ذئاب بشرية(منقولة_ليبية)

حلقة 26

رواية بعنوان ..
#ذئاب_بشرية ...

الحلقة { 26 } .
...

قلبي حسيته بيطلع من مكانه واني كل مرة جايتني مصيبة... 💔
نيروز - باهي نوعدك مانقول لي حد شن في تكلمي ....

..
بدت تحكيلي و اني نسمع مش مستوعبة شي او نقولو مانبيش نصدق لدرجة هدي ناس قلوبها حجر ...لدرجة هدي الرحمة مايعرفوهاش...علاش في شن ضريتهم اني..يبو يخربولي بيتي و ييبو يحطو راجلي في الحبس مستحيل نسمح لشي هذا لازم نبعدها على قيس اي لازم..
...
نيروز - لازم نقول لقيس...
ميساء - لا لا سلم اختي بالله عليك ماتقوليله اكيد نلقو طريقة تانيه نبعدوها علينا...و على راجلك...اني خسرت ليث خلاص..
نيروز - لا مخسرتيشي و اكيد تو يجي يوم و يعرف الحقيقة كلها اني تو نقولك شن نديرو بالتفصيل...ركزي معايا...
...
حكيتلها و خططنا لي كل شي ...تبسمت على جنب ...تبسيمة كلها شر 😏..نشوف فيهاا مسحت دموعها و ضربتني على كتفي...
..
ميساء - ما يطلع منك اه هههه صغيرونة لكن العقل مشاء الله و انتي تباني عاقله... 😂
نيروز - ههههه ايه بنطلع انيابي مدام عايشة بين ديوبة .. ديري الي تفاهمنا فيه و اكيد ربي معانا ..متخافيش باهي !
..
هزتلي براسها طلعت وقعدت اني نستنى فيه امتي يرجع..والله الا منوريها كيد النساء شن يدير ...
نضت شربت دواء وقفت قدام المراية...نشوف في روحي لابسة روب اسود ..نفوت في يدي علي شعري ونتبسم و نحكي...
نيروز - تو تشوف صغيرونتك شن ادير ... ردبالك تزعلي من اي حاجة باهي نيروز... لازم تكون قويه في الي بنديره وزعل مش باهيلي لازم نحمي راجلي من الاشرار... وبعدها يجي دور مرت بابا ...
...
اني هكي و نسمع فيه من تالي ...
قيس - شني هبلت تتكلمي بروحك ...
..
تخلعت نبلع في ريقي بالسيف زعما سمع شن قلت ...قربت لعنده بسرعة ..حضنته ..
...
نيروز - يسسسو امت جيت...
قيس- تو خشيت لقيتك تضحكي ضحكيني معاك صغيرونتي...
نيروز - ههه شي ..استاحشتك
قيس - حت اني ياروحي ...باهي اني تاعب بنرقد شويه ..و نسرين اهوني في الغرفة متاع الضيوف..بري سلمي عليها واشكريها
نيروز - امم اي حبي بنشكرها اكيد ... ارقد ارتاح انت ياا روحي ..💋
."بسته من خده بوسة خفيفة وطلعت...خشيت لعندها نلقاها متكية تشوف لسقف و تتبسم...سكرت الباب بالمفتااح ..و قربت لعندها...طبست عليها شويه ..
....
نيروز - الحمد الله على سلامتك يا عميلة..😏
...
""شافتلي مصدومة وجها اصفر ... قعدت جنبها نفوت في صوابعي على وجها كله جت بتبعدلي يدي شديتها بيدي تانيه كبستلها على جرح طبست عليهاا اكثر عيوني تڨدح ناار عكس عيونها باين فيهم الخوف و الوجع متاع الضربه... نرص على سنوني ونتكلم ""
...
نيروز - قيس خط احمر راهو نعرف لعبتك كلها و الي درتيه هدا جزء منه و باين مخطط (...شديتلها فكها ننزل عليه ..) ماتلعبيش معايا يا نسرين راهو نقتلك و نمحيك من الوجود...ماتقوليش تهديد وخلاص لا لا نفعل اني ...كان تبي تجربي عادي انتي الادرا..قيس راجلي اني...وهو روحي وحياتي اللي تقربله ننفيها سمعتي...و باالنسبة للملفات الي تبيهم باش ادخلي بيهم قيس للحبس نحرقهم في ثانيه .. و كان صار و قيس خش للحبس .. في نفس اليوم انتي تكوني الفوق عند مولاك و الله يرحمك..العد تنازلي بدا وريني شن بديري ...و جربي تمسي شعرة من ميساء وقولي لفهد متااعك ..مرت ابليس توقع منها كل شي...و اني بنت ابراهيم يعني اكيد بنكون وارثة الشر منه...و اخت غسان اكيد بنكون نشبهله في حقارته ...
..(رخفت يدي من علي جرح...نشوف في يدي كلها دم مسحتها فيها ...ونضت..قربت للباب فتحته و تلفتت لعندها...) ان شاء الله لباس عليك حبيبتي ...
...
"" تبسمت على جنب وطلعت
...منعرفش كيف جتني الجرأة و القوة لكن الي قالته ميساء على الاوراق خطير هلبا ...و مستحيل نسمحلهم يضرو قيس و يخدوه من بين يديا...كان هما ذئاب اني بنت الذيب الكبير و مرت ابليس ..😏☠
....
خشيت الغرفة نوم...نلقاه غاطس في نوم فوتت يدي على لحيته وطبعت بوسة على خده ...ورفعت تلفون متاعه ...ونضت دخلت للحمام ..دورت على رقمه و اتصلت بيه...
نيروز - نيروز معاك ...نبيك تجيني تو نتقابلو في الغابة اللي ورا الفيلا...
.
صكرت لخط وطلعت من الحمام...قعدت نمشي على اطراف صوابعي باش ماينوضش ...فتحت الباب بالشويه و طلعت...نزلت لوطا نلقى امي و امي هدية و ليث قاعدين...قربت لعندهم...مش عارفة شن بنقوللهم باش نطلع و نقابله تو...
تبسمتله قعدت جنب ليث ..همزته من مرفقه ..شافلي مستغرب يسأل فيا بعيونه...زدت قربتله اكثر..نتكلم بشويه ...
نيروز - ليث بصراحة مخنوقة نبي نطلع شويه للجنينة ...
ليث - لا انسى نسيتي لما طلعتي بروحك شن صار...مستحيل ..
نيروز - بالله عليك قيس راقد و اني فديت شويه و نجي واهو رجالكم في كل تركينة...
..
قعد يفكر شويه و بعدها ناض وقفت وراه نتبع فيه لبرا...كلم واحد من رجاله ..
ليث - المدام نيروز بتطلع للجنينة نبيك زي خيالها...
نيروز - و علاش قتلك مخنوقة بتزيد تخنقني ...
ليث - نيروز هدا الموجود كان هدا نفيقلك قيس تو...
نيروز - باهي باهي اوووف.. 😒
ليث - زيدي انفخي .. 🙄
ربعت يدي ولفتت وجهي عليه.. تلفون يرن في جيبي حي تلفون قيس نسيت مخليتاش... عطيته بظهري جبدت نشوف فيه نلقاه هو يتصل صكرت عليه بسرعة عرفته وصل...
نيروز - باهي هيا...
...
طلعت نمشي وراجل ورايا...قعدت نفكر كيف نوزعه ...تلفت لعنده ...
نيروز - تقدر تقعد هني تستناني تو نجي...
هو - منقدرش مدام مسيو ليث قالي نكون زي خيالك...
نيروز - و مسيو ليث قالك امشي معاه حت لما بدير حاجه خاصة و خاصة ..
"" حسيته فهم عليا.. تبسمت على جنب...""
نيروز - مش ح نعطل اهو جاية....
...
ملقيتش حل تاني غير هكي اااه يا ربي شن هالجرأة اللي عندي كنت نتحشم من خيالي لكن على خاطر راجلي و روح قلبي يسو ندير كل شي...
خليته واقف...ومشيت بسرعة طلعت من الباب تيلاني الكبير يطلع على الغابة... دخلت شويه ...الخوف ركبني...جبدت تلفون كلمته...نسمع في صوت قريب...قعدت نتبع في صوت لين نلقاه واقف وعطيني بضهره...تلفت عندي...لما شفته حسيت اليوم هداكا تعاود..وخرت خطوة لتالي...حسيت بدوخه ...قرب لعندي شدني... ...
غسان - نيروز خيرك ..
نيروز - لا شي سيبني...ماتمسنيش..
..
"" نطرتله يده..جبد روحه ..شفت في عيونه...عيونه مدمعين شويه ...خديت نفس نحاول نهدي روحي...""
..
نيروز - غسان اني جبتك هني باش توقف معاي في موضوع...و كان وقفت معايا زي مانبي هداكا الوقت نسامحك و ننسى الي صار...💔
غسان - الي تبيه والي تقولي عليه اني معااك ...المهم سامحيني ...راهو كان نعرف مستحيل نفكر نضرك راهو انتي اختي الصغيرة يا نيروز ..انتي اختي اللي طول عمري تحرمت منها...سامحيني...اني..كتبتلك كل شي باسمك املاكي كلها ليك ...المهم ترضى عليا...
..
نيروز - قصدك املاك راجلي الي خديتهم...
""سكت مجاوبنيش...طبس راسه...""
غسان - سامحيني نيروز ...
نيروز - مانبيشي وسخكم...نبي حاجة وحده بس اني تو...
"" ..قرب عندي شدني من يدي ...
غسان - اطلبي عيوني نعطيهملك..
..
""عيوني دمعو.... كبست على يده اكثر... طلعت الكلام بصوت مدبوح غلباته البكية... ""
...
نيروز - الامان و سند... انت تقدر توفرهملي غسان...
..
هزلي براسه جبدني لعنده حضنته...اي اي اني حسيت بحناان و حضن الاخ الكبير في لحظه هدي حسيت بحبه ليا حسيت بفرحته و هو حضني و المهم نرضى عليه و نسامحه ..💛
..
.جبدت روحي شويه...رفعت راسي شفتله...دموع على خده...رفعت يدي مسحتله دمعته...شدني من وجهي طبع بوسة على جبيني...
..
غسان - يا روح خوك مستحيل نخليك من لحظة هادي اني سندك و قوتك و كل شي تتخيليه انتي... ...لكن في هلبا حاجات لازم تعرفيهم اني مش هكي يانيروز ...اني عمري ماكرهت قيس و ليث كناا ديما مع بعضنا لكن الي صار قلب الموازين كلها و الحب تقلب العداوة... قوليلي تو شن في وبعدين تو نحكيلك...
..
خذيت نفس نهدي في روحي...بديت نحكيله كل شي بالتفصيل...نسيت حتى الراجل اكيد راهو قالب عليا الدنيا...قعدت نحكيله و فسرتله كل شي..شديته من يديه عيوني في عيونه...
..
نيروز - اني حكيتلك كل شي نقدر نوثق فيك و تساعدني... و متستغلش شي هدا ضد قيس ...اني عطيتك فرصة نبي نثبت ان خوي يقدر يتصلح...
..
غسان - نوعدك كل شي يتصلح و اكيد بندير الي قتلي عليه...
..
"" طربقت بالبكاء و ترميت عليه ...""
نيروز - مانبيش نخسر قيس مانبيش يفرقوني عليه تعبت هلبا اني ماشفتش الفرحة ديما فرحتي ناقصة...حتى ابراهيم كان بيقتلي راجلي...كان بيقتل راجل بنته...يوم فرحتنا...قولي كيف يجي بو...
..
غسان - نيروز نعرف بابا تسرع لكن في هلبا حاجات متعرفهمش خلينا نكملو هالمهمة الصعبة وبعدين نهتمو بي ارواحنا المهم تكوني انتي مرتاحة...
..
""جبدت روحي...مسحت دموعي...""
..
ليث - تسلم غسان...💛
غسان - لكن ما يطلع منك اه
نيروز - ههه اي شفت ..لازم نمشي وتو وبنعلق في الاسئلة متاعهم...
..
""ضحك ..فوت يديه على شعره ... قرصني من خدي ""
.....
غسان - محلاها أختي هههه لكن ماعمري شفت خوت ويتقابلو بدرقه ...
..
قعدت مركزه مع ضحكته...نركز في ملامحه نشبهله علاخير...لكن هو اسمر شويه و عيونه ملونه زيني و شعره رطب حرير زيني...خوي طرف لكن شرير 😈😭....
...
نيروز - ماعنديش تلفون باش نكلمك ..هدا متاع قيس..
""حطلي في يدي تليفونه...""
غسان - خودي هدا تو نكلمك عليه ... و خبيه مليح اكيد قيس بيقولك منين و كيف...
نيروز - باهي اطمن ...
...
تبسمتله و تلفتت نمشي...ونفسيتي مرتاحة علاخير...و فرحانة علاخير...اني متأكدة غسان صارت معاه حاجة كان هدا مايتصرفش هكي...ضحكته البريئة و حضنه دافي الحنين عكس الغرور متااعه ...
دخلت للجنينة..نلقى راجل مزال واقف ضحكت عليه و قربت لعنده...
نيروز - انت قاعد هني ..
هو - اي مدام اني نعرف الحاجة الخاصة تعطل هلبا ...
""شديت الضحكة بالسيف... 😂 ""
نيروز - باهي هيا نمشو ..
..
قعدنا نمشو الجنينة كبيرة هلبا ربع ساعة هكي باش وصلنا لي باب الفيلا..بالنسبة ليا قصر ...خشيت..ركبت طول لي غرفتي نلقاه مازال راقد...ماستغربتش حتى هو يومين مرقدش جرت للي ماتتسمي..
فتحت تلفونه مسحت المكالمة و رجعته لمكانه...دسيت تلفون غسان في دبشي...و يسو عمره مفركس دبشي...
دخلت للحمام ...درت دوش سخون نحيت توتر ...
..
نشوف للحنة بدت تتنحى ...تنهدت...كملت دوش لبست الكاب و طلعت ...جبدت روب ابيض لبسته..وقعدت عالسرير نجفف في شعري...حسيت بيده على ظهري...لفتت وجهي نشوف فيه متركز على يده ...و يد تانيه يمشي فيها على ظهري شعره داخل بعضه وعيونه منفوخين شويه من النوم...لكن عسل يا ناس راهو عسل يقطر...حطيت المنشفة و قربت لعنده..بسته من خده ..
..
نيروز - صحة نوم يسو
قيس - نحبك ...
""حطيت يدي على خده...خشمي على خشمه نفس متااعنا تخلط... ❤""
نيروز - نموت فيك راجلي ...
...
قص عليا لما غطس معايا في بوسة اخترق شفاايفي بكل وحشية... 💋🙊
... معاش حسيت بروحي إلا و اني راقده تحته ...
...
يبوس فيا من جبيني.....
قيس - صغيرونتي نحببببك هلباااا ...
نيروز - حتي اني ياروحي ...
قيس - بنقعدو هكي جعت اني ..
نيروز - باهي تو نوض نديرلك حاجة تاكلها ..
قيس - لا لا أنتي بالذات لا وبالذات اليوم 😉 ..
نيروز - يسسسوو 🙊
قيس - ياعيون يسو...هيا نرفع بنوتي تتعشى لبرا و تااكل احلا ماكلة...
نيروز - خلي نتعشو في الحوش احسن تعبانه ..
قيس - بتنوضي ولا اندير شوط تاني تو و ندخل قول عالمي... 😌
...
...
عند قيس...

فتحت عيونها على وسعهم....واديرلي براسها لا لا...تبسمت نفوت في صوابعي على خدودها الموردين...طبعت بوسة على خشمها الصغيرون... 💛
شافتلي بعيونها ذابلين ضمت شفايفها لبعضهم...رفعت الملحفة شوية على صدرهاا...
عقدت حواجبي عرفتها متحشمه... عاودت نحيت الملحة ..
قيس - سيبي امها الملحفة...مزال فيها حشم. هي.😂
...
نضت من فوقهاا...رميت يدي جنب السرير رفعت سروال لبسته و نضت ....
..
قيس - لكلام هدا اخر مرة نقوله...نوضي نديرو دوش وهيا نطلعو نتعشو برا ...
نيروز - اااه لا لا برا دوش انت قبل ...
..
جيت بنتكلم شفت مكان دم تحتهاا... حسيت بي فرحتي وقتها ...تبسمت و عيوني تعبو دموع... قربت لعندهاا...بستها من راسها و يديهاا...وقعدت نشوف للمكان ...😍
..
اطربقت ضحك...و هي تشوفلي مستغربة.... نضحك و في نفس الوقت صوتي يرعش...
قيس- هههههه نيروز اني..اني ملكتك هههههه يعني اني اول راجل يلمسك ...تعرفي يا فرخة قداااااش نحبك تي نعشق امك اني...راهو هاتي ناكلك هاتي..
..
نيروز - هههه يسو لا حول... موجوعة راه ..
..
بوزت شفايفها زي صغار...
..قيس - يلعن بو يسو على جد بو يسو...سامحيني يا روحي وجعتك...تو ترتااحي ااه انتي تعرفي ولاه.....
..
غطت وجها بالملحفة... و اني قاعد ميت بضحك عليهاا😂 .... نضت من جنبها ..
قيس - باهي اهو ماشي ندوش في لحمام تاني...نوضي دوشي تو ترتاحي وجهزي نفسك ..
...
هزتلي براسها...رميتلها بوسة في الهواء وطلعت💋
...
...
عند نيروز
..

لفيت روحي بملحفة ونضت دخلت للدوش ..
..وقفت قدام المرايه نفوت في يدي على شعري و مغمضة عيوني... ...لي توا مش مستوعبه اللي صار.... نتفكر في اللي صار ...واللي حسيته ..وجع مخلط بالفرحة...اجمل احساس عشته و اي بنت تتمنى تعيشه مع عشيقها و مش اي عشيق...هدا عشق الراجل الاربعيني..مش اي راجل...هدا الراجل الي اسمه يزعزع البلاد...هدا راجل الغامض كله اسرار...
..
درت دوش خفيف وطلعت .لبست قفطان اسود طويل و كندرة عاليه ...لميت شعري كله فوق درت مكياج خفيف وروج احمر في شفايفي 💋💄 .....
..
ورفعت تيلفون يسو درت شوي سلفي 📸💜
...نشوف فيه جي لابس تيشرت ابيض و سروال تجين ..قعدت مستغربه ...
..
نيروز -قيس بتطلع هكي...
شاف لي روحه
قيس - اممم خيرني ...
نيروز - لا شي لكن ستغربت لان انت ديمه تلبس رسمي ...
..
قيس - لا عادي لمكان مش مش مستحق بدلة رسمية و طرحه ...لمكان هادا متاع قيس القديم و ماكلته و ناسه متاع قيس القديم اللي بتكتشفيه انتي الليله ...هيا نمشو ...
....
هزيتله براسي شدني من يدي و طلعنا...نشوف في نسرين قاعده في صالون عطيتها نظرت موت 👿
..
و مشيت ...و مخليتش لقيس فرصة باش يكلمها...طلعنا في سيارة وطريق كاملة نغنو درنا جو عللاخير واليوم زاد خلاني نعشقه اكثر و اكثر... طيرني لسابع سمااء...اليوم هو يوم عرسي الحقيقي ❤

...
ويكفى انى احبتتگ كما انت حتى ولو كنت وحشاً.❤👑
...
وصلنا للمكان...فتحت فمي مصدومه... ما توقعتاش يتكلم علي المكان هدا ...!!
...
...
#يتابع ..🖤
#ميمي..❣
رأيكم وتوقعاتكم 😉💜
...