ذئاب بشرية(منقولة_ليبية)

حلقة 14

رواية بعنوان
#ذئاب_بشري
.
{الحلقة 14 }

.

رديت عليه وطلعت بسرعة بنلحق عليهم... نبي نعرف وين تبي توصل مش قتلها متطلعيش ..ركبت سيارة وطرت عندها ...
.

..
عند فهد .. لما سمعت اسمها قلبي نخصني ... حبيت نفهم منه اكتر لكن هو طلع بسرعة ... مشيت وراه ركبت سيارة ولحقت عليه ...
.
عند ميساء..... نحس في راسي رزين نفتح في عيوني بشوية... غرفة بيضا نحاول نعرف اني وين... تذكرت اخر شي لما طلعت بي سيارة من الطريق...
نشوف فيهم حاطينلي تغدية في يدي... جيت بنوض مقدرتش راسي يوجعع فيا..
رفعت يدي نلمس في راسي لقيتهم حاطينلي لصقة حطيت يدي عليها توجعت...
نشوف في لباب انفتح بقوة وخش... اي هو من غيره... خش ولخوف باين في عيونه... قرب مني شدلي يدي يتكلم بلهفة وخوف..
ليث -ميساء ياروحي شن تحسي في روحك تو
..
قالي ياروحي... مصدقتش الي سمعته... نتكلم بصوت متقطع مزال دايخة ووجع بطني لي تو ما وقف.
ميساء - ح حمد الله تو
ليث -مش قلتلك متطلعيش مزال تاعبة .!!
ميساء -اني ا...
ليث. -باهي تو نتكلمو بعدين ارتاحي توا....
...
قرب عندي باسني من راسي.. اخر شي توقعته نشوف الخوف في عيونه... طلع برا يتكلم مع دكتور واني رجعت غمضت عيوني ..
...
عند ليث.. نحس في روحي بنهبل من الخوف... اول ماوصلت وشاورولي على غرفتها مشيت نجري فتحت الباب بقوة...
نبي نسمع منها انها هيا اكويسه... قربت منها شديتلها يدها ونتكلم ... ما يهمنيش لا شن دارت ولا شن صار كل اللي يهمني تكون بخير وميصيرلها شي..
..
. طمنتني كنت بنلومها علاش طلعت لكن وجها تاعب وكلامها المتقطع رجعت غيرت رايي... خلي ترتاح وتنوض بخير قبل...
نشوف في يدها على بطنها عرفتها مزال موجوعة... بستها من راسها وطلعت نكلم في دكتور بنعرف وضعها ونزيد نحكيله على وجع بطنها .....
..
ليث -دكتور مرتي شن وضعها !!
دكتور - سيد ليث المدام بخير معندها شي غير ضربة ع الراس... لكن بنخلوها ليلة عندنا نطمنو عليها وتطلع
..
ليث -باهي لمهم تكون بخير هدا المفيد... دكتور وجع بطنها لي تو موقف ..
دكتور -تشرب في دواها!!
ليث - تشرب
دكتور -باهي تو نديرولها شوية تحاليل ونشوفو خيرها ..
ليث -باهي  امتي لديروهم ...
دكتور - امتي ماتبي حضرتك ..
ليث -اوكي نتكلم معاها ونقولك
...
..
عند فهد
نشوف فيها....قلبي وجعني على حالتها...كل شي كنت نتوقعه غير انها تكون بالحالة هادي....هو سبب وصلها هكي....ذلت روحها..و مرضت روحها على خاطره ...تمنيت لو نقدر ندخل...
.
ونبوسها و نحضنها...ونقوللها ..اهو اني هني ..اني معاك ماعمري نخليك ...
تلفوتي يرن ..طلعته من جيبي.. رديت ..
..
فهد - متقوليش جيتي ...
نسرين  - ههههه اي اهو في الحوش مالقيتكش...
فهد - ربع ساعة و نكون عندك ....
..
صكرت لخط ..رجعت نشوفلها .... مليت عيوني منها و طلعت ....
..
..
عند ليث رجعت عندها... منبيش نخليها بروحها اكتر... تذكرت صبح كيف مكبشه فيا وتبيني نقعد معاها...
منعرفش خيرها لفتره هادي ميساء غير ميساء لي نعرفها منعرفش خيرها...
دخلت نلقاها رقدت قعدت في الكرسي بحداها شديتلها يدها بستها وقعدت نتأمل فيها...
رغم المرض مزال جمالها طاغي....
..
.
عند نيروز ...
دخلت للغرفة متاعي نرتب في دبشي و خالتي هديه...قاعدة تهدرز معاي ...تحكيلي على قيس و ليث ...تمنيتها تحكيلي علاش العداوة هادي بينهم و شن سر حرقة الي في ظهر قيس..
لكن هي حسيتها ماتبيش تجبد الموضوع بكل....و اني مبيتش نسألها..
.كملت رتبت كل شي...شديتها من يدها...و نزلنا في دروج ....
.
نشوف فيه داخل...مخبي يديه ورا ظهره ...كانه مايبنيش نشوف ...
قعد يتبسم .... تبسمتله و كملت دخلت معاها للكوجينه....
لحقنا ....جبد كرسي و قعد ......
..
قيس- امي هديه.... الليلة طالع متعشى برا ...من غير ماتعبي روحك ...في تجهيز العشي ...
هدية - مزل مريض وطالع تتعشى لبرا و كان جت حتى ماكلة شارع تصلح...
قيس - بصراحة مش بروحي ...
..
عقدت حواجبي ....نستنى فيه يتكلم و يقول مع مني طالع ....
قيس- بنقابل وحدة...
..
في لحظة ترخفت كلي...حطيت سكينة من يدي و طلعت ... لي غرفتي ...نمشي و نجي منعرفش علاش فكرة ان بيتعش ويفوت ليلة مع وحده عصبتني....
.
نسمع في صوته يتوجع... فتح لباب و طلع...نلقاه في الممر ..مقعمز يتوجع ... قربت منه بسرعة وشديت يده .. ...
.
نيروز - خيرك علاش هكي شفت كيف ماتسمعش في لكلام... اهو موجوع ...وفوقها تبي تطلع تسهر ..
قيس- و انتي ليش متعصبه تو ... عاونيني نوض نمشي لغرفتي ..
وقفت....شافلي بستغرب .... طبست عليه شويه...
نيروز - ملا قول للي بتسهر معاها تجي تعاونك... 😒
.
دخلت لي غرفتي و طربقت الباب...
..
قيس...
اصلا ماكنتش موجوع...حبيت نتسهوك عليها...عرفتهاا غارت...اني نفهم المرا من نظرة عيونها ....
بحكم خبرتي هههه تركزت على يدي و نضت...قربت للباب غرفتها ... دقيت مرتين مافتحتش ..حاولت نفتحه لقيتها...مسكرة الباب بالمفتاح...
.
خذيت نفس......
قيس - نيروز افتحي لباب نتكلمو ... نيروز تسمعي فيا...
.
.... نعرف انها تسمع فيا وماتبيش تجاوبني...
قيس - باهي جهزي روحك ساعة تانيه نلقاك قدامي لوطة...
تلفت جيت بنمشي سمعتها دروت لمفتاح وفتحت باب.....
نيروز - يعني...مش قلت ...
.
قصيت عليها .. تلفتت شديتها من يدها قربتها ليا ....
قيس - ماقلت شي...قلت حااجة بس ساعة تانيه نلقااك جاهزة..ونبيك تلبسي احلا قفطان عندك... 😉
..
رخفت يدي من عليها....غمزتها و دخلت لغرفتي ...
..
دخلت درت دوش خفيف... لبست ..وقعدت نشوف لي روحي...استاحشت قيس القديم... استاحشت كل شي فيا..
.ليلة بنوري نيروز ان اني مش شيطان مش قاتل و مجرم...اني مش متع مافيا ....طريق هدا دخلتله بالغصب...نبي ناخد حقها...اخر كلمة قالتها مزال تزن في وذني"" احرقه يا قيس...اقتله...عدبه ""
..
قطع عن تفكيري صوت تيلفون .. فتحت لخط ...
قيس - وي ..
هو - مسيو السويت لقيناه محجوز...
قيس- لي منى !..
هو - غسان ال****
...
كبسة يدي.... اووف ديما في جرتي هالحقير ..
قيس- باهي معاش نبي صكر ...
..
صكرت لخط فتحت الدرج...جبدت لمفتاح...و طلعت ...نزلت لوطة نلقى امي هديه تقرا في كتاب...قربت منها بستها من راسها ....
حولت نظرات ...تبسمتلي...فوتت يدها على خدي ...
...
هديه - قداش ستاحشت ريحة هادي...
قيس - هدا علاش درتها ..نبيها تقعد ديما معانا ونحس يي وجودها .. هي بتقعد عايشة معانا ... هي مماتتش... اكيد زعلانه مني مخذيتلهاش حقهاا يا امي...8 سنين ومجرم قدام عيوني ومعرفتاش...
.
هديه : تو تلقااه ...اكيد بتلقاه...لكن مانبيكش توسخ يديك سلمه للقانون يحاسبه ..
..
جيت بنرد عليها سكتت ..لما سمعت صوت طقات كندرة ...دورت وجهي نشوف في نيروز نازلة...قعدت نشوف من لكندرة لين وصلت لي وجها...
..
كندرة حمرة عالية ...قفطان قصيرة اسود....شعرها رفعته فوق شويه...مكياااج غاامق...زاد بينلها عيونهااا الكبار ...
قربت مني ...
نيرز - اهو جهزت نفسي ..تمام هكي 😒...
تبسمت على جنب...
قيس - تمام 😌...
.
وقفت امي هدية قربتلها... مسحتلها على شعرهاا...
هدية - مشاء الله على بنتي ...محلاك نجمة ضواية...
قيس- هيا وقت ...امي ماتنشغليش عليناا...
. ..
هزتلي براسها ...بستها من جبينها...شديت نيروز من يدها و طلعنا....
ركبنا في سيارة...نيروز شافتلي ....
نيروز - ..وين رافعني ...
ولعت سيارة ...رجعت نشوفلها ...اشرتلها بصبعي باش تسكت...
طول طريق ساكتين... كل مرة نسرق نظرة منها.. شويه وسمعت تلفوني يرن ...جبدته من جكيت...نشوف في رقم واحد من رجالي..فتحت لخط نسمع فيه يتكلم..تبسمت وصكرت و دورت سيارة وبدلت طريق... ونيروز قاعدة كلمة لا....وصلت درست سيارة ...تلفتلها ..
..
قيس- أنزلي وصلنا...
.
عقدت حواجبها..تشوف في المكان ....
نيروز - شني هدا وين حني ..هدي غابة !!
.
نحيتلها الحزام ....ونزلت ........درت فتحتلها الباب نزلت...
قيس - صح غابة...لكن منقدرش ندخل سيارة اكثر...الحوش قريب ...
هزتلي براسها...قعدت مكبشة فيا نمشو.... لين جانا كلب يجري...خافت تخبت وراي وتعيط ...بديت نضحك عليها و نزلت للكلب نلعب معاه...
..
قيس- متاخفيش تابعي ميدير شي...عرفني من ريحتها...
نيروز - ريحت منى ..
..
...بلعت ريقي بسيف...
قيس - ن..نقصد ريحتي.... هيا نخشو ...
فتحت لباب و دخلنا...نشوف في نيروز فتحت عيونها على وسعهم...حطت يدها على فمها....كل شي كانت تتوقعه الا شي هدا...
..
..
نيروز دخلت للغرفة...مش مصدقة ...قريب نكدب عيوني....
شمع  في كل تركينة..🕯
..الارض مفروشة ورد...🌸
طاولة منصوبة في الوسط ..
.عليها كل انواع الماكلة... 🍕
تلفت بنتكلم مالقيتاش....قعدت نادي عليه...لين حسيت بيد حاوطتني من تالي....و بوكي ورد قدامي....نفس متااعه سخون  في رقبتي....
قيس - نيروز ...وين كنتي متخبية عليا طول 8 سنين هدم ... علاش ماجيتيش من قبل راهو كل شي تغير في حياتي...تعرفي انك انتي في وقت قصير ...رجعتي قلب قيس القاسي يدق الف دقة..ليك....
  ..
غمضت عيوني...كلامه لخبطني...استحليت نفس متااعه و لمسته...  ...وقف قدامي و شدني من يدي...قربني للوسط بضبط..
...شغل الموسيقى...قرب مني...رفعلي يدي حطها على كتفه...ويده تانيه في يدي..دور يديه على ظهري...لسقني ليه ...
لين وليت نحس بدقات قلبه  المتسارعة....اني منعرفش نرقص سلو..🎼
لكن هو يمشي فيا بشوية نتبع فيه..خطوة بخطوة...
عيوني في عيونه ...
عيونه يتكلمو ومخبي هلبا حاجات وجع وحب ...وفيهم لمعة تهبل..
.يدبحو اي وحدة...بدا يقرب لي وجهي بشوية لين انفاسنا تخلطت...
غمضت عيوني جنني  قربه... في لحظة حسيت الوقت وقف كل شي وقف....
حط شفايفة على شفايفي وطبع بوسة بشوية ..🙊💋.
.
جبد روحه شويه..عيونه ذابلين ويتكلم بصوت كله حنية...
..
قيس - هبلتني ...طلعتني من ام عقلي...خليتني نعشقك لما خترتي  تكوني معايا...
لكن ليلة هدي لام تجاوبيني علاش قعدتي معاي وغيرتي رايك في اخر لحظة...
.
نيروز - على خاطر ... لقيت فيك الي عمري ماالقيته في حد... حتى ليث خوك كان مستعبدني .. لكن أنت حاجة تانية ..وكل شي.....
..
مخلانيش نكمل كلامي عاود باسني من شفاايفي 🙊💋
جبدت روحي شوي...مطبسة راسي ...
نيروز -ج..جعت يسو...
رفعلي راسي بيده...وشافلي و يتبسم...
قيس -  جعت شنيي...
نيروز - يسو... 🙈💋
..
حتى وان كنت ملكاً ..حتى وان كنت وحشاً
حتى وان كنت قوياً..حتى وان كنت مهاب
حتى وان رآك الجميع قوياً ..لابد لك من حضن تلقي بنفسك به انهو الأنثى ..❤

ضحك بعلو صوته...جبدني حضني عنده بقوة...

قيس - انتي من اللحظة هادي...روح..يسو وحب يسو و عشق يسو ...و....
.
جبد روحه شوي...في لحظة ملامح وجهه تغيرت ... شدني من وجهي...
.
قيس - و ملك يسو... ومافي حد يتجرأ يقربك من ليوم...👌
..
تبسمتله... شدني من يدي و قربنا من طاولة...قعدناا بدينا ناكلو...
من الخوف و من الفرحة...منعرفش كيف بسرعة ماكليت الي قدامي كله...
..
تبسملي...ووقف...قربلي شدني من يدي...طلعنا للغرفة ....

قيس - نيروز نبي نرقد عندك... نرقد عندك بس...نبي نحس بالاماان..الي فاقده ليا هلبا ... انتي تعرفي ما عمري مانفكر نضرك ولا ندير شي يزعجك ....
.
هزيتله براسي...حسيت بيه من كلامه...من نبرت صوته موجوع هلبا... 💔
قربت منه نحيتله جاكيت متااعه ...رميتها عالسرير....طبست نحيت كندرة متااعي..وهو نحا كندرته...دورت من جهة تانية  جنبه
..جبدني عنده...بطريقة راسه على صدري...وحاوطني بيديه...دورت يدي ورا ظهره...و يدي تانية نلعب بيها ع شعره...
صوت انفااسنا بس في لغرفة... منعرفش كيف رفعنا النوم.... فتحت عيوني .عيطت بعلو صوتي...لين قيس تنطر من بجنبي..
قيس- شن فيه ...
...
..
قيس ...
لما  حضنتني...حسيت بأمان الدنيا كله.... حسيت روحي مالك الدنيا كلها بين يديااا...
منعرفش كيف رقدت عندها...غطست في نوم كانه ليا سنين مرقدتش..
.نضت مفجوع على صوت عياطها...فتحت عيوني على وسعهم لما شفته  قاعد على لكرسي ....
و يتبسم و مولع دخان....
..
- صحة نوم ...رقدتو مليح انشاء الله نكون مدرتلكمش ازعاج ...

#يتابع ..🚫
#ميمي..❤
رايكم وتوقعاتكم .. !!😦