ذئاب بشرية(منقولة_ليبية)

حلقة 13

رواية بعنوان
#ذئاب_بشرية
..ممنوع
.
{الحلقة 13 }

.
.
..نيروز ماكنتش نتوقع لي بيصير...كأني في كابوس... كل شي فات في لمحة لبصر...
بابا توفى محروق ...و مابكيتش عليه و محضرتش دفينته ..
قيس من جهة تانيه...حسيت وراه سر كبير من تصرفاته الغريبة...
في لحظة تقلب طفل صغير خاايف ...يغمض في عيونه و يعيط...
منعرفش كيف قدرت ننقذه و ننقذ روحي من وسط ناار ....
تذكرت الاتار لحرقة الي مغطي بلوشم ...
عرفت ان وراه قصة كبيرة... معاش فاهمه شي من كثر الضغط لنفسي ..
عقلي يقولي اطلعي من هالعيللة وابعدي يا نيروز مش متااعك...
و قلبي يقولي اقعدي مع قيس ...و حاولي افهميه و اعرفي سره..
.الشكوك بدت دور في راسي من يوم الي تصاوب...كلام خالتي هديه بالالغااز .
.كل شي وراه قصة... ...وسمعت ان ليث يبي يرجعني عنده نار ولعت داخلي لكن مبيتش نبين.... حسيت روحي زي لعبة عنده ...
كلام قيس اول مرة قاعد لي توا يزن في ودني..
و في هدا كله حاسة روحي منجدبة ليه اكثر فيه حاجة غريبه ...
مرت نحس في وسطه طفل صغير مايبيش يبينه .....
نشوف في نظرت ليث تخوف كانها ناار والعة في عيونه ...
مكانش متوقع يسمع مني لكلام هدا... مانعرفش كيف جتني جرأة و شديت يد خوه قدامه ...
..
و كملت كلامي... اصلا الي قلته كله من قلبي و قيس عطاني القوة ....
بعد ساعة دخلت نتفقد في قيس نلقااه يحاول ينوض ...
اصلا مستغربتش منه لما قالي هي نروحو ...
رفعت سورية و لبسته ...نعرف مايقدرش يلبسها ...قربت منه لبسته جاكيت ...جبدني لعنده بقوة...قلبي قريب وقف ...لمست يده دوبتني ....شفاايفه لمست شفاايفي..
.
..في لحظة قلبني بجنبه...عيوني تفتحو ع وسعهم لما شفت ليث واقف قدامي وضاغط على يديه ...
.
شافلي نظرت موت...من غير مانشعر ضغطت على يد قيس. حسيت عروقي جمدو من الخوف ...تلفتلي شافلي مش عارف كيف و رجع يشوف فيه ويتكلم ...
..
قيس - اني اهو طالع ...نتقابلو في شركة عندنا حسابات لازم نفضوهم..
ليث - حسابات شني ..خلي عليك ماك لاهي تغرم في زمانك...
..
وقف و قرب منه اكثر وتكلم ...
قيس- مشروعنا الي ماتمش و من حقي نشوف شركة قداش ليا موقف شغل من سنة اللي فاتت ..
..
تبسم على جنب وشافلي ورجع يتكلم مع قيس ..
ليث - تمام نستنا فيك لعشية...
...
..
عند قيس تلفتت نشوف فيها...متلكمتة في روحها... قربت منها شديتها من يديها و طلعنا... قابلتنا ميساء ...
ميساء - اهلين قيس نورت ...
قيس - اهلين ميساء كيف حالك ...
تنهدت ...تبسمت مش عارف كيف...
ميساء: الحمد الله...
قربت من نيروز ...
ميساء - شني مانفعش لاول دورتي على ثاني...
نيروز - حاجة ماتخصكش...و راجلك هو الي يجري ورايا مش اني ...
دفتها بيدها و مشت...قعدت مصدوم في كلامها و نظرة عيونها تبسمت لي ميساء بسيف وطلعت ..
..
ركبت في سيارة .. موجوع نسوق بسيف لجرح مزال يوجع فيا..شفتلها لقيتها حاطة راسها على روشن سيارة وسارحة...
قيس- متأكدة تبي تمشي معاي  وم....
..
قصت عليا مخلتنيش نكمل حطت يدها فوق يدي وضغطت عليها...
نيروز -خلينا نمشو مانبيش نزيد لحظة هني..
..
تبسمتلها ولعت سيارة ومشيت.. خليت ليث وميساء واقفين فلباب وعيونم علينا....
..
حسيت روحي فرحان... مانعرفش علاش لكن فرحان علاخير على خاطرها معاي...
متوقعتش بكل انها تختار تكون معاي ...
بعد الي صار وبعد ما خطفتها وسفرتها تخيلتها بتنقم عليا وتخليني لكن هي لا...
هلبنت كل يوم نزيد نتعلق بيها اكتر... بديت مدمن علي وجودها مانبيش نقعد من غيرها.....
.
وصلنا نزلنا جت عندي تعاون فيا خايفة عليا بطريقة اني منخافش على روحي هكي ...
قابلتنا فلباب امي هديه مشتلها تجري نيروز وامي تحضن وتبوس فيها تقول عليها بنتها...
قيس- باين عليك نسيتني وبتلهى بيها ..
..
تلفتتلي ودموع في عيونها..
هديه -ننسى ولدي اني !! نموت ومننساكش
قيس- بعيد سو عليك..... بعد طول العمر نشاءالله
قربت حضنتها ..
هديه -وبعد منشوف ولادك ونشوفك تصالحت مع خوك  ..
قيس - اهو بدينا من تو... نيروز بتقعد معانا هني خليها عندك ومنوصيكش عليها عندي خدمة تو...
.
هديه - بتوصيني على بنيتي...
مشت حضنتها..
هديه - برا انت شوف خدمتك احني بنديرو جونا بروحنا ..
قيس-هههه طردي فيا صار باهي اهو ماشي...
..
خليتهم يضحكو وفرحانين وجيت بنطلع نسمع فيها تناديلي....
نيروز -قيس
قيس- تبي شي
نيروز رد بلك على روحك.. ومتعبش روحك هلبا
ياسين -باهي....
..
..
بتهبلني هالفرخة هادي... طلعت ركبت سيارة وماشي نتفاهم معاه.... لازم نوقف على حقي ولا ياكله اصلا هو مايخلي شي....
..
..
عند ليث ... نشوف فيها كيف شادة في يده وماشية معاه... حسيت نار ولعت فيا كيف في ظرف يومين اختارت تقعد معاه ومش معاي ..
تي اني لي سلكتها من لواطي نجيب كان مش اني راهو مع نجيب لي يبي يشريها..
. وتو مشت معاه هو..
. لكن اول واخر شي القرار بيقعد قرارها معاش نقدر نفرض عليها خاصة بعد ما دخل قيس بيناتنا اكيد مش ح يسيبها ...
تلفت لميساء لي واقفة جنبي ومزال تبان مريضة وتاعبة... نشوف في ابتسامة نصر على وجها..
.
ليث -ارجعي شدي مكانك مزلتي تاعبة
ميساء -لا عندي وين بنمشي
ليث -وين تبي تمشي وانتي بلحالة هادي
ميساء - خيرها حالتي ..
ليث -ما تشوفيش في روحك كيف تاعبة وجهك اصفرا!!
ميساء - عادي تو نحط مكياج نرجع نبان اكويسه
ليث -تبي تنرفزيني ع هالصبح!!
ميساء -لا اصلا انت منرفز من لما مشت وخلاتك... شفت اخرتها قعدت بروحك اني بس لي عمري مانخليك...
..
قربت مني شدتلي يدي... جيت بنبعدها لكن عيونها ذابلين ومرضها خلاني نتراجع ونسايرها ... مهما كان تقعد مرتي...

ليث - مطلعنيش من عقلي بري شدي مكانك وكولي اكويس واشربي دواك..
....
نشوف فيها خافت حطت راسها في الارض ...
ميساء - باهي
قالتها بي حزن لكن هي ما يمشي معاها الا هكي ... طول عمرها تخبي في تعبها وتبين القوة حتى وهيه مريضة متبيش حد يشوفها مريضة متبيش حد يشفق عليها....
.
ركبت تجر في رجليها نشوف فيها تمشي ومستنده ع الحيط مش قادره تطلع دروج وحاطة يدها على بطنها...
.
سخفتني مشيت عندها حاوطتها بيدي تلفتتلي مخلوعة وغطت وجها خايفة نضربها...
.
قلبي وجعني لدرجة هدي بديت وحش معاها حتى لما قربت خافت مني...
ليث - متخافيش مش مديرلك شي....
..
طبست عليها ورفعتها طالع بيها للغرفة وهي مكبشة فيا .... وصلت حطيتها فوق لسرير...
ميساء -ماتمشيش ....
.
شفت فيها بإستغراب... تتكلم وتدلل زي صغار مبوزة شفايفها... عمري ما شفتها فلحالة هادي..
ليث -لازم نمشي عندي خدمة
ميساء - االا خليك معاي.. متردنيش المرة هادي ..
..
تنهدت ملقيتش منقول...لازم نمشي ولا منعرفش شن يصير في غيابي... خوي ونعرفه اكيد بيستغل الفرصة ويبدا الموقف في صالحه... لكن سخفتني حالتها
ليث -باهي نكمل بسرعة ونرجعلك
ميساء -وعد!!
ليث -ههه وعد.....
..
تبسمتلي بعدت عليها غطيتها وطلعت وصيت شغاله عليها ومشيت لشركة...... دخلت نلقاه يستنى فيا....
...
..
عند ميساء.... لازم نمشي ليوم مانقدرش نخليهم... اصلا ليا يومين غايبة من لما مرضت اكيد مستاحشيني زي ما اني استاحشتهم . خليته طلع ونضت فيسع نتقاوم على الوجع غيرت وجيت طالعه قبلتني شغالة ...
.
شغالة -مدام سيد ليث قال ...
ميساء - مش لازم يعرف تو مشوار ربع ساعة ونرجع باهي !!
شغالة -بب... باهي مدام
ميساء - اهو قتلك  منعاودش كلامي ..
...
طلعت نلقى سواق خديت لمفاتيح من عنده ومشيت..... نسوق ونحس في روحي تاعبة وبندوخ.... معاش نشوف في شي وحسيت روحي طلعت على طريق وبعدها معاش حسيت بشي......
...
..
عند قيس.
نسوق ...وجرح يوجع فيا هلبا .نسوق بعداب...موجوع علاخير..لكن ماعنديش حل لازم نمشي و نفض كل شي ليوم قبل غدوة.
..نبي نفض مشاكلي كلها مع خوي و بعدها نفضه بي الثاني... نااخد حقي منه ...نعدبه و نحرقه و يحس بلوجع لي حسيته..8 سنين مقدرتش ندير شي ...
..
معرفتش منهو ...نتفكر لما قالتلي يكون منا و فينا في وسطنا... لدرجة هدي عدوي قدام عيوني و منقدرش نعرفه ...
..
وصلت درست السيارة .. ...ودخلت للشركة ...نمشي و رافع
راسي مانبي حد يقلل من قيمتي و نبي وجودي ديماا طاغي..
...
دخلت للمكتب ...مالقيتاش ..قعدت علكرسي ..
وقعدت ندور في عيوني عالمكتب ...و رجعت بذكريات ل8 سنين لتالي...
كل شي تقلب...العيلة تفرقت...كل شي تشتت...هو سبب...لكن من هوا
...للدرجة هادي قدر يخفي كل شي ...
نشوف في ليث دخل...سكر لباب بالمفتااح ...قرب عندي وشافلي . قعد مقابلني... قعدنا نشوفو لبعضنا ...ولع دخان و بدا يتكلم...
منعرفش قداش فات وقت طلعت من المكتب وقابلني فهد ...استغرب ..
فهد - قيس...و في شركة وطالع من عند ليث .. منور...
قيس- حاجة ماتخصكش يا ***...
..
دفيته بكتفي و مشيت...اصلا مانبيش نعكر مزاجي تو... نبي نروح بسرعة و نشوفها ...نيروز بدت تعطيني في امل جديد...طاقة ايجابية جديدة..سكنت عقلي...
..فرخة الصغيرة شن دارت فيك قيس..مجرد تفكير فيها نسيت وجعي وكل شي ....
نسوق.... حرقت طريق 180 ...كانها بتهرب علياا... من ليوم معااش بنخليها و الاهم نبي نعرف علاش اختارت تكون معاي ... شني الي يدور في راسها....وقفت عند بياع الورد ...نزلت شريت و طرت للفيلا..
..
..
عند ليث .... قيس طلع وخلاني نرحي متنرفز .... دخل عندي فهد وحط ملف قدامي... جيت بنفتحه صوت تليفوني رن ... نشوف في رقم ميساء استغربت شن تبي هادي تو..
.رديت بنطمنها ...
ليث - شوي تاني نكمل ونكون عندك ..
- صاحبت تيلفون دارت حادث ورفعناها للمصحة تو ..
ليث -اه شن تقول انت .. في اما مصحة ..!!
- في...
ليث -باهي شويه ونكون عندكم ..
...
صكرت لخط و نشوف في فهد مركز مع كل كلمة قلتها...
فهد -شن صار مني في المصحة
ليث -ميساء.....
..
رديت عليه وطلعت بسرعة بنلحق عليهم... نبي نعرف وين تبي توصل مش قتلها متطلعيش ..ركبت سيارة وطرت عندها ...
..
.
.
#يتابع ..🔇
#ميمي.. 💛🎤