رواية بعنوان
#ذئاب_بشرية
.
.
{الحلقة 6}
قيس يتكلم ويشوف لي ليث خوه بنظرا ترعب ..اصلا ماايعتبراش خوه.
..اكبر عدو ليه هو...
ليث يكره كره العمى ...
كل حد فيهم يبي يدمر تاني بطريقته...
....
....
ليث روح للفيلا .. دخل للغرفة لقي نيروز مقعمزه عسرير تقرا في كتاب ..
قرب منها وبعدلها خصلة نازله على وجهه وقرب ليها وهي تجمدت في مكانها من لخوف....
.
. جبد باكو من وراه وحطهولها في يدها...
ليث -نبيك تلبسهولي واهو نراجي فيك فلجنينة...
.
طلع وخلاها الافكار كلها جت في راسها.... قلبها يدق وخوفها يزيد....
يديها يرجفو حطت لباكو على السرير وفتحته..
.. عيونها تفتحو جايبلها قفطان سهرة !! علاش زعما....
.
سلمت امرها لي ربي ولبسته نزلت شعرها ... وجهزت روحها ونزلت لعنده وقفت مصدومه من لي تشوف فيه....
طاولة بجنبها شموع وورد احمر وماكلة فوقها ...
...
ليث عاطيها بظهره تلفتلها ...
القفطان جاها يهبل كيف ماتخيلها بضبط ..
..قرب عندها مدلها يده... حطت يدها في يده ومشت معاه للطاولة ...
جبد باكو صغير فيه سنسلة تهببل على شكل دمعة وفيها جوهرة ... بعدلها شعرها ولبسهالها.... ..و جبدلها الكرسي قعدت وقعد مقابلها .....
..
تعشو في جو رومنسى عيونه متحولوش عليها وهي داخلة بعضها....
كملو و طلعو للغرفة كلعاده دخل دوش ورجع يلقاها راقده فسرير ..
دخل بجنبها وجبدها لعنده ..
.حضنها . ريحته دوختها ريحة برفان يجنن رقده في حضنه معادش خايفة منه ما تعرفش علاش مرتاحة وحاسة بامان رغم لي صار...
. قعدو هكي لين رفعهم النوم....
...
....
ميساء قاعدة فدوش دموعها نازلة وقلبها واجعها... معاش تستحمل اكتر لازم تتخلص منها....
ناضت وقفت قدام لمراية تتحلف فيها...
ميساء - لما تندمي عليه اليوم هدا وكل يوم قعدتي فيه هني يا نيروز وتو نشوفي مني لي بيقعد معاها ليث....
.. طلعت تلوحت عسرير بلكاب هكي ورقدت......
.....
.....
قيس متكي عالسرير حااط يديه تحت رااسه ...يشوف في السقف...اا لا مش سقف يشوف في وجهاا هيا مضوي زي الڨمرة...يتبسم ..فرخة وصلته للحالة هادي..
..
. قيس الي عمره مافكر في انثى ولا حتى ركز مع جمالها.... لكن هدي فيها حااجة جذبته مش عارف شن هالحااجة ...
....
.بتقلب عالسرير يحاول يرقد .ونوم حالف عليه ليلة...
...
فتح لاب توب حط فيلم يتفرج للصبح باش نعس شويه... ...
..
صبح فيقه صوت تيلفون حط يده عليه ..وفتح عين بعين ... يشوف في رقم نفخ بعصبية....فتح لخط وتكلم...
.
قيس - وي شن تبي عالصبح ..
رواد - خوك خطفلي مرتي نبيك ترجعهالي نعطيك شن تبي ..
..
قيس- ر** شن تقول انت ماك طول عمرك تبيع في البنات و تقبض عليهم وصلت بعت مرتك يا **** ....
..
في لحظه .جت على باله هيااا و من غيرهااا.... تنطر من السرير..
قيس-اسمع مليح يا كلب مرتك تنسااها بكل ولا و ربي الي خلقني ننفيك من الدنيا...
..
صكر عليه تيلفون رماه عالسرير...وخش دار دوش ...لبس دبشه رفع مفتاح سيارة وطلع...
درس سيارة دخل للبار قعد يدور شويه..اشر لواحد من رجاله جا وراه ....
....
...
نيروز ناضت تتململ ...مقدرتش تتحرك ..تشوف فيه محااوطهاا ..تبسملها و تكلم بصوت مبحوح بالنوم...
....
ليث -صباح الورد
نيروز -صباح نور....
ليث - عارفك مضايقة من قعدة الحوش ..اني ليوم عندي هلبا خدمة...بنبعثلك واحد من رجالي يرفعوك .تغيري جو ومن غير مانوصي عاللبسة... وماتنسيش عيوني في كل مكاان نقدر نشوفك غادي شن ديري بتفصيل..
...
...نيروز هزتله براسها و قعدت مصدومه ...مزل مش فاهمه هالراجل ...هلبا متناقض... و جننهااا بتصرفاته...
...
ليث لبس و طلع...وبعد ساعتين نيروز لبست و طلعت .. فتحلها سواق الباب وطلعت... طريق طويلة شوية.... نيروز ساارحة مع طريق...
....
ماتفيق غير بي سيارة شدت فرينو قوي
.... تشوف في اربعة رجال قد الحيط.
....جايينها...ضربو السواق و راجل الي معاها..وشدو عليهم السلاح...و الخوف ركبهاا ...
..
فتح الباب...شدها من يدها يكركر فيها نيروز تنادي بإسم ليث تعيط و تبكي...
...
لين حطولهااا كمامة على عيونها و سلاح على راسهاا... سكتت كان صوت شهقتها عاليه... قلبها يخض في وسط صدرهاا مااشية لطريق مجهول ..🔇
.دخلت في متاااهة مش قدهااا... ...
.......
.....
ليث قاعد فلمكتب متاعه شد تيلفون يكلم في السواق باش يطمن عليها....
ليث -عاود شن قلت... تخطفت... تي *** على *** انت!! شن ر*** ... حاجة زي هادي تقدرش عليها... الليلة *** كلكم استناني فلفيلا.... ...
....
صكر في وجهه من غير ميخليه يجاوب..... شد تيلفون في يده ضاغط عليه قريب يكسره.... ضرب بيده علمكتب..
..اول شخص جا في باله ميساء رجع يجري للاب توب .... اكيد هي تكون دارتها....
..
فتحه ورجع يشوف فلفيديوهات...
يشوف في ميساء طول لوقت لاصقة في تيلفون مبعدتش عليه بكل ....
... ليث يعرف توصل بيها ديرها الغيرة عاميتها وتقدر دير اي شي..... ..خاف لا ديرلها حاجة المهبولة هادي...
...
.رفع مفاتيح وطلع طول للفيلا .. يسوق ويتكلم في تيلفون
..
ليث - نبيك تجيبلي واحد يقدر يطلع الابرة من البحر ... لازم يكون يعتمد عليه...
هو - تمام سيد ليث.. الي تبيه عندي....
....
وصل للفيلا درس السيارة ونزل بسرعة.. يلقاهم كلهم صف قدام الباب.... قدم عند السواق...
.
ليث - تو انت حاسب روحك راحل !!
...ضغط يده وعطى بونية لسواق... ورجع يضرب فيه فرغ غله كله فيه ...... ناض من عليه وطلع المسدس .....
....
في نفس الوقت سيارة درست بحدهم { فهد } .نازل ... ويشوف في ليث شاد الفرد موجهه للراجل.... جا بيتكلم
...
.. صوت زوز رصاصات طلعو ... وطاح السواق يتلواء...
زوز رصاصات طلعو من مسدس اليث وتغرسو في رجلين سواق ... 🚫
...
.فهد زاد نقم عليه اكتر... كيف يقدر يدير هكي من غير ما يشفق عليه... الشفقة والرحمة معندهمش مكان في قلبه... محاهم من قاموسه من وقت طويل....
....
..
فهد مزال واقف بجنب سيارته .... جا بيمشي يشوف في ميساء طلت من لبلكونه .... هي ماتغير فيها شي....
..
ميساء طلعت من لبالكونه تشوف وقت سمعت رصاص تخلعت تبي تعرف شن صاير....
...
رفع ليث راسه يشوف فيها وشر يطاير من عيونه.... رجع لمسدس لحزامه ودخل للفيلا ....
...
ميساء دخلت للغرفة و مش عارفة شن صاير لكن قلبها مش قايللها خير....
...
جت بتسكر بابها لكن ليث سبقها ودفه لين طاحت علأرض...
. نزل شدها من شعرها ضاغط عليها لين وجعها... وقفها من شعرها وعطاها كف طاحت علسرير وشفتها بدت دم.... راص على سنونه ويتكلم ...
...
ليث -كان تمسي منها شعرة ولا تصيرلها حاجة بتخلصيها غالي..... تسمعي ! ... تسمعي !!
.
ميساء هزت بي راسها اي وهي مش فاهمة شي...
او يمكن مداير روحها مش فاهمة....
..
...ناض جبد الكرسي وحطه قدامها وسكر الباب ورجع قعد مقابلها.....
ليث - وتو تكلمي هي وين!!
ميساء - ع... على مني تتكلم
ليث - تستهبلي عليا ومديره روحك متعرفيش !!
ميساء -مانعرفش على منى تتكلم بضبط
ليث - ماتهبلنيش ميساء نيروز وين
....
ميساء رفعت حواجبها مستغربة..
ميساء - واني من وين نعرف !!....
...
في سرها فرحانة واخيرآ ارتاحت منها ...
....
ليث - تمام يا ميساء باهي.... لكن والله نعرف انتي عندك ايد فخطفها نقتلك وماتغمضلي عين ....
....
طلع من عندها وقربع الباب وراه وخلاها ترعش بلخوف... تعرفه يحلف ينفد الي قال عليه.... ووقت يكون الموضوع يخص حد قريب ليه الرحمة ماتعرفش طريقها ليه.....
..
. قابلته شغاله ..
الشغاله - سيد ليث في شخص يراجي فيك
ليث - وينه تو!!
شغالة -فلمكتب
ليث -باهي جيبلنا قهوة بسرعة ....
...
ليث.. دخل للمكتب يلقاه يستنى فيه..
فهد . اول ما شافه ناض وتبسم على جنب.....😏
....
...
في مكان تاني
... قااعد علكنبه ..يسمع في صوت سيارة ...طفى دخان ....ووقف عدل السورية متااعه ... ويشوف في لباب تفتح...
شادينها يكرو فيها و هي تعيط و تبكي بالشهقة حطوهاا على ركبتها قدامه ....
#يتابع ...
#ميمي..
....
ومن هني حتنقلب موازين لعبة 😉
.....
رأيكم وتوقعاتكم ...❤
