - باهي يا نسرين تفكري ان عيوني ديما عليك ...والله العظيم تحاولو تفرقونا ولا تصير حاجة لي راجلي نقتلك بيدي ندبحك من الوريد للوريد...
...
(جبدت روحي منها...سمعت صوت قيس طالع في الدروج يغني... رميت القزازة ساويت روحي و طلعت من غرفتها نتبسم...شافلي مستغرب.. قربت لعنده بسرعة ... )
نيروز - ياروحي كنت نطمن عليها سمعتها تتوجع...
قيس - باهي حبي هيا نخشو لي غرفتنا... 😉
..
دخلنا للغرفة شاف طاسة في الارض مكسره...
قيس -شني هدا نيروز ...
نيروز - طاسة طاحت .. عادي يعني ..
( شدني من يدي جبدني لعنده..)
قيس.- يا عمري...تعرفي انه اني نحبك هلبا...
نيروز - اممم نعرفش😌..
قيس - مالا تو نعرفك بي طريقتي ...😉
نيروز - يسووو🙊
..
باسني من خشمي..ورفعني حطني عالسرير...و تمد جنبي...
قيس - نيروز يمكن اسبوع تاني و نسافرو نطلعو من البلاد مره وحده و معاش نرجعو
نيروز - شنييي
قيس - تو نقولك بعدين شني... تو خليني نعرفك قداش نحبببببك 😍💋
...
_____________🚫✔
....