ذئاب بشرية(منقولة_ليبية)

حلقة 3

روايه بعنوان
#ذئاب_بشرية

{ الحلقة 3 }
.
...
. شن لبنت هادي... مفكرة ان الدنيا كلها صافية وقلبها ابيض كيفها.... مش عارفة ان الدنيا معبيا ذئاب ... وولم توقع بين انيابهم... مش حيرحموها.... وهو منى.. هو واحد من الذئاب. زعما يقدر يضرها!!... اصلا هو علاش شراها... باش يقضي بيها مصلحته... وبعدها يلوحها.... 😪
..
وميساء المرا هادي خيرها... تغير عليه وفهمنها... لكن توصل بيها تحاول تقتل... للدرجة هادي الغيرة عند النساء خطيرة !!.. لدرجة انها تقتل روح وعندها عادي....
يعتبر دفاع على مملكتها.....
...
ليث وصل للبار درس السيارة وخش.... دخل لي مكان ...فاضي خاص بيه ... اعصابه فلتت من لي صار.... ميبي يشوف حد... وزياده العملية لي جاي عليها مش سهلة.... اكيد مراقبينهم ويستنو فيهم يديرو خطوة...
. باش يهدو عليهم.... ويطيح كل لي تعب عليه في لمياء..... اصلا فيه واحد ديما في جرته... ويبي يطيحه....من قال بيجي يوم ويكون هو اكبر عدو ليه...🚫
....
.... حط الاب توب قدامه وبعدها فتح الرمز....و حط على كاميرات لي في الحوش ... يبي يطمن ويشوف الي صاير في غيابه.....
ليث يشوف في نيروز طالعة مالدوش ... فتحت التليفون في يدها تشوف فيه.... لقت صور.... قعدت تشوف فيهم... ودير في حركات تقلد فيه... تحاول تقلد ملامحه... هي مركزة فيه يرن تلفون وهو في يدها....
.من قوى الخلعه طاح من يدها....😂
.
بلعت ريقها تشوف فيه.... بشوية قول عليه قمبلة بتنفجر.... شداته بشويه وبعدها فتحت الخط
.نيروز -الو....
مافي حد تكلم.... تسمع في صوت انفاس ... رجعت تحكي
نيروز -كان مش بتتكلم علاش تتصل 😒...
ليث -لسانك الطويل بنقصولك ... وتو حطي التليفون ومعاش تفتشيه ومتنسيش ديري كيف ما وصيتك وكلامي منعاوداش.....
. قطع في وجها من غير مايسمعها.....
. اصلا شن بتقول... صوته يرعب حتى وهو هادي.... مالا كان يتنرفز كيف.... 😳
.
.نيروز حطت التلفون فوق الطاولة.... وهي تقلد فيه وتعلق عليه....
ليث تبسم يشوف فيها وفي حركاتها... حركاتها الي كلها هبال.... حركات عفوية وطفولية.... قص عليه واحد من رجاله لي يخدمو عنده.... وقف قدامه مطبس راسه ويتكلم ....
.
هو - سيد ليث لمكان آمن نقدرو نمشو ..لكن عامر غير الموعد ..
ضرب بيده على طاولة وتكلم .
..ليث - شن معناها غير الموعد امت يعني !!
هو: العشرة في ليل في نفس لمكان كالعادة ..
.
ليث اشرله بيده باش يطلع... و تكى راسه تالي يهدي في روحه .... فات الوقت بين الخدمة و مرات يتصل بي نيروز ويولع فيها ...
.
شاف للساعة لقاها قريب العشرة..رفع الفرد حطه ورا ظهره ..رفع مفتاح السيارة و طلع .حاوطوه رجااله بسيارتهم.. خمسة سيارات كبار في الاسود وهو بينهم  ....
.
وصلو للغابة.. درسو سيارات بجنب بعضهم ..وصلته رساله مكتوب فيها.. " L G A "
تبسم و رجع تيلفون في جيبه يشوف فيهم جاايين ضربوله ضى مرتين نزل من سيارة ..وقف و لع دخان.. غمز واحد من رجاله عطاه شنطه ... قدم خطوة ..
...
ليث - تسلمني نسلمك ...مش هكى قانون لعبه !
عامر - صح لكن شن يضمنلي البضاعة مش مغشوشة..
.
زاد قربله خطوة .
ليث - .والله انت تعرف ليث مليح ماعنديش الغدر.
عامر - واضح.. هات ..
رفع شنطة وكيف بيعطوها لبعضهم في نفس الوقت .. الرصاص بدا يطاير.. ليث وخر لتالي ورا سيارة و جبد الفرد صاوبه على عاامر ويتكلم ....
ليث - منى فينا الغدار ياا بندفعك ثمن غالي على ع
هاليوم ..
رجع شافله يلقاه طايح في الارض غارق في دمه و شناطي مهناش .... ضرب برجليه عجلت السيارة بعصبية و طلع بسرعة طاار..
....
الطريق رحاه...منى لكلب الخاين. اكيد في واحد بيناتهم.....لكن مني.... لازم يراقب مليح ويعرف منى الخاين الي بين رجاله.... وصل قدام الفيلا.... نزل وخبط الباب قريب يكسره.... وهو داخل عرضاته ميساء فالباب....
. تبكي ودموع التماسيح في عيونها...
.
ميساء -شفت شن دارت فيا ..!! ال*** الي جايبها ضربتني....
.
ليث شاف فيها خدش في وجهه ... .. دفهاا وكمل طريقه .... وصل قدام باب الغرفة فتحه لقاه مصكر ... تفكر اا قالها سكريه بلمفتاح.... دق بلقويه خلعها.....
.
نيروز كانت غاطسة تقرا في كتاب لقاته ... ناضت تجري خايفه...مشي في بالها ميساء الي من صبح تحوم على الغرفة تحاول تدخللها....
نيروز - شن تبي مني تو قتلك خليني في حالي.....
.
ليث -افتحي الباب فيسع قبل لا نهده على راسك ..
.
نيروز لما سمعت صوته طمنت... لكن عياطه خوفها... فتحت دفها بلقوة ودخل.....
ليث - خيرا *** .. رسك مسكر اه....
ليث يتكلم ويقرب منها... وهي من خوفها ترجع بالخطوة.....
ليث - مش قتلك من الغرفه ماتتطلعيش !! مش قتلك كلمة لا ؟!
.
نيروز قاعدة تشوف فيه ومش فاهمة شي.... شافت وراه ميساء واقفة... وابتسامة النصر على فمها....😈
...
ليث شاف في عيونها ورجع شاف وين كانت تشوف...
يلقا ميساء تتفرج عليهم...
ميساء كبست روحها بسرعة... رسمت على وجها ملامح الحزن... وتعصر في روحها بالك طيحلها دمعة.....
.
ليث شافلها وأشرلها بي راسه امشي.... متحركتش.... كبس على يده وجا بيمشيلها ... ميساء خافت ومشت تجري لي غرفتها ...
مرته ويعرف افلامها... فهم انه هدا كله لعبة منها....
.ليث. تلفتلها بيتكلم ..... يشوف فيها عيونها بدو يتسكرو ... نيروز تحس في راسها رزن .... شدت راسها...و. الارض دور بيها وجت بطيح...
ليث شدها في اخر لحظة.... رفعها و حطها عالسرير ... يفيق فيهااا.. لكن شي... عيط بصوت زعزع الغرفة كلها ....
طلعتله الخدمه تجري... ترعش كلها...
.
ليث - تعشت نيروز اليوم !
الخدمة - لا لا من لما انت طلعت ا مكلت شي و ماطلعتش من غرفتها اصلا...
يتكلم معااها و يرص على سنونه ...
ليش - و اني شن وصيتكم " اه مطرودة ..
الخدمة -  سامحني سيد ليث راهو مدام ميساء هي السبب..
ليث - قتلك مطرودة البرا تحركي ...
.
ليث نزل يجري للكوجينة... يشوف في اي حاجه قدامه... عبى طبق بي لي جا قدامه و ركبهلها ... رشها بشوية مياء ..
.
نيروز .بدت تفتح في عيونهاا.. سواها عالسرير... و بدا يوكل فيها بالشويه... نسى روحه ونسى العصبيه الي كان فيها من ساسه لراسه..نسى الي صاار كله..... كمل وكلها عطاها تشرب.. ساوا روحه وتكلم ...
.
ليث - المرة جاية تردي بالك على روحك مش ديما بنكون موجود... و تناادي للخدامه تجيبلك تاكلي ماتتحشميش و ماتخافي من حد ... فهمتي شن نقول !!
.
نيروز هزتله براسها ... وجها اصفر في حالة ...عيونهاا حمر ... تهرب في عيونها منه حسته كلاهااا بعيونه
......
جا بيطلع تلفت يتكلم ..
ليث - معاش تلبسي  توته هدي .. 😒
نيروز شافتله مستغربة شن يخرف هدا..
نيروز - انت الي شريهالي راهو ...
ليث - غلطة و معاش تتعاود ...
طلع و سكر البااب... فوت يده على وجهه... مش فااهم روحه بكل شني بيدير فيها الفرخة هدي...ا
....
نيروز مستغربه فيه وفي تصرفاته.... مرة حنين.... ومرة عصبي كان يوقف في طريقه حد يقتله..
.
ميساء قاعدة في غرفتها تستنى.... خايفة ... اصلا من يقدر يلعب عليه.... الي يغلط معاه يخلصها بي دوبل....
.
ليث ماشي عندها والشر يطاير من عيونه.. وصل عند باب غرفتها.... هده روحه... لازم يعاقبها  بيعدبها... لان يعرف نقطة ضعفها .... في لحظة صارت ملامح وجهه باردة... فتح الباب دخل...
.
ليث وقف يشوفلها.... ميساء طلعت راسها شافته... يبان هادي يعني مش جاي يحاسبها... فرحت والضحكة ترسمت على وجها...
.
واخيرا سامحها ورجعلها... ليث تبسم...و فتحلها يديه...
ميساء ناضت تجري عنده.... حضناته.. مش مصدقة.... ستاااحشته هلبا ... حضنته وتبوس فيه من رقبته ....... وهو ضاغط على ظهرها ....وفجاء رخا يديه... شدها من يديها....
ميساء جبدت روحها تشوف فيه... تحاول تفهم...
.
ليث دفها بقوة جهده على الحيط.... شدها من فكها وضغط عليها....وفجاء ملامح وجهه تحولت ..كانه وحش .....
.
ليث اني شن نبهت عليك ! شن وصيتك ! نيروز الي يمسها نمحيه من وجه الارض... هي عشيقتي يعني ملكي ... و انتي تعرفي مليح شن ندير للي يمس حاجه ملكي... قوليلي شن ندير فيك توا اه ..
.
ميساء تحاول تفك روحها منه ...وجها احمر علأخير.... وترعش .. قوت روحها و دفته بي كل قوتهاا... تشوفله ترعش و تتكلم..
ميساء - اني ميساء مرتك .. مرت ليث ... اني ملكك.. مش هي اني معشوقتك مش هي... اني بنت الاصل مش هي ادرا منين جايبها..
.
.. قربتله اكثر شدته من سوريته ..
ميساء - مافي حد يقدر يبعدك عليا... انت تحبني انا بس ...علاش تنكر و تخبي انت مازل تحبني ليث...
.
شدته من وجهه ضغطت عليه..
ميساء - شوف لما نبدا نتكلم معاك ....
.
قبل ماتكمل جملتها ليث نطرلها يدهاا... دفها عالحيط... رفع صبعه ينبه فيهاا ..
ليث - المرة هدي اخر تنبيه ليك .. بعدي من طريقها و هي كيفها كيفك في الحوش هدا...ردي بالك تحاولي تغلطي معاها حت  بي كلمة... ماتخلينيش ندير فيك حاجات تقعدلك تاريخ .. فهمتي ميساء ! ... قتلك فهمتي !
.
ميساء هزتله براسها...من . الخوف .. .. طلع و طربق البااب ... فوت يده على وجها بعصبيه.. نزل لوطة طلع لجنينة ... ياخد في نفس ... يحس في روحه مخنوق من الي صار هاليله...تلفون رن
. جبد تيلفون يتكلم ....
.
ليث - تعرف معلم والله...
هو - طالعلك...
ليث - امت نشوفك...
هو - عن قريب..
ليث - حاول هليومين ..
هو - باهي ... حقك غدوة يتصبلك في المصرف.. جوك باهي..
ليث - ههههه عللاخير جوي باهي... طير توا...
.
.
.
#يتابع 🔇
.#ميمي
تفاعل ضعيف 💔
كل مايكون تفاعل ضعيف حتكون حلقة قصيره☺
.