ذئاب بشرية(منقولة_ليبية)

حلقة 10

رواية بعنوان
#ذئاب_بشرية
.
{الحلقة 10 }
....

قيس جبد سلاح و طلع ...فتحت عيوني على وسعهم .... جيت بنتكلم اشرلي بصبعه باش نسكت....نشوف في خالتي هديه دخلت وقيس سكر لباب علينا بمفتاح و طلع ...
قعدت مصدومه مش فاهمة شي..و ملامح خالتي هديه باردة ماتوحي لي شي...
..

.قيس
اول ماجت امي هديه...و شفتها قدامي ترميت في حضنها طول...نرجع قيس صغير....اصلا في وجعي ولا في فرحتي ...اول حد نمشيله هي امي هديه...المرا الي ربتني و كبرتني و ردتني راجل... المرا الي خلاتني نفهم الدنيا من جميع جيهات ...
وهيه دارت المستحيل باش تخلينا اني خوي ليث متفااهمين و متصالحين على خاطر الورث... لكن هو ماقدر حد حتى اني خوه اكبر منه ماقدرني ولا دارلي حساب غروره عاميله قلبه قبل عيونه....
..
.. بعد العشي نيروز طلعت لي غرفتها ...جتني رسالة على تليفوني... مكنتش نتوقعها بكل ... تنطرت من لكرسي رفعت معاي امي هديه و ركبت لعندها...
  ..
سلاحي في غرفتها ...جبدته و سكرت عليهم... نزلت دروج....نسمع في صوت رصاص .. جيت بنطلع من باب التالاني وبلار الصالة كله يطيح يتكسر
... ندسيت ورا الكنبة..كل مرة نشوف شويه و نضرب الي يجي قدامي...
شويه وصوت اختفاء ... طليت بشويه مفي حد...طلعت من ورا لكنبة نمشي و نعفس عالڨزاز...
نلقى زوز من رجالي بس..جيت بنتكلم و نحس في ضربة رصاصة من تالي جت في ظهري...
..
في لحظة فات كل شي بين عيوني ....اخر صورة نيروز ....طحت و ماحسيت على شي...عيوني تغمضو...و غرقت في احلامي في عالم تاني.... نسمع في واحد من رجالي يتكلم ...صوته ماشي ويبعد ....تخدرت كلي...و مانعرفش بعدها شن لي صار....
...
عند ليث
الفيلا معاش دخلتلها ... الليلة في عملية بتصير واني تاعب تاعب ومش قادر نركز لكن خدمة هدي ومافيهاش لعب... لازم تصير العملية من غير اغلاط.
..فيه اوراق في لفيلا لازم نجيبهم ونرجع...
تليفوني يرن ...
ليث - نعم شن تبي تو .!!
هو -لازم تكون هني فيسع
ليث -10 دقايق ونكون عندك
..
سكرت لخط واتصلت بي فهد ..
فهد -ايو !!
ليث -في اوراق فلمكتب متاعي في لفيلا نبيك تجيبهم وتجيني لل***
.فهد - تمام
..
سكرت لخط وكملت طريقي... اكيد صارت حاجة حاجه هدا علاش كلموني تو لازم نوصل بسرعة....
..
عند فهد .لما كلمني ليث وقال على لااوراق فرصة وجت لي عندي ..... منه نفد مهمتي ومنه نشوفها....
..
وصلت للفيلا هدوء مافيش ولا صوت دخلت بشوية .. مشيت للغرفة لي شفتهم فيها لمرة لي فاتت نلقاها فاضيه... مشيت نشوف في باقي لغرف كلهم فاضين... مازل وحدة فتحت الباب قابلتني ميساء ..
هي راقدة وشعرها نازل عليها...... قربت منها مسحت بيدي على وجها... وجها الشاحب والتاعب باين عليه معدبها وهي لي او تحبه ومش قادره تبعد عليه...💔
..
تأملت فيها شويه و طلعت بسرعة مشيت للمكتب وين ماقالي بضبط....
لقيت لوراق خديتهم وطلعت ولحقته وين ماقالي. وصلت نلقاهم في فرفة نلقى ليث قاعد فلكرسي وزوز من رجاله بسلاحهم وراه واقفين....
مقابله راجل مضروب مربوط فلكرسي وزوز مضروبين طايحين فالارض باين عليهم ماتو....
دخلت ومديتله لاوراق....
ليث -تبي تخوني مالا!!
هو -لا.. اني
ليث -انت شني تكلم ...
..
نشوف فيه طلع الوراق وطلع بيرو من جيبه
ليث -وقع هني
..
الراجل من خوفه شد لبيرو ووقع ويديه يرجفو.... حتى من غير ما يقرا شن مكتوب...
شد ليث الوراق وطلع ورفع صبعه يحذر فيه..
..
ليث -جرب عاود لي درته وشوف شن يصير فيك...
..
نفض جكيت متاعه وناض طلع ركب سيارة ورجاله في سيارة وراه....
قدش مسخين وقلوبهم مفيهاش الرحمة....
..
روحو وحت اني روحت  نبي نرتاح.... دخلت للغرفة ترميت علسرير قابلتني صورتها وهيه راقدة... غمضت عيوني نبي ننسى وغطست فنوم.....
...
..
عند ليث ... مشيت للفيلا نحس في روحي تاعب دخلت درت دوش ومشيت بنرقد في غرفتي شديت مكاني وقعدت نتقلب و نوم مباش يجيني....
..
نضت طلعت من غرفتي ومشيت لي غرفة ميساء دخلت بشوية نشوف فيها راقدة محلاها...
قربتلها طبعت علي خدها بوسة... ودخلت معاها فلسرير ناضت
ليث - سمحيني نوضتك ... 🙁
تبسمتلي وقربت عندي حطت راسها على صدري ورجعت رقدت...
و حتى اني رقدت قداش ليااا مرقدتش وهي في حضني... ❤
..
.
عند نيروز نسمع في صوت رصاص و مع كل ضربه قلبي يطلع من مكانه....شن صااير يا ربي نشوف في خالتي هديه ملامحها باااردة ...
جامدة و بعد لحظات وجها بدا اصفر...حطت يديها على قلبها ...وتكلمت بصوت متقطع ...
هديه - ق. قيس
..
قربت لعندها نتكلم ونرشف من لخوف..
نيروز - شن فيه ...شن صاير وينه قيس ...
..
شافتلي بنظرا تخوف ..جبدت تيلفون من شنطتها ...مدتهولي.. ويديها يرعشو...
..
هديه - اتصلي بي اول رقم ...
..
اتصلت و عطيتها تلفون... تركزت على عكازها تمشي و تجي في لغرفة حسيت صوت اختفاء معااش فيه شي و قيس لي تو ماجاش لي عندنا ....
نسمع فيها تتكلم واني مش فاهمه شي..
..
هديه - يا ولد لكلب كان تطلع درتها نطلعلك روحك... اسمعني قيس تصيرله حاجة اكيد ليث خوه مش حيخليك في حالك... صح هما اعداء لكن قدامك انت مستحيل يبيعلك خوه و يسلملك رقبته سمعتني...
...... ... يا واطي كبرت و تعلي في صوتك عليا...علاش وليتو ديوبة تاكلو في بعضكم........اسكت سكر فمك وقف رجالك توا...
...
هي تتكلم واني فاتحه فمي قاعده مش فاهمة شي...من هو هد و شن يقوللها... احني هكي و الباب ينفتح تنطرت من مكاني نحسابه قيس..
.نلقى واحد من رجاله..يديه دم...
قرب عندنا ويتكلم ...
..
هو  - مسيو قيس تضرب بي رصاص في ظهره ومانقدروش نرفعوه للمصحة طلبنااا طاقم طبي تاابعينه جاايين في طريق...
..
نشوف في خالتي هديه طيحت عكاز من يديها و قربت لعنده تبكي و تتكلم ...
هديه - ارفعني عند ولدي...ارفعني تو...
.
نزلنا لوطا ...صالة و لكوجينة مقلوبين بلار كله مكسر... ضغط راجل على بطمة ورا كوترو كبير ...
تفتح باب صغير  ...
دخلنااا منه..نشوفو في قيس ممدود عالسرير..ينزف كله...وجهه احمر
...من غير مانشعر..قربت بسرعة لي عنده .اول مرة نشوفه بلحالة هادي...
فوتت يدي على شعره
خالتي هديه شدت يده و تبوس فيه...
هديه - بعيد سو عليك يا بابا...نعرفك قوي مش اول مرة يصيرلك هكي تحمل على خاطر امك و خوك...
..
تلفتت للراجل تعيط ...