..رواية بعنوان
#ذئاب_بشرية
..
.
{الحلقة 7 }
.
أنثى بين أنياب الذئاب وخذلان الكلاب .
صبرا فأسدك الهصور سيعود يوما
وفي يده أشلاء من أجساد من جرحوكي
وانتقصوا من كرامتك يوما 💔
.
...
في مكان تاني
... قااعد علكنبه ..يسمع في صوت سيارة ...طفى دخان...ووقف عدل السورية متااعه ... ويشوف في لباب تفتح...
نيروز شادينها يكرو فيها و هي تعيط و تبكي بالشهقة حطوهاا على ركبتها قدامه ....
.
قيس اشر لرجاله باش يطلعو..شدها من يدها...قعدها عالكنبه... ..فتحلها عيونهاا ....
نيروز تفتح فيهم بالشويه..منفوخين من كثرة البكاء... تشوف فيه ضباب....تحك ف عيونهاا... شافته ...وجهه مألوف...وين شافته زعمة...
.. ....
قيس - بتقعدي ضيفة بحدي ايامات لين يخطاك ال*** الي واخدتيه...
نيروز ناضت من مكانها ...وتتكلم بعلو صوتها...
.
نيروز -ومن قالك احميني و مني انت اصلا ... انت بي عقلك ...كان يعرف ليث والله ماا....
...
قيس قص عليهااا الكلام جبدها من يدهااا يضغط عليها ...نيروز تشوف في عيونه مانزلتش عينه من عيونه بكل ... ...نظرتها حادة كلها قوة...
..
قيس- ليث متااعك بتنسيه اصلا هو يستغل فيك ...يستغل في ضروفك و نقطت ضعفك...ليث لمرته و بس...افهمي شي هدا .. و انتي من لحظة هادي بتكوني معااي زي خيالي... و جربي اخطي خطوة لي برا ولا ديري اي شي...و اني حنكون معاك هني اصلا احني بعاد عالبلاد.
...
نيروز جبدت يديهااا منه بقوة....
نيروز -لا مش صح و تو تشوف ليوم ليث بجي و ينقدني منك... ياوحش...
..
تلفتت و عطاته بضهرهاا...تمتم
نيروز - ناس تكبر وترزان و هدا كبر و خرف...
...
قيس عقد حواجبه مش فاهم شن تخترف بروحها
...
قيس -شني قلتي ! عاودي ماسمعتش...
..
نيروز عطاته نظرت رعب و قربت منه ورفعت صبعها تنبه فيه ..
...
نيروز - ننصحك ترجعني تو لي عند ليث على خاطر مش ح يرحمك.. و ....
..
قيس شدها من وجهااا ضغط عليه لين حست سنونهااا بيتقلعو...
قيس - ليث ... ليث ...لأسم هدا مزل تنطقيه ندفنك و ندفنه حي سمعتي... افهمي مايحبكش هو شراك بوسخه هو يستغل فيك..لكن مش توا بتفهمي شي هدا ..اصلا كيف بتفهمي و انتي مزلتي فرخة حليب امك بين سنونك ... مانعودش كلامي ... غرفتك الفوق جاهزة ...تطلعي وتقعدي فيها و ماتتحركيش ...
.وكل شي يوصلك لي عندك ...
....
قيس دفها. و قعد عالكنبه ...دموعها مطر على خدها... قلبها مكسور...مجروح ...ينزف دم...علاش كل ماتقول دنيا بتضحكلها ترجع لنقطة صفر... ولت تشوف في روحهاا كورة بينااتهم الي يجي يؤمر و يسيطر عليها و يحط غله فيها.... و هدا مني اصلآ... منين يعرفها و علاش جايبها هني و بطريقة هادي... اصلا كبير في العمر تي قد بوها ...
...
..نيروز هكي كانت تقول في نفسها...حست راسها رزين..رجليها مش شايلينهاا...دوخة بدت فيها...حطت يدها على راسهاا ... حاولت تقدم خطوة تمشي...واااااب أطيح فوق حجره ..قيس فتح عيونه ع وسعهم ... يضرب على خدها بالشويه يفيق فيهاا...رفعها و طلع بيها لي دروج ...كل درجة تزيد دقااات قلبه تقوى ...دخل بيها للغرفة حطها عالسرير ...قرب للزيانه...رفع البرافان...يشمم فيهاا...رشها بالشوية مياء...بدت تحل في عيونهااا ...راسها يوجع فيها هلبا...
قيس تبسملهاا...ااااه تبسيمته ياااناس... حفر زين بااانو....عيونه تغمضت شويه..خدا نفس شدها من يديهاا ويتكلم...
....
قيس - مانبيكش تخافي مني و لا تنفري مني...اني عمري مانفكر نأذيك ..لكن انتي في وسط وحوش...و اني بنحميك منهم لازم تكوني معايا و بس ..
.......
نيروز .-علاش دير معي هكي علأقل قولي مني انت...
.
قيس- مانحبش الاسئلة زايدة تو مع الوقت تعرفني...و تواا نبيك ترتااحي ... وتو ننزل نديرلك حااجة تاكليها و نجي.
....تبسملها و طلع... سكر لباب وراه ونزل من دروج يجري...رفع كمام سورية متااعه ...و بدا يطيب في حااجة على سريع...ولبسمة قاعدة في وجه ...لكن مش عارف علاش دار هكي ...عمره لا حب و لا تصرف هكي مع بنت ..مش فاهم روحه علاش يدير هكي ...
..
كمل طيب و حط في سفرة ومشالها...دق لباب و دخل...يشوف فيهاا مطبسة تنحي في سبيدرو متاعها
.رفعت راسها شافتله ... قرب منها و حط سفرة على طاولةة... و طلع. يتكلم بروحه ....
..
قيس -قيس خيرك ..كان جيت متجوز راك جبتها...قد بنتك فيق فيق... انت في راسك حااجة وبس ...انت قلبك كاسح لا تحب و لا تعجب بوحده...خليك ديما هكي ...
.....
.نفخ بعصبية ...و دخل للمكتب متاعه..رفع تيلفون ...كلم واحد من رجاله ..
قيس - يومين و جهزلي زوز بطااقات ذهاب بلا عودة...
..صكر الخط...تكا راسه عالكرسي... و اخرتها يا نيروز شني بندير معاك توا...
....
...
في مكان تاني
ليث قاعد فلمكتب ويتكلم مع فهد ...مدله صورة
ليث - نبيك تلقاها من سماء ولا الارض المهم ترجع وميكون فيها ولا خدش....
فهد - اطمن يومين وتكون عندك
ليث - منحبش الغرور الزايد نبيك تكون عند كلمتك
فهد - مش غرور لكن تقدر تسميه ثقة فالنفس وتو اعتبر المهمة تمت....
...
فهد ناض ومدله يده باش يتصافح معاه...
ليث . تبسم باستهزاء..
ليث -خليها مع لوقت لما تنجح المهمة وتجيبها.... 😏
...
فهد حس بالاهانة.... فهد وما ادراك يخليه ماد يده في لهوا!! ناس تتمنى توصل عنده وهو...... لكن عادي مازل قاعدين فلبداية...
فهد طلع من عنده وسكر الباب.... يدور في عيونه يبي يشوف الوجه لي شافه صبح... الوجه لي دال عقله وخلاه هايم.... قرب من الدروج يسمع في صوت من وراه...
..
ليث . - لباب من هني مش غادي.... ولا فيسع نسيت
فهد -اا. اه لا... غير... حبيت نشوف الفيلا .. بلاك نلقى خيط..
ليث -مهمتك تطلع ودور مش دير كورة بي الخيط
...
فهد طلع وليث طلع للغرفة واول ما فتح الباب يلقاها فاضيه... قبل لما يفتح الباب اول شي يشوفها ويتفقدها.... ليث . يقدم بلخطوة يشم في ريحتها لي مزال مالية الغرفة .... قرب من سرير وشد مخدتها حطها على وجهه ...سمع صوت ....
...
ميساء - للدرجة هادي تحبها !! ومستاحشها !!
ليث - شن مجيبك عندي تو اه!! قلتلك مانبيش نشوف وجهك ..
ميساء - باهي لكن تعرف شي!! ارتحت منها ومن وجودها هني
..
ليث ناض ومشالها وصل عندها طلع المسدس وحطه في راسها... وضاغط عليها...
ليث -تعرفي كان تصيرلها حاجة ..
ميساء -ماهو قلتلك منعرف شي علاش مصر تحملني المسؤولية
ليث -مافي حد عنده مصلحة فاختفاءها من غيرك.... في مني تبيني نشك ..
ميساء - مانعرفش يمكن حد هي تعرفه ....و يمكن كانت تخدع فيك وتو مشت... علاش اني ...
..
ليث بعد المسدس ودفها وسكر الباب... رجع رقد علسرير ومخدتها في يده.... فجأة ناض..
ليث -كيف مافكرتش فيها هادي...... هداكا واطي ويقدر يديرها .......
..
..
في مكان تاني ...
قيس يتكلم مع روحه... قاعد عالكنبه ..وشاد طاسة في يدي...
قيس - تو يومين فاتو عليااا اول مرة نحبس روحي في حوش...هدا كله على خااطر هالفرخة...منعرفش علاش دخلتها في لعبتي ...بنزيد نظلمها بنزيد نتعبها...لكن هدا ماا يمنعش انه هي في آمان معاي .
.....
يسمع في صوت خطوات...تلفت يشوف فيها نازلة من الدروج...مطبسة راسهااا...دموعهااا على خدهاا...قربت لي عنده وشافتله ...وتتكلم ..
..
نيروز - بالله عليك خليني نمشي ...معااش نبي نرجع لا لي ليث و لا لي غيره نبي نرجع للقرايه متااعي وين تربيت و عشت... بالله عليك خليني راهو تعبت من هدا كله ...حس بيا شويه معندكش صغاار ماتحسش ! اكيد اهلي مشغولين عليا... و ....
...
قيس قص عليها رفع يديه باش تسكت ✋
حط الطاسة ووقف قربلها اكثر لين معااش بينهم مسافة ...فوتت يدي على شعرها ...مسحلها دمعتها..
......
قيس- عيلتك يجي يوم و تشوفيهم ...ليث تنسيه...الواطي رواد كيفه...انتي من لحظة حطيتي رجلك هني...تاابعتني اني و بس و قتلك مش بنضرك...انتي في آمان معاي ... طاوعني وبس ...متخافيش ...
...
.جبد روحه شويه و تلفت رفع تيلفون من الطاولة... رجع شافلها ...
قيس - و معنديش صغار و مش متجوز ...اطلعي الغرفتك... البسي حاجة تانيه ...و حطي الدبش الي جبتهولك في شنطة ....باش نسافرو ليلة ...
..
نيروز فتحت عيونها على وسعهم ... فوتت يدها على شعرها بعصبية...
نيروز - شن تقول انت وين بنسافرو شني بطلعني من البلاد بكل ...واصلآ معنديش باسبور...مانبيش نسافرة مانبيش...
....
قيس خدي نفس يهدي في روحه ..وترتله أعصابه تتكلم بصوت عالي ..وتتكلم بيديها هلبا ..
قيس - باسبورك جاهز ...و بإسم تاني...انتي في البااسبور و بطاقة تعريف ... اسمك..رفيف...ولما نرجعو هني تو يرجع اسمك في اوراق عادي... لازم نطلعو الان اكيد قالبين عليك دنيا .. و تو معاش بنزيد نفسر اكثر اطلعي جهزي روحك مزال ساااعتين على طيارة....
...
ضربت رجليها عالارض...دفته بيدها و طلعت تجري... وبعدها واحد من رجاله دخل ...
..
هو - ميسيو قيس... الجماعة كلمونا قاالو غدوة مع الفجر تسليم البضاعة ... في لبرازيل...
قيس- وعلاش غيرو البلاد و اني حززت البطاقات خلاص ..شني ولينا نلعبو ...
هو - مسيو قيس معندنا ولا حل منقدروش نعارضوهم جماعة هدم .. خاصة في لوقت هدا...
.
قيس - باهي برا فيسع قص 2 لبرازيل و انتم لحقو غدوة و كلملي لباقي غاادي يحرسولي الفيلا من الجهات كلها مانبيش نقعد في لاوتيل...
.... .
هزلي بي راسه بي معني تمام و طلع..رفعت الطاسة شربت ..و غمضت عيوني ضغطت عليهم...شديت راسي بيدي حسيته بيطربق في جرتهم... طلعت للغرفة ..جهزت الشنطة... درت دوش علخفيف ...لبست رفعت شنطة و طلعت..دقيت عليها لباب...فتحتلي عيونها منفوخين من البكااء ...باين عليها دارت طرح عاالمي..😒 ..
قيس- جاهزة..
..
هزتلي براسهاا دخلت للغرفة رفعت شنطة متااعها و نزلت لصالة عطيت الشناطي لي رجالي ...شديتها من يديهاا...و طلعنا طلعتها جنبي من لتاالي السواق يسوق و اني كل مرة نسرق نضرة منهاا..
.سارحة و هااايمه...من نظرة عيونهااا تحسهااا رافعه هم الدنيا كله فوق اكتاافها...تنهدت ...حطيت يدي فوق يدها...شافتلي... تبسمتلها نهدي فيها...
...
قيس- متخاافيش..
منقدرش نتكلم اكثر...السواق معانا...جبدت يدي شويه...و رجعت نشوف مع طريق.. حت اني خاشش بعضي مش عارف شن اخرتي معاها مش عارف كيف بنتصرف معاها...و هي مش فاهمة شي من دنيااا و اناا مدخلها في معاامع اكبر من راسها ...
.. ..
..نيروز تتكلم في داخلها
يومين و اني مخنوقة....دمعتي مانشفتش...حاسة بحرقة في قلبي تحرق فيا...غصة في رقبتي...لدرجة هدي اني معنديش حظ في شي...لدرجة في ناااس وحوش ....وفي مكان ل قلب حجرة .....علاش شن درت اني منى ضريت....على خاطر حبيت و عشقت يصير فيا هكي...على خاطر تبعت قلبي عطيت ثيقتي...اي نستااهل كل لي صارلي في جرت قلبي...نستاااهل كل الي صارلي في جرت حبي.... كل مرة ناكل كف اقوى من لي قبله ...حتى ليث نسااني يومين كاملين لدرجة هدي مقدرش يلقااني...مش ماايصعب عليه شي...لكن قيس عنده لحق ...لازم ننسااه هو عنده مرته و اني نزوه و فاتت ...قيس مني هدا الي القدر كل مرة يرميني بين يدين ذيب جديد...نضراته و كلامه احن من ليث لكن هلبا يشبهله الي يفرق بينهم خسلات الشيب... دخت في امري...ستاحشت حوشنا...ستاحشت فراشي...ستاحشت نيروز القديمة
.. مش عارف كيف وصلنا للمطاار بسرعة ...قعدت نشوف فيه اول مرة في حيااتي ندخل للمطااار...شدني من يدي و يكر فيااا وراه...طلعنا في طيااارة قلبي يدق في الالف... غمضت عيوني نقرا في القرآن بصوت عالي...نسمع فيه يتكلم مقدرتش نجااوبه...
...
قيس - اسس خيرك .. طلعناا راهو خلاص ...
حليت عيوني نشوف فيه... شدني من يدي ضغط علياا شوي يحكي..
قيس- عندك لعلم سنه لي فاتت زي ليلة ..طياارة طاحت في البحر و في الي ماات و في الي عااش... و زيادة سنة لي فاتت طيارة طاحت في لغابة كلها حيواناات مفترسة....
....
هو يتكلم و اني نرعش كلي دموعي ناازلة على خدي ....الخوف سكن قلبي... نشوف فيه يتبسم و بعدها طرشق بضحك... ضحكتو الي بينت الغماازات اكثر و اكثر قصيت عالبكاء و قعدت سارحة معاه ....
هو سكت شويه وشافلي بعدها تكلم ...
...
قيس- يعني تو عاادي شي هدا نقدرو نطيحو راهو ..
....
منعرفش كيف كبشت فيه حطيت راسي على كتفه ونبكي و نتكلم..
..
نيروز - بالله عليك اسكت والله نخاف مانبيش ...مانبيش نموت اناا بطريقة هادي ياسر والله قلبي بيوقف...
...
قيس حط يده على شعري ...دور يده تانيه عليااا
..
قيس - بااهي خلاص مااقصديش... متخاافيش مايصير شي... شن رايك ترقدي شويه .. طريق مزال طويله...
...
هزيتله براسي..تنهدت...غمضت عيوني...ومش عارف على روحي كيف رقدت عنده...محسيت على شي... 🔇
.
.
#يتابع ...
#ميمي ...
رايكم ..
أنت تقرأ
ذئاب بشرية(منقولة_ليبية)
Acciónجيت.. بنطيروكم الي سااابع سماااء بتعيشو معاااي في اروع قصة #حب ❤ . رواية تشمل 🔞⚠️ مطااردة عداااوة مااافيا شرطة حزن عشق التمرد السلطة . #رواية بتعيشو معاااها لحظة بلحظة😉 . #ملاحضة .. ⚠️ الرواية .. لا تمثل بلدنا ..وليس له علاقة بي الواقع الي...
