رواية بعنوان ..
#ذئاب بشرية ...
..
كتابة #ميمي..🖤
حلقة ..{ 29 }..
..
__________________✅🚫
...
قعدت حاضنه غسان...نشوف فيه قرب لعندنا...مع كل خطوة يديرها...قلبي يوقف...نحس في النفس بيتسكر عليا...حطيت يدي على بطني...حسيت بي مغص يمكن من كثر الخوف .. لكن لازم نواجه كل شي ...لازم نتحمل مدامني خشيت في لعبتهم...شافلي مش عارف كيف و رجع شاف لنجوى مرت بابا ..
..
طارق - مدام تقدري تروحي على حالك مانبيكش انتي عندي الكلام مع غسان...
(هزتله براسها مرعوبة و طلعت بسرعة....خديت نفس نهدي في روحي...نستنى فيه شن بيقول...ترعبت من سكوته اللي طول ...و نضراته اللي مش مفهومة ...جبد كرسي و قعد حط رجل على رجل... قرب منه غسان ... )
غسان - طارق بي اللي درته هدا فتحت على روحك باب جهنم...
طارق - لا لا انت و الاميرة اختك دخلتو للجحيم متااعي...
غسان - شن دخل اختي ...مشكلتك معانااا احني.
(شافلي ...واشر بصبعه ليا...)
طارق - مش مرت قيس ! يعني تولي دخلها بالسيف عليها...مسكينة صغيرونة بتموت و ينقصف شبابها زي ما صار مع مرتك بالضبط...
(نشوف في غسان وجهه احمر حسيت ملامح وجهه تغيرت وخر خطوة التالي... يطلع في الكلام بالسيف... )
غسان -انت...انت الي قتلتها ...
طارق - اممم قتلت مرتك و قتلت بنت عمك .. هدا قانون اللعبة...عمك مباش يخلينا في حالنا قال احني اللي فسدنا البلاد...و انت كنت في صفه لكن بعد الحاادث دخل قيس عالخط...و طلع يعرف يلعب مليح...😏
..
( في لحظة جا بيقرب لي عنده يضربه ...شدوه رجاال طارق وهو بين يديهم .. عروق راقبته باينين قريب يطربقو من العصبيه...🔥يتكلم ودموعه على خده ... يتكلم بعياط و نبرة صوته فيها وجع وقهرة... )☠
..
غسان - قتلتلي مرتي..قهرتني عليها يا واطي..والله لما نقتلك يا طارق و الله لما ندفعكم كلكم ثمن غالي..علاش علاش شن دارت هي علاش تقتل فيها...في جرتك سنين معاادي اولاد عمي في جرتك قريب اغتصبت اختي...سيبني ..تي حول...متحامي بي رجالك يا واطي...اني اللي بنفضحك اني اللي بنوري للشعب بلاويك نقوللهم شوفو المسخ اللي تبو تنتخبوه...تي سيبوني...قول لكلابك يسبوني... 👿
..
(اشر لرجاله سيبوه...وقف قرب لعنده... )
طارق - هادي قرصت ودن..كان تبي اللي صار لمرتك و صاحبتها يرجع يصير مع اختك ماعنديش مشكلة ...
غسان - لا غالط انت قتلت مرتي و لدنا الي مجاش للدنيا مرتي كانت حامل يا واطي..غسان بن*** مايتهددش يا طارق...و نيروز اختي و مرت شيطان ..قيس مش ح يسمحلك تمس شعرة من مرته...لما تبي تلعب العب مع اللي قدك...
طارق - تو نتقابلو على قريب...
(طلع و وراه رجاله...قربت لعند غسان بسرعة وحضنته...حاوطني بيديه...غرس راسه في رقبتي...يبكي بالشهقة اول مرة نشوف غسان موجوع لي هالدرجة...
غسان - حرموني من كل شي يا نيروز ..💔
(جبدت روحي شويه...شديته من يده قعدته عالكنبه...مشيت جبت طاسة ميه عطيته شرب و قعدت جنبه .... )
نيروز - غسان لازم تحكيلي الي صار كله باش نعرفو نتصرفو...
غسان - لا خلاص ساد معاش ادخلي روحك من غير مادوري على الملفات...كان صار ولقيتهم انتي يقتلوك ...اني و قيس مش مستعدين لخسارة تانيه ...
(حطيت يدي على كتفه ضغطت عليه... )
نيروز - بتحكيلي الحادث الي صار كيف و علاش بتحكيلي كل شي غسان و تو ...
( جبد صورتها ...تكا راسه لتالي خدا نفس و بدا يتكلم...)
....
_____________________🚫✔
....
عند غسان ...
قبل 8 سنين .. 2011💔
كنت قاعد في شركه اني و قيس كملنا الاجتماع متاعنا... قعدنا نتكلمو و فرحانين بصفقة اللي ربحناها...جتني رسالة من مرتي...قالتلي نلحق عليها للحوش.. استأذنت منه و طلعت...
نسوق بسرعة اول ماوصلت للحوش... فتحت الباب وخشيت قابلوني صور بيبي و امبايل و صوري اني وياها معلقتهم في كل مكان.... و رسومات متااعها ...خشيت انادي عليهاا... و مش فاهم شي..
غسان- راسيل ياروحي وينك...
طلعتلي لابسه قفطان طويل .. وشعرها مفرود ع ضهرها نعشقها محلاها ... قربت بسرعة جبدتها لي عندي ..
غسان - شني هدا كله شن في ..
راسيل - غسان احني بيجينا ضيف على قريب..بيملى علينا حياتنا...
(عقدت حواحبي...)
غسان - مني ... (رفعت يدها حطتها على بطنها...قلبي خض نزلت على ركابي حطيت يدي على بطنها ..)
غسان - راسيل انتي !!
راسيل - مممم انا اي هههه
..( رفعتها ندور بيهااا ونبوس و نحضن فيها كليتها ماكله...في لحظة عيونها تعبو دموع جبدت روحها مني... )
راسيل - خوتي و بابا غسان..
( بستها من جبينها حطيت يدي على خدها...)
غسان - ماتخافيش انتي مرتي...يعني اللي في بطنك مش ولد حرام..و احني مالقيناش حل تاني إلا ان نتجوزو من وراهم على خاطر امك و امي رفضو...و زياده جابولك هداكا الواطي...تو هداك راجل 🙄... رسولتي حبي..اني معاك ماتخافيش من شي..غدو نديرو لمة و نستدعوهم كلهم و نحكولهم...
(هزتلي براسها لا .. )
غسان - قتلك ماتخافيش عاد...
(اني هكي نتكلم و تلفونها رن رفعت جبدته تلقى قيس هو اللي متصل خافت و خشت بعضها...فتحت لخط تتكلم بالسيف.. )
راسيل - ايوه قيس...شني !!! لا لا مستحيل لا .. باهي باهي اهو جايه...
(صكرت التلفون ...وتطلع في الكلام بالسيف...
راسيل - يارا توفت ...
..
_______________________🚫✔
أنت تقرأ
ذئاب بشرية(منقولة_ليبية)
Acciónجيت.. بنطيروكم الي سااابع سماااء بتعيشو معاااي في اروع قصة #حب ❤ . رواية تشمل 🔞⚠️ مطااردة عداااوة مااافيا شرطة حزن عشق التمرد السلطة . #رواية بتعيشو معاااها لحظة بلحظة😉 . #ملاحضة .. ⚠️ الرواية .. لا تمثل بلدنا ..وليس له علاقة بي الواقع الي...
