ذئاب بشرية(منقولة_ليبية)

حلقة 43

..

رواية بعنوان
#ذئاب_بشرية..

كتابة ..
#ميمي
الحلقة ..{ 43 }
___________________________✔

...
عند ليث
..
نشوف فيها صكرت الخط و جهزت الفطور و حطته على الطاولة ....وركبت تنادي عليهم ......
خشيت للكوجينة قربت للطاولة بدلت طواسي العصير ....قلبت كل شي على الطاولة...
....
و قعدت على حالي .....بعد نص ساعة هكي نزلو كلهم...اولهم نيروز قعدت ملهوفة تااكل .....
..
تبسمت شويه محلاها و هي تاكل بعفوية...قعدو الجماعة كلهم...
....
.واني مركز على سمرة....بدت تاكل و مركزة مع نيروز شويه شويه وجها بدا احمر ...تشد في بطنها وتتوجع ماتبيش تبين لي حد...
....
ضغطت عالمنديل بيدها تشوف لي نيروز بكل غل وناضت تجري تستفرغ....
....
كلهم وقفو مخلوعين عليها....قربت منها حطيت يدي على كتفها ...
...
ليث - اا اكويسه خيرك ...شنى واكلة حاجة متسممة !
...
فتحت عيونها على وسعهم ..تبسمت على جنب و غمزتها...
ليث - ان شاء الله لاباس...غسان ارفع ضيفتك للدكتور طمنا عليها....
(رجعت قعدت نفطر....... )
...
___________________________✔

...
عند غسان ...
الدنيا مش سايعتني....فرحان هلبااا...و اخيرا بنتي رجعتلي و تقبلتني....لكن في هدا كله...سمرة...يمكن تعلقت بيها ....لكن حب لا....نحسها مهتمه بيا هلبا...و مش مخليتني نستحق شي...لكن غامضة علاخير...
...
ومرت نحسها تتكلم بالالغاز...اليوم الصبح احلى صبح في حياتي... فتحت عيوني على القمر بنتي ...تمسحلي على لحيتي و تتبسملي....كليتها بوس من خدودها...
..
لبسناا ونزلنا للفطور و اللي صار لي سمرة ما استوعبتاش يعني نضرتها ولما استفرغت مش طبيعية...المهم قربت لعندهاا...شديتها من يدها ...
...
غسان - هيا نمشو للمصحه..
سمرة - لالا لا مش ضروري ...
غسان - قتلك هيا...
...
هزتلي براسها و طلعنا...وصلنا للدكتور ماخلاتاش حتى يتكلم معاها تتصرف مش عارف كيف..المهم عطاها دواء. و طلعنا....مشينا قعدنا عالبحر...مانعرفش قداش فات وقت وتلفونى يرن...جبدته من جيبي...نيروز تتصل رديت عليها ...
..
غسان -اه طشه ...
( صوتها متقطع و تبكي....اطلع في الكلام بالسيف...)
نيروز - غسان...لارا...لارا مش موجودة قلبنا عليها الدنيا....
..
( تنطرت من مكاني ....)
غسان - شن تقولي بنتي وين ....
نيروز - تعالي تو بسرعة...
...
صكرت الخط وماتلفتش ورايا نمشي و الخوف مسيطر عليا...بنتي بعد مالقيتها مستحيل تبعد عليا مرة تانيه....مستحيل....
_______________________________✔
......
عند نيروز
بعد ماكملنا الفطور و غسان مشى مع سمرة...قيس ركب للغرفة ...مشيت قعدت في الصاله....نشوف في لارا جت وقفت قدامي ...
...
لارا - عمتي عادي نمشي نلعب في الجنينة...
نيروز - لا الجنينة عالطريق ومش محاوطينها مليح...
لارا - بالله عليك ماتخافيش عليا...
نيروز - باهي بري تو نلحق عليك...نجيب معايا اوراق رسم و الوان شن رايك ...
لارا - باهي عمتوش نستناااك 😍
..
ضحكت عالكلمة... طلعت تجري....تركزت بيدي على يد الكنبة ...نحس في روحي دايخه ...قعدت نمشي بالشويه ..لين وصلت للدروج...ركبت درجتين...و الدوخة لعبت عليا...
فقدت توازني حطيت يدي على بطنى و ماحسيت غير بيه لقفني و رفعني لعنده...و اناا بين يديه...تذكرت قيس يقدر يشوفنا في اي لحظة..
..
.نزلت على كتفه نشوف في عيونه ...نظرته مش مفهومة...عقد حواجبه يسأل فيا..
...
ليث - نيروز اكويسه !!
هزيتله براسي...خديت نفس ..
....
نيروز - اكويسه...نزلني لو سمحت....
ليث - خليني نركبك للغرفه..
نيروز - لا لا نزلني قتلك اكويسه واصلآ قيس الفوق...
( رخف يده ونزلني ....هزلي براسه باهي...)
ليث - باهي ردي بالك.ع روحك...
(تلفت يدور بعيونه في الصالون...)
ليث - وين لارا...
نيروز - طلعت للجنينه...اهو بنلحق عليها...
ليث - لا اقعدي ارتاحي تو نلحق عليها اني ....
انيروز - باهي رد بالك عليها..
..
هزلي براسه و مشى..حطيت يدي على قلبي اللي يدق بالقوة نحس فيه بيطلع من الموقف اللي انحطيت فيه...
..
كان صار و شافنا قيس والله يقتلني....خديت نفس ركبت درجة درجة...خشيت للغرفة نلقاه متكي وفاتح اللاب توب ...قربت لعنده ...نشوف فيه يقرا في معلومات على الصغاار و كيف يتعامل معاهم...تبسمت و قعدت جنبه .....حطيت يدي على خد ...
....
نيروز - انت بتكون احلى اب في الدنيا...❤.
( باسني من كف يدي...سكر اللاب توب حطه على الطاولة ...رجع يشوفلي....ويفوت في يده على خدي....)
...
قيس- حتي انتي بتكوني احلى ام في الدنيا نحبك هلبااا نيروزتي تعرفي كان تبعدي عليا مرة تانيه نهبل...💔
...
نيروز - اششش مستحيل اني بنكون معاك عمري كله...
...
...قربه ليا يدوبني...قربت شفاايفي و طبعت بوسة خفيفة  ع خده 💋...جبدت روحي تبسمت....جيت بنتكلم غطس معايا في بوسة...😍❤
..
قص علينا صوت ليث يعيط...تنطر قيس من مكانه...فتح الباب ونزل لعنده لحقت عليه...نلقاه خاش بعضه.....
...
نيروز - شن في ..!!
ليث - لاراا ..
نيروز - خيرها لارا تكللم....
ليث - انخطفت...
قيس- شني !شن تقول انت ...
..
ليث - لحقت عليها في الجنينة...نلقاها طلعت عالطريق تجري ناديلتها تلفتتلي...وقفت سيارة جبدتها للداخل و طارت ...
نيروز - كيف!" كيف صار هكي...منى دار هكي فينا...
..
جبدت التلفون و كلمت غسان...حاسة روحي في دوامة مستحيل نرتاحو يوم 💔
جي غسان للحوش رفع قيس وطلعو قعدت اني و ليث و ميساء....قاعدة على أعصابي ... رفعت راسي نلقاه شاد طاسة حليب....
...
ليث - اشربي حليبك..
نيروز - كيف عرفت الوقت هدا نشرب طاسة حليب بالعسل...
( تبسم مش عارف كيف...حطلي الطاسة في يدي...قعد مقابلني ...)
ليث ماتسأليش..
ميساء - باهي اكويس ....انضن فيه حاجه ..صايره واني مانعرفش ..!!
( عقدت حواجبي مستغربة...)
نيروز - مافهمتكش شن تقصدي...
ليث - ميساء !!
ميساء - الباين رجعتو لايام زمان...
نيروز -ميساء شن تخرفي الوضع اللي احني فيه مايسمح لكلامك .. لارا مخطوفة راهو .و.....
..
قص عليا صوت التلفون....نشوف في رقمه مش مصدقة....فوتت يدي على وجهي .....فتحت الخط عليه يدي ترعش تكلمت بصوت يرعش متقطع...
....
نيروز - آ...آدم 💔
ادم - ياقلب ادم .. سامحيني نيروز....❤
نيروز - لا مستحيل انت عايش!!! كيف..كيف صار هكي...
ادم - لما نتقابلو تو نقولك...لازم تو نساعد غسان...
نيروز - كيف عرفت!"
ادم - نيروز اتصلت باش نطمن عليك...لما نتقابلو نحكيلك كل شي...
...
صكر الخط وخلاني مصدومة...نشوف لي ليث يتكلم بي التلفون وجهه مقلوب...رفع مفتاح السيارة....وطلع...مانعرفش علاش لحقت وراه رفعت مفتاح قيس و طلعت
...
______________________✔
....
عند غسان ...
شديت فرينو قوي قدام المركز....خشيت نجري فتحت الباب بالقوة نتكلم و نلهث نفس الوقت....
...
غسان - آدم.. بنتي ....بنتي مخطوفة نبيك تساعدنى نلقاها...
( ناض و قرب لعندي...عقد حواجبه مستغرب...)
ادم - لارا!! كيف !
غسان - مانعرفش مانعرفش شي بنهبل يا ادم ....لازم نلقى بنتي
( فوتت يدي على وجهي بعصبيه ...)
غسان - رسيل و نظال...اكيد هما خطفوها...
..
( جبدت التلفون نتصل ماتردش...كتبتلها رسالة في نفس الوقت اتصلت....تبكي ...)
رسيل - بنتي وين....تكلم غسان....
(غمضت عيوني ضغطت عليهم اسمي طالع مابين شفااايفها زي العسل استاحشتهاااا ..)
غسان -من غيركم بيخطف بنتي...
رسيل - شن تقول انت....اهو جايه ....
...
(صكرت الخط....نفخت بعصبيه تلفتت لادم...)
غسان - الباين مش عندهم .. تصرف ساعدني ادم...
ادم - باهي اطمن ....
...
هزيتله براسي....و طلعت رجعت للفيلا....خشيت زي الثور الهايج  ...والله الا مانقتله بيدي اللي دارها و حرقلي قلبي ....قابلني ليث جبدني من مرفقي على جنب دخلني للغرفة ....
...
ليث - لازم نحكيلك اللي صار الصبح...
غسان - شن صار...
ليث - سمرة حاولت تقتل نيروز تذكر كيف تستفرغ...اطلع في السم من جسمها قبل ماايأثر فيها اكثر...اني قلبت الطواسي...و اني سمعتها تتكلم مش عارف مع منى ...غسان البنت خطيرة انضن هي اللي خطفت لارا...
غسان - مستحيل سمرة معاي لما انخطفت بنتي...
.. .
(فوتت يدي على شعري...جبدت التلفون نتصل بيها ماتردش زادت جننتني ...و خلتني نشك اكثر.... خذيت نفس ...)
...
غسان - باهي ليث انت خليك هني بحدا نيروز و اني تو نرفع قيس معايا...القصص هادي مايفضها غير هو...
...
هزلي براسه باهي طلعت....نشوف لقيس..
...
غسان - قيس هيا معايا...
قيس - هيا....
نيروز - وين ماشين...
غسان - لازم الليلة نروح بلارا...بنتي في خطر...
نيروز - باهي ردو بالكم على ارواحكم..💔
....
طلعت نجري ركبنا في السيارة...جبدت سلاح من تحت الكرسي نشوف لقيس عاقد حواجبه .....
...
قيس - شن ادير منين جبته مش بعدناا على كل شي و حلفناا معاش نلمسو السلاح...
غسان - في الوضع زي هدا نستحقوه ...وبالله عليك ماا تزيد عليا...
قيس- صار هكي باهي اصلا كنت نعرف مش ح نخلصو من الدم و الثار...💔 احني درنا هلباا مصايب و عندنا هلبا اعداء في عالم المافيا و اعتزالي .  و طلوعي جننهم وقف عليهم الربح... وحتي انت ! و خطف لارا مايكون غير حد تابعك لازم اتفكر شن درت او شن صار... منى اللي حطمته يا غسان و الضربة جت في راس بنتك...
....
ضربت عالدومان بيدي...ولعت السيارة ...حرقت الكياس......
...
غسان - بنلقااها مش حيصير شي لبنتي يا قيس...صدقني نحرق الاخضر و اليابس...
رن التلفون ....فتحت الخط نسمع فيه يتكلم...
...
ادم - نظال دار حادث و راقد في المصحه حالته خطيرة 1% يعيش...
..
شديت فرينو قوي...فوتت يدي على رقبتي ناخد في النفس
...
غسان - كيف عرفت مش سافرو...!!
ادم - لا هما هني في منطقة تبعد علينا 300 ك...المهم غسان نبي نقولك حطيت تلفوناتكم كلها تحت المراقبة مرات الخاطف يكلم اي حد فيكم في اي لحظة...حتى تلفون سمرة حطيته
غسان - درت الصح...
ادم - المهم انت ماتتهورش خليني نشوف خدمتي بروحي ما ادير شي غسان...
غسان - باهي باهي..
....
صكرت الخط و رجعت نتصل بي سمرة مافهمتش علاش ماتردش عليا...اعصابي توترت اكثر...نحس في روحي جمدت...معاش عارف طريقي....
حاوطت راسي بيدي بيطربق....نتمنى يكون كابوس ونصحي منه مش مستعد نخسر بنتي مهما يصير...مش عارف شن اللي يستنى فينا...💔
....
_________________________________✔
...
عند نيروز ..
قعدت نتبع في ليث....لين وصل قدام معمل قديم و مهجور...درست بعيد عليه شويه ...نشوف فيه جبد سلاح وخش ...نزلت من السيارة ....لحقت عليه...ركبت على رشاده كبيرة نبي نشوف شن صاير الداخل عيوني وساعو من اللي نشوف فيه...
قيس وجه كله دم ...
غسان شاد السلاح ..
..وفيه راجل اول مرة نشوفه شاد لارا مكتفها و مسكرلها فمها
...لحظات من الصمت....نحس بيد جبدتني من تالي...تلفت نشوف فيها سمرة...وجها يقطر سم....
وراها زوز رجال شادين رسيل...نطرت يدي منها...
...
نيروز - حولي يدك...عارفتك انتي صاحبت المصايب...
..
( شدتني من شعري...تكر فيا لدخل ...)
..
سمرة - ليوم موتك على يدي كيف ما خوك قتلي اختي اني بنقتله اخته و مرته قدام عيونه...
...
نيروز - شن تقولي من اختك...
( دفتني ع الارض لقفني ليث....)
..
ليث -( يارا .) وله يارا تكون اختك و تكون مرت المسيو هدا...
راسيل - سمرة سلم اختي مادخلش بنتي في القصة...
..
غسان - يارا ماتت في حادث مافيش ولا واحد كان عنده السبب في هدا...
سمرة - كيف مش انت ورسيل متاعك خبيتو قصة حبكم و زواجكم استغليتو يارا ....و قلتو هي مرت غسان...وبعدين اختي ماتت قبل الحادث متاع راسيل بيوم...ومن كان السبب مش ليث السبب في موتها! لكن انت السبب الاول والاخير....رسيل و انت... واني بناخد بثار اختي و (حازم )بياخد بثار مرته اللي كانت حامل...هو بيقتل بنتكم و اني بنقتل نيروز ومرتك ...
...

كملت كلمتها و جبدت السلاح وضربتها طول في صدر راسيل....💔
..
مانعرفش كيف سمعت صوت رصاصة جايه من تالي و ضربت سمرة في ظهرها....
...
تلفتت نلقاه قيس ....حطيت يدي على فمي...
.....
النيا خشت بعضها غسان رفع رسيل....اللي غارقة في دمها ....
وليث رفع لارا ..
و ادم خش بالفرقة متاعه اخر لحظة...قبضو على حازم و الرجال...
...
كل شي في ثواني صار...حسيت الدنيا دارت بيا.....فقدت الوعي ماحسيت على شي.... 💔
....
..
#يتابع ..😈
ميمي 💚
..
  ...
مزال  واحد من ابطال الرواية حيموت 💔
اتوقعو  منى اللي حيموت ..؟؟☠
..
حلقات قليله تفصلنا على النهاية قريبآ  ..💔🔥
...
اكتب تم وعلق بي 10ملصقات  ✔