ذئاب بشرية(منقولة_ليبية)

حلقة 8

..رواية بعنوان
#ذئاب_بشرية
....

.
{الحلقة 8 }
....
عند ليث ......
كيف مجاش في بالي بكل ... يعني معقول ضيعت تفصيل مهمه زي هكي !!.... يمكن واكبر شك هو لكن علاش... كان يبيها راهو مسلمش فيها من الأول .... ولا يمكن يبي يبتزني !! لا لا مش ممكن......
..
نضت من سرير مخدتها مزال في يدي ضاغط عليها.... طلعت تليفوني واتصلت ......
ليث -في وحد نبيك تحيبهولي ليلة.....
هو -...........
ليث -اي تو نبعتلك معلومات عليه ......
...
سكرت الخط و عقلي يرفع ويجيب.... محتار ومش عارف شن ندير.... اول مرة نحس هكي .. نحس شي يخصني ضاع مني..... نحس روحي ناقصتني حاجة..... نشوف فسرير ومش قادر نتخيل روحي نرقد فيه بروحي بعد ملقيت روحي معاها.....
طلعت لجنينة نشوفها في كل مكان وندكر فيها وفي تفاصيلها...
نظرتها لحزينة وبراءتها لي طلعتني من عقلي..... نشوف في ميساء واقفة فالروشن تشوفلي دورت وجهي ليها.... نحسها السبب الرئيسي ورا اختطافها.... مانعرفش علاش يمكن كرهي ليها خلاني نشك فيها....
...
.. شوية ورن تيلفوني...
-الو.... ... باهي ... اهو جاي...
...
...
في غرفة مظلمة فيها مصباح واحد ضو متاعه خافت رواد محطوط في كرسي ومربوط.... حتى فمه مسكر ....
فهد واقف مقابله وحاط رجله علكرسي ويشوف فيه نظرا خلاته يخاف.... الي شافه منه مش شويه هو كله يخوف......
.....
فهد كنت قاعد في لبار نبي نشرب وننسى... جاني تليفون... شفت رقم شن يبي مني هادا تو مش كنت عنده !!...
فتحت عليه لخط نسمع فالاوامر متاعه ... قال يبي واحد وبعتلي المعلومات....
ولعت سيارتي ومشيت للعنوان.... قعدت مدرس برا نراقب فيه ..وبعد نص ساعة ..طلع هو وحدة *** لاصقة فيه ....
نزلت من سيارة ومشيتله ووقفت نتكلم معاه.... رواد شافلي بي نظرا نرفزتني اني فهد يشوفلي هكي ... لا وزياده جي ماشي ومش معبرني....
شديت ال** لي معاه ورميتها فسيارة وجبدته هو من سوريته ... وطحت فيه بالضرب لين خليته كله دم....شديته جرجرته فتحت الكوفني ورميته فيه ولعت سيارة و مشيت بأقصى سرعة ومع كل دورة نسمع فيه ينضرب.... حسيت ناري بردت شويه....مزال ميعرفنيش بلباهي.... وصلت فتحت الكوفني وطلعته نجر فيه فالارض مسحتها بيه....
دخلته رميته فلكرسي وربطته ...
. قلبلي راسي بلعياط متاعه يصيح زي لمرا بضبط.... نحير فيهم الاشكال هادم نتقزز منهم اصلآ لا وتلقى ال*** يتلصقو عليهم ما نعرفش شن يعجبهم فيهم...
....
اتصلت بي ليث وقلتله لمهمة تنفدت...
بعد شويه نشوف فيه جاي بكل خطوات ثابتة لكن باين الزعل في عيونه.... قرب من رواد من نظرته تعرف انه بيبدع فيه....
طلب مني نطلع طلعت وسكرت الباب ورايا......
....
ليث..... لما طلع فهد وقعدت معاه بروحي نحيتله لصقة من فمه بقوة لين عيط .... خخخ قداش يقززني عياطه كيف لبنات ....
ليث -وتو تتكلم بروحك ولا نخليك تتكلم بطريقتي...
رواد -شن ... ش تبيني ن... نقول...
ليث -تتكلم وينها ووين حطيتها
رواد -انا ما...
...
ونعطيه بونية.... نكره الكدب....
ليث -ماتخلينيش نعنف بنيه زيك.... تتكلم ولا تندم...وين حطيتها
رواد -والله ما نعرف اني....
...
ونزيده بونية ع بطنه لين بدا يكح....
ليث -مازل مصر تخبي!!
رواد - مرتي ما نعرفش.....
لما قال مرتي نار ولعت فيا..... بايعها وزايده يكدب بكل صحة وجه.... ضربته برجلي لين طاح من لكرسي..... قربت ليه وحطيت رجلي فوق رقبته ونضغط لين وجه بدا احمر ونفس تقطع عليه......
..
رواد -هه... هو... هو......
رخفت رجلي شويه عليه باش يقدر يتكلم ...
رواد - هو... هو كلمته وقالي انساها
ليث -مني هو لي تتكلم عليه
رواد -هو... هو خوك...قيس
ليث -تحاول تلهيني عليك وله !!
رواد -لا والله لا... هو لما كلمته قالي تنساها ولا انت لا خوي يقدر يوصللها ..
..
رجعت ضغطت عليه
ليث -وانت شني دخلك تكلمه اه!! مش بعتها.... والله ورحمة الغاليين نرجع نلقاك تحوم عليها الا ما نطلع بروحك.... وكان تبي تشوف كيف نفد كلامي جرب نرجع نلقاك تحوم ولا تتكلم عليها....
...
طلعت وخليته... قابلني فهد...
ليث - ربوه وبعدها ارموه من وين جبتوه......
...
. ركبت سيارة ومشيت وخليتهم ....
ليش يخطفها وشن هي مصلحته وشن يبي منها.... وصلت قدام الفيلا متع قيس... قابلني واحد من رجاله....
هو - ممنوع تفوت
ليث - حول من طريقي لان *** تو مش ناقص
هو - مسيو قيس مش هني ممنوع تفوت....
ليث -وين مشي
هو - برا لبلاد
...
دفيته ودخلت بسرعة... فتحت الباب فالصالة مفي حد .... طلعت الديار لفوق.... اول مادخلت الباب شميت ريحتها.... اي هي ريحتها نعرفها .... وقفت وقعدت نستنشق فيها... وبعدها فقت ع روحي رجعت نجري لعنده .... شديته من صدره
ليث - وين مشي
هو - منقدرش نقولك
ضربته بونية طلعت الفرد حطيته فراسه وضاغط عليه
ليث -وين مشى
هو -برا لبلاد
ليث -وين قلت
هو -البرازيل
...
جيت بنمشي ...
هو -ماتعبش روحك طيارته بعد ربع ساعة...
..
طلعت بسرعة ركبت سيارة وطرت للمطار... دخلت نجري ندور وين نلقى الركاب متع الرحلة....
ندور لين شفت لافتة رحلة للبرازيل....
مشيت نجري وقفوني الحرس وقالو الرحلة مشت خلاص ..... الدنيا ظلمت في عيوني ....حسيت بغصة ...حسيت روحي تسلبت مني ...
كيف تجرأ ورفع حاااجة ملكي مش ح نفوتهلك يا قيس ...والله لما ننفيك من دنيااا طلعت نكر في رجليا بالسيف...مانعرفش كيف طلعت في سيارة و سقتهااا نلقى روحي قدام البحر...نزلت عيطت بكل قوتي...حسيت الموج حااااسس بيا ...الماا يتخبط على صخرة و طشني ...يبي يقولي فيق فيق ساد ماااغرقت ..