رواية بعنوان
#ذئاب_بشرية..
كتابة ..
#ميمي
الحلقة ..{ 39 } .
_________________________✔
..
...
غسان - شن تقول انت مرتك منييي اللي تتكلم عليها
....
عقدت حواجبها مستغربة ...نظرتها ليا كانها ماتعرفنيش ولا عمرها شافتني💔.... دفيت الطاولة بيدي دورت عيوني عالموجودين كلها صحاافة اتصور شفت لي ليث فهم علياا...
..
اشر بيده لي الرجال باش يطلعو الناس كلها البرا....فضي المكان و قعدنا احني بس ...صوت انفاااسنا عاليه....قربت لعندهااا ...
...
غسان - مرام بن سعد ولا رسيل بن***
رسيل - مافهمتكش مسيو شن تقصد..!!
نظال - غسان خيرك ...من رسيل ؟؟
..
(شفتله على جنب ...)
غسان - كله كدب كله تمثيل...غدر و خيانة .. لعبة حلوه هلبا لعبتوها...برافو...
..
( نصفق بيدي و تلفتت لقيس ...)
غسان - شوف قيس هادي اللي قتلناا على خاطرها هادي اللي مسخنااا ايديناا بالدم على خاطرها...شوف اهو قدامك...
...
( وخرت خطوات لتاالي...فتحت يدي نبتسم و دموعي على خدي ..)
غسان - خلاص تعبت تم.. تو كل شي تم في الاخير طلعت اني الخاسر طلعت اني اللي مانعرف شي....
...
دورت عيوني عليهم كلهم .. و طلعت نجري...ركبت في السياره نرد في النفس رفعت راسي نشوف في نيروز لحقت ورايااا تناادي عليا...ولعت السياره وماخليت غير العجاج وراي...طريق مهجوره..طريق ظلام...راسي رزين نحس في وجع مش عادي ....التلفون يرن ...صوته زاد وترلي اعصاابي رميته من الروشن
...نجري بأقصى سرعة ....مشهد واحد بين عيوني و هو شادها من حزامها و يقول مرتي...
..
تشوفلي قهرتني نست غسان حبيبها نست شن درت على خاطرها...نحس في عيوني بدو يتسكرو...مانعرفش كيف هربت بيا السياره و تخبطت في الشجرة فقدت الوعي و معاش حسيت بشي....💔
...
_________________________✔
عند ليث ...
صح نعرفه ليا سنه و نعرف ان هو متجوز لكن ما عمري شفت مرته..و ماعمري شفت منه حاجة مش اكويسه ...
..
لكن الليلة كانت صدمة للناس كلها ...رسيل قدامنا بشحمها و لحمها...تشوفلنا كأنها اول مرة تشوفناا...بعد ماطلع غسان حالته تاعبه عالاخير ماقدرتش نلحق عليه..
...
قبل ماانفهم شن اللي صار...جيت بنتكلم قص عليا صوتها...
...
رسيل - مانعرفش شن اللي صار تو لكن كأنه في حاجه غلط اسفه يا جماعة كان سببتلكم احراج...باين المسيو غسان مشبه عليا...
نظال - مرام حبيبتي بري روحي اهوني الشوفير لبرا...
رسيل - باهي ياروحي...اسفه مرة تانيه ...
...
تبسمتلنا و طلعت...و مافي حد فينا وقفها نضرتها باردة و تتكلم بكل برود ونضرتها ماتعبر ع شي مستحيل تكون رسيل... خديت نفس نهدي في روحي..
...
ليث - نظال..شن القصه ...
نظال - انتم شني القصه و خيره غسان يتكلم هكي مافهمت شي منه تي منين يعرف مرتي هو ....
...
( تبسمت على جنب...)
ليث - قتلي مرتك...باهي نظال نتلقو غدوا..
..
أشرتلهم باش نطلعو ...اكثر واحد فينا حسيته بالرسمي مصدوم و مش مستوعب شي هو قيس...وصلنا للحوش...ماالقيناش غسان تشغلنا اكثر...جبدت التلفون نتصل بيه مقفل...ترميت عالكنبه...فوتت يدي على وجهي ...كتبت رقم واحد واتصلت بيه...
..
ليث - نبيك في حاجه ضروريه...
هو - اهلين نستناك غدوا...
ليث - لا مانقدرش نجيك ..لكن نبيك تراقبلي واحد و اهم شي تخش لحوشه و تحط جهاز تنصت نبي نسمع اللي يصير كله...
هو - تكلف الخدمة هادي...
ليث - نعطيك قداش ماتبي المهم دير اللي نقولك عليه...
هو - كان هكي باهي ابعتلي معلومات عليه و اني نكمل الباقي..
ليث - تم
...
صكرت الخط و وركبت للغرفه نلقى بنتي راقدة و ميساء قاعدة تشوفلها قربت لعندها حطيت يدي على شعرها ..
..
ليث - ياروحي ارقدي ارتاحي...
ميساء - رسيل عايشه ...علاش ماجتش السنين هادي كلها...علاش دارت فينا هكي ....
..
تنهدت و قعدت جنبهاا ماعرفتش شن نقول الكلام هرب ....
....
_________________________✔
...
عند نيروز ...
..
مش مصدقه عيوني رسيل عايشة...علاش ماباانتش السنين اللي فاتت علاش عدبت غسان و خواتها و اوهمتهم بموتها....معاش فاهمة شي في هالعيلة كل مرة سر جديد و لغز جديد
......
حولت القفطان لبست توته ...نشوف فيه قاعد عالسرير حاط راسه بين يديه...
..
قربت لعنده حطيت يدي على كتفه ...رفع راسه شافلي مش عارف كيف عيونه حمر ملياانين دموع...خديت نفس وتكلمت..
....
نيروز - ياعمري انت ما اديرش في روحك هكي...
..
قيس - مانعرفش كيف قعدت متمااسك و مادرت شي كاني في كابوس...معاش عارف شي وين نقول اهو تمت المشاكل تطلع قصه جديدة و سر جديد ...معاش نبي نفكر في شي حتى كان هي تكون عايشه و خانتنا و غدرتنا انا معاش نبيها في حياتناا و بالنسبة ليا رسيل خليتها مدفونة في ليبيا...
...
( حط يده على خدي....)
قيس- معاش يهمني شي تعبت نيروز يكفيني انتي معاي..قرب الوقت اللي بنمشو فيه للبرازيل و نكملو حياتنا مرتاحين غادي...
نيروز - لكن...
قيس- اششششت خلاص نيروز تم كل شي ..
نيروز - باهي
...
جبدت روحي رفعت التلفون قاعده نحاول نكلم غسان...قاعد مقفل انشغلت عليه ان شاء الله يكون ماصارله شي...حطيت التلفون و تلفتت لقيس ....
...
نيروز - قيس
قيس- نعم ...
نيروز - مش في السيارات متاعكم فيه جهاز تتبع...
قيس - اي علاش...
نيروز - بصراحة انشغلت على غسان تو ليه اكثر من ساعتين ماجاش وتلفونه مسكر...نقدرو نعرفو وين بالضبط ...
قيس- اي باهي لحظة بس...
....
جبد التلفون متااعه يشوف فيه عرف المكان وين...
..
نيروز - هيا نمشوله تو...
قيس - باهي هيا...
...
طلعنا وصلناا غادي نلقو السياره خاشه في شجرة قلبي قريب طلع من وسط صدري💔
...نزلت من السياره قربت لعنده نجري...راسه طايح عالدومان...فتحت باب السياره رجعتله راسه لتالي ...
....
نيروز - غسان.. خويا افتح عيونك .....
...
بعدني قيس و جبده من السياره..حطه من تاالي في سيارتنا...و طرنا بيه للمصحه...دوب ماخشينا نلقي رسيل واقفه ..!! ...
تكلمت مع الدكتور.... والممرضين رفعو غسان و معاه قيس... قربت لعندها جبدتها من مرفقها بالقويه...رفعت صبعي انبه فيها...
...
نيروز - كله في جرتك والله كان تصير حاجة لخوي وقتها نبعتك للجباانة بالرسمي...شن مطلعك في حياتنا ..
..
رسيل - شن تقولي تي من انتم اصلا شن هالحالة ...
نيروز - والله ما تتحشمي مازال مواصلة في التمثيل...
رسيل - اسمعي فوتيني خيرلك بنتي مريضة و مش ناقصة تخاريف متااعكم...
..
كملت كلامها و مشت ..لحقت على قيس نلقاه يتكلم مع الدكتور...طمناا عليه...الحمد الله حالته مش خطيرة شوي تاني وينوض....
..
_________________________✔
..
عند غسان ...
نفتح في عيوني بالسيف راسي رزين علأخير وجع مش طبيعي...حطيت يدي على راسي ...غمضت عيوني ضغطت عليهم...تذكرت اللي صااار ....قلبي يوجع فيا هلبببا...نحس في سكينة مغروسه في قلبي ...رسيل ااه رسيل ليش درتي هكي شن السبب...فتحت عيوني نلقى نيروز و الجماعة كلها...
....
نيروز - اكويس ياا روحي خلعتنا عليك ...
غسان - اكويس ماتخاافيش عليا...نبي نطلع نحس في روحي مخنوق ...
نيروز - لا سلم خوي ارتاح شوي مازال تعبان..
غسان - قتلك مخنوق نبي نطلع...
...
تركزت بيدي ونضت مازال نحس في روحي دايخ...طلعت من غير مانستنى حد..اصلا مانبي نتكلم مع حد نبي نقعد بروحي وبس ....
..
خديت تاكسي ومشيت قعدت على الشط....نحيت كندرتي وقعدت نمشي على حرف شط ....
..
نسمة بارده و ريحة البحر رجعت بيا السنين لتاالي...اول مااعشقت رسيل في البحر...هداكا الوقت عرفت و تأكدت ان اني نحبهاا....خديت نفس...
...
فوتت يدي على وجهي...وقفت في مكاني نشوف لبعيد...من غير مانشعر و بالرغم وجع راسي عيطت بصوت يهد الجبااال....
..
صوت طلع من قلبي....نزلت على ركابي نبكي بالشهقة💔
..
لين حسيت بيد تحطت على كتفي....و صوت رقيق يتكلم... رفعت راسي تلفت نشوفلها ....
....
هيا - أكويس ...!!
( هزيتلها براسي....و نضت .. سروالي كله تبل ...)
..
هيا - لكن اللي نشوف فيه اني انك مش اكويس بكل ...
غسان - من ليبيا ؟ ...
هيا - اي من *** ...حتي انت من ليبيا صح ..؟
غسان - اي...
هيا - المهم شفتك تعيط و راسك ملفوف بي شاش و الباين الجرح ينزف...لازم تمشي لاقرب مصحه...
..
غسان - لا تمام شكرآ...نستأدن ...
...
تبسمتلي و هزتلي براسها...فتت من جنبها نمشي بالسيف هاايم...الدنيا بدت تضلم وماخطريش ننرجع للحوش اصلآ ...
...
نبي نقعد بروحي...لكن راسي يوجع فيا و الجو مصقع ...و اني مبلول كلي...حتى التلفون ماعنديش ومافيش في جيبي حتى قرش...نفخت بعصبيه...الفلوس اللي قعدت خديت بيهم تاكسي امبكري ...نسمع فيها من وراي تتكلم...
..
هيا - نحس فيك هايم و ضايع وتبي حد يطلعك من الظلمة اللي انت فيها...
(تبسمت بقهرة...)
غسان - انتم تخششو للظلمة ماطلعوش ... لو سمحتي خليني في حالي خيرك ركزتي معايا هلبا...
..
(وجها بدا أحمر...ضغطت على شنطتها في يدهاا...)
هيا - عندك حق سامحني...
...
عطتني بضهرهاا و مشت...رجعت نتمشى ومانعرفش رجلي وين رفعتني
..
المهم مانبيش انروح تو و مانبي نقابل حد...و معاش نبي شي..ياريتني متت و ارتحت من هدا كله ...💔
..
نسمع في عياط بنت من تالي...تلفتت نشوف فيها تجري جاية لعندي و وراها ثلاثة اولاد واحد فيهم في يده سكينة...وقفت قدامي ترعش و تبكي...
...
هيا - ساعدني بالله عليك .....
..
من غير مانفكر مرتين....شديتها من يدها ونجرو...قعدنا نجرو لين خشينا في وسط بنايه...تخبينا وراء الباب متاع البنايه.
..
.لاصقين في بعضنا...انفااسناا تخلطت...دقاات قلبهاا نسمع فيهم...ضعت في عيونهاا الكبار ... ورموشها الطوال...سمعت صوت خطوات حطيت يدي على فمها ...قعدنا هكي لين مشو...جبدت روحها شويه ...
...
هيا - شكرآ ...😞
غسان - باللهي مني انتي ومن اللي يجرو في جرتك تعرفي كان شدونا راهو جزرونا...ماشفتيش السكينة مكبرها ..هبلتي انتي..
..
( قعدت تبكي ...)
هيا - اني جيت هني مع خوي..نكمل في قرايتي
.مات ليه شهر و مرته طردتني الجمعة اللي فاتت وشوهتلي سمعتي في الجامعه و حتى القهوة اللي نخدم فيها...و معاش في حد قبلني عنده.. .وليا اسبوع نبات في الشوارع و كل مرة يصير معاي هكي...و مرت خوي حالتها الماديه اكويسه وعندها فلوس ..مانعرفش علاش حطمتلي مستقبلي...💔
..
( تنهدت رفعت يدي بالسيف حطيتها على كتفها.....)
غسان - باهي ساد من البكاء تو نلقو حل ماتخافيش... خلاص عاد...
..
(هزتلي براسها....سخفتني علاخير... ليش يصير فيها هكي و زياده في الغربة...خديت نفس مانعرفش كيف ولا علاش قلت هكي...)
غسان - باهي هيا بتروحي معايا الليلة...
...
( فتحت عيونها على وسعهم...فهمت عليها...)
غسان - ماتخافيش اني عايش مع عيلتي...هيا نمشو...
..
هزتلي براسها....طلعنا وقفت اول تاكسي...وصلنا للحوش اشرت لي واحد من الرجال يخلصو و بعدين نعطيه...خشت معايا...كلهم يشوفو فيهاا مستغربين...
.....
غسان - هادي
(سكتت شن بنقول تي مانعرفش حتى اسمها...)
هيا - اني اسمي سمرة...
غسان - اي اي سمرة...بتقعد معانا فتره...نيروز ممكن تركبيها لوحدة من الغرف خليها ترتاح...
نيروز - غسان!!
..
غسان - نيروز - طلعيها و تو نتكلمو...
..
هزتلي براسها...رفعتها و طلعت...قعدو يشوفولي مش عارف كيف...قربت لعندهم و حكيتلهم اللي صار...
..
استغربو ماقالوش ولا كلمة...حتى سيرة امس ماجبدوهاش احسن اصلا لازم ننسى و نتجااوز الماضي... 💔
...
هيا طلعت خاينة و وراها سر و اني معاش نبي منهاا شي ولا نعرف شي جي الوقت باش نبدا حياتي من جديد...مانعرفش علاش جااني الشعور هدا شعور بالامل ..
..
_________________________✔
...
يتابع - 😈💔
...
م✔💔
أنت تقرأ
ذئاب بشرية(منقولة_ليبية)
Actionجيت.. بنطيروكم الي سااابع سماااء بتعيشو معاااي في اروع قصة #حب ❤ . رواية تشمل 🔞⚠️ مطااردة عداااوة مااافيا شرطة حزن عشق التمرد السلطة . #رواية بتعيشو معاااها لحظة بلحظة😉 . #ملاحضة .. ⚠️ الرواية .. لا تمثل بلدنا ..وليس له علاقة بي الواقع الي...
